Fulaa 3:12 - BII BILA

¹² Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Fulaa 3:12 Referans Kwoze

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Tɔŋ miingua 31:23

O kon kɔɔli, mí Mɛlɛka soaa o Yosue po Nun-ndo lo, mó dimul ndu aa: «Lueinun yoomuan ma sim yili. Kani nɔm co lakɔ Israɛlla luei o lɛŋnde ya yiilu nda kpemaa mí mɛnan-nden nin ni. Ya pila vanin nɔm ikɛi.»

O Kandɔɔ 31:3

O kon mí Mɛlɛka dimul ndu Yakɔb aa: «Muungu vanaa nɔmnda o ibuŋ, o lɛŋnde fuɲaa nɔmnda nin, i vanin nɔm ikɛi.»

Fulaa 4:15

O kon, a soo o ndu lo, a cɔm ndu sɔɛi-sɔɛi o bɛnda le dimio. Telen niaa vanin kon sɔɛi-yo, ya pila vanin niaa ikɛi, mì cɔm niaa ɲɛ niaa bɛnda le tosaa-o.

Fulaa 4:12

Nɔm kɔ ma kɔaa tuŋ. I vanin nɔm ikɛi telen n vanin sɔɛi-yo, mì cɔm nɔm ɲɛ n bɛnda le dimio-o.»

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Dɛnnda kiilaa 11:21

Kpaaya Maalii-o va nda coo, mí vanaa bɔɔ-bɔɔ laalan, má cɛl Yeesu o kɔlta ndalan nin.

Marke 16:20

Má kɔannun a sɔɛi Hala-e dimio nɛɛ-nɛɛ ka. Yeesu va latulu a nda o baala kon nin, mó va nda kpaayaa keo le dɛnnda kaamaalan tosaa. Cɔmndo va kon ni maa toɲaa kaandennda va dimio ni.]

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Condii lisai 86:17

Cɔm ya tɔɔmasele nɔmndo, mì yaamɔaa nia kpow a ce, mì siɛmbulan la bii nda, kani nɔm Mɛlɛka mala ya ni, má ɲɔɔlu ya.

Esai 37:30

Le nɔm Esekia yɛ, hee yɔŋnunnin tɔɔmaseloo le nɔm: Nanndee he, vannda dianin mííngúúon, ɲinasian, a dianin ɲɛm vulnin a ba ndɔ-on. Kɛ ɲinasian kɔɔlimandɔ niko, o bɛnda mì la saŋ, mì la kow, mì la tɔl rɛsɛnndon, mì la de rɛsɛŋun koaman.

Masaa kialaa n'yamaa 7:11

ma kɔ tuei ɲɛ nda co dimio lon-ndo, o kon a sɔlanin yoomuan le nda kuello.» Mí Sedeɔn kɔa nda Pura vana ndɔ baala háá má tiiya nɛɛ kpalilla va-a.

Masaa kialaa n'yamaa 6:21

Mí mɛlɛkanɔ Hala-o yulu sionnde va ndu o ba len, mó pilan visiei a bulu ndóò toosian kon a lɛvɛn too. Fɔ́ɔ́fɔ̀, mí yinnden le bii vum o powvo, mí le loam ɲɛm mun. O kon, mí mɛlɛkanɔ Hala kon lo ndu o hɔl.

Masaa kialaa n'yamaa 6:17

Mí Sedeɔn muli aa: «Taa cɛl pɛ, tuinun ya iɲíí ma cɔm ya tɔɔmaseloo pum, le sinaa maa nɔm lekɛ́ndɛi co sɔɛi o ya lo ni.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

O Kandɔɔ 15:8

Mí Abram ɲuna ndu aa: «Maalii Hala, vɛ̀ɛ̀ ya sina yɛnin pɛɛngu maa lɛŋnden nden le vanin ɲɛ ni?»

Dɛnnda kiilaa 7:7

Kɛ i kialunin vanaa-mangalaa-isɔɔa nda vanin o ba o cɛlen nin-nda iyama. O kon kɔɔli, a fulanin o lɛŋnde len nin, mà hun biilu ya o fondaa ho.›

Fulaa 3:1

Moise va cɔlua Yetro lefu ndɔ-a mandaa, vana-solia-lasálàá Madian pɛɛn. Paale pilɛ, mɛɛ o kɔɛ a nda o lɛŋnde veselɛilen lekɔɔli, mó tiiya o pembii Hala-e, pembei Horɛb pɛɛn.

Fulaa 3:13

Mí Moise dimul vɛlɛ Hala aa: «I kɛɛ lɛ le kɔlan te, kɛ te i tiiya pɛ o Israɛlla lo, mì dimul nda aa: ‹Hala fuɲaa niaa mamaa vem ya o niaa lo ni›, a co ya ɲuna aa: ‹Vɛɛ o nɔ yɛ diolan?› Vɛ̀ɛ̀ ya mulul-lɛnin nda?»

Fulaa 18:5

O kon mí Yetro pila, lanɔɔ Moise a poaa ŋiɔŋaa Moise-a kɔa o Moise lo, o lɛŋnde veselɛilen nin, o pembii Hala-e ikɛi, nɛɛ ndóò kila dɔ́ɔ́ngɔ́ɔ̀-a.

Fulaa 33:14

Mí Mɛlɛka mulul ndu aa: «Ya pila co va nɔm ikɛi ma sɔla pɛngio.»

Kundalan 16:28

Mí Moise dimi aa: «Mɛɛ niaa sinanin lekɛ́ndɛi maa Mɛlɛka vem ya le vali ya co tosaa-o tosaa ni yɛ, maa i co ɲɛ-ɲɛ tosa a ba ni le yɛ co hoo ni:

Kundalan 23:21

O ci dɛnɛ vɔɔn o Yakɔb nin te. O ci dɛnɛ sandaa lepɛŋ o Israɛl nin te. Mɛlɛka Hala ndaa co nda ikɛi. A co ndu lisaa kpeekpei le masale ndɔlen.

Masaa kialaa n'yamaa 6:16

Mí Mɛlɛka dimi aa: «Ya pila vanin nɔm ikɛi, a koaŋnin Madiannda mɛɛ vana del vana pilɛ coo nuaa ma koŋ ndu yɛ.»

2Masaa 19:29

«Le nɔm Esekia yɛ, tɔɔmaseloo co hoo ni: nanndee, malun vulnin a ba ndɔ-on vannda vanin dioo ni, ɲinasiaŋ bɛɛ, malun vulnin a ba ndɔ-on vannda vanin dioo ni, kɛ o vɔsi yàándɔɔ nin ndu, niaa pila bɛnda mì la saŋ mì la kow, mì la tɔl rɛsɛnndon, mì la de kɔmnde ndɔlen.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

Fulaa 8:27

Mí Mɛlɛka tuɛi piɛile ndɔlen, mó tosa mɛɛ o piɛi ndu yɛ. Mí sunbungaa kɔannun, má faŋan Faraɔnnɔɔ, vanaa ndɔa baalaa a vanaa tɔ̀a kpow kɔɔli. Hali o pilɛ lo lon te.

Masaa kialaa n'yamaa 6:12

Mí mɛlɛkanɔ Hala-o fulal ndu ceen, mó dimul ndu aa: «Mɛlɛka co nɔm ikɛi, nɔm kuubanɔɔ dialun fulaa ho!»

1Samiɛl 14:10

Taa dimul-lɛ naa pɛ a: ‹La hel-lɔ nanu›, n kɔɛ, kani tɔɔmasele naa n sinanin maa Mɛlɛka mal nda naa o ba-o vanin kon ni.»

1Dɛnnda lemasalan 9:20

Pineas, po Eleasar-o va telen pum nda bollen ni, kani Mɛlɛka va ndu ikɛi.