Fulaa 3:10 - BII BILA

¹⁰ Lelan, nɔm Moise, i vem nɔm o Faraɔnnɔɔ lo sunsun. Kɔ ma kɔ soli yungu nuu o sanga kon nin Esipte, Israɛlla pɛɛn.»

Fulaa 3:10 Referans Kwoze

Misee 6:4

Kani ya soli niaa o cɛlen nin o lɛŋnde Esipte len nin ni, mí heelu a niaa, Ya vim niaa Moise, Aarɔn a Miriam, le niaa simndan laci ni.

Condii lisai 105:26

O kon, mí Mɛlɛka viam Moise vana baala ndɔɔ a Aarɔn vana o hɛli-o.

1Samiɛl 12:6

Mí Samiɛl dimul nda vɛlɛ aa: «Mɛlɛka hɛli Moise nda Aarɔn ni, ndu koni soli vɛlɛ fuɲaa niaa mamaa Esipte ni.

Dɛnnda kiilaa 7:34

I ce sanga bɛndu co yungu nuu coo Esipte-o vakpa. I tuei cɛɛŋɔnnda ndalan, le nda baŋaa ya tol ni. Sunsun, kɔ, i yeema mì i vem nɔm Esipte.›

Condii lisai 77:20

A buli nɛiyo le nɔm pila o mɛmma ihɛllan tɛɛn, má soli pemalen o mɛmma bɛndu-bɛnduan nin, kɛ vana-vana seelun foofola nɔmndan te.

Dɛnnda kiilaa 7:36

Ndu soli nda o lɛŋnde Esipte len nin ni, mó tosa dɛnnda kaamaalan a dɛnnda kɔndɔfiltan o lɛŋnde len nin, o mɛmma ihɛlma makpɛ̀ndɛ̀an taŋɔɔ, a o vɔsila belehiɔɔlula nda cii o lɛŋnde veselɛilen nin-ndan bɛngu ni.

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Dɛnnda kiilaa 7:6

Mí Hala dimul ndu aa: ‹Cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa, mà saangiaa nda taw o vɔsilan kɛmɛ lehiɔɔlu bɛngu.

Dɛnnda kiilaa 7:7

Kɛ i kialunin vanaa-mangalaa-isɔɔa nda vanin o ba o cɛlen nin-nda iyama. O kon kɔɔli, a fulanin o lɛŋnde len nin, mà hun biilu ya o fondaa ho.›

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

O Kandɔɔ 15:14

Kɛ i dɔawnin vanaa-mangalaa-isɔaa nda vanin o ba o cɛlen nin-nda yɛɛvɛ. O kon mì cuavaa nɔmaa imamaa faŋan o lɛŋnde len nin, mà hin a ɲɛ-sɔlaa taw.

Fulaa 6:26

O Moise nda Aarɔn ndo Mɛlɛka soo ni, mó dimul nda aa: «La soli Israɛlla a kundalan o lɛŋnde Esipte len nin a yungula ndalan kpow.»

Fulaa 12:40

Israɛlla tosa vɔsilan kɛmɛ lehiɔɔlu a beleyaa o lɛŋnde Esipte len nin.

Fulaa 12:41

Mɛɛ vɔsila lan la ciŋa kɛmɛ lehiɔɔlu a beleyaa, mí vanaa Mɛlɛka-a fula o lɛŋnde Esipte len nin paale loonannde len kpeekpei.

Fulaa 33:12

Mí Moise dimul Mɛlɛka aa: «Tofa vɔ, a dimul-la aa ya kɔ a vannda ha, kɛ a cɔm ya vana n co vomɔɔ le naa liilaa-o le. Nduyɛ nɔm pila dimul-la ni maa a hɛli ya má ca ya ɲia taw.

Fulaa 33:13

Taa ce ya pɛ ɲia lekɛ́ndɛi, mɛɛ cɔm-ndɔ ya yiyan nɔmndo haliko mi sina nɔm, mì sina dɔ́ɔ́ maa a ce ya ɲia lekɛ́ndɛi. Handɔɔ o kon coo, síná vɛlɛ maa cuavaa nɔmnda kpeekpei vannda ha co ni.»

1Samiɛl 12:8

Lɔ́ɔ́ Yakɔb kɔɛ Esipte-o, mí fuɲaa niaa mamaa koŋul Mɛlɛka o lani le nda baŋaa. Mí Mɛlɛka vim nda Moise nda Aarɔn le nda solio Esipte, má hun cal o lɛŋnden nden nin.

Masaa kialaa n'yamaa 6:14

O kon, mí Mɛlɛka mulin nɛɛ Sedeɔn va-a, mó dimul ndu aa: «Kɔ a kpaaya n nɔ hoo-o, ma kɔ baŋa Israɛlla Madiannda o ba. Ya co nɔm vomɔɔ ni.»