Fulaa 3:1 - BII BILA

¹ Moise va cɔlua Yetro lefu ndɔ-a mandaa, vana-solia-lasálàá Madian pɛɛn. Paale pilɛ, mɛɛ o kɔɛ a nda o lɛŋnde veselɛilen lekɔɔli, mó tiiya o pembii Hala-e, pembei Horɛb pɛɛn.

Fulaa 3:1 Referans Kwoze

1Masaa 19:8

Mí Elii can, mó dia ɲɛdiaa, mó kol. Mí ɲɛdiaa kon luei ndu yoomuan, mó kɔa palɛi belehiɔɔlu a malɔ belehiɔɔlu, mó lo kɔlan háá mó tiiyaa o pembii Hala-e, pembei Horɛb pɛɛn.

Fulaa 17:6

Ya Mɛlɛka yɛ, i co va isisi nɔm laci o pow kpovaa coo o pembei Horɛb. A tiiya pɛ lon, a lɔɔ pow kpova kon a tindaa. O kon, mɛnndan ma fulanin ndon, mì Israɛlla kpow a kol man.» Mí Moise tosa lende kaasoŋaa kɔlkalua Israɛlla o hɔl.

Kundalan 10:29

Mí Moise dimul Hobab, po Reuɛl lefu ndɔ Madiannɔ-o aa: «O lɛŋnde Mɛlɛka yiilu naa kpemaa le naa yɔngoo len nin naa n co kɔlan ni. Lelan, hun n kɔnnun naa niaa, a co lakɔ dɛnɛ kɛndɔɔ sɔla lon, kani Mɛlɛka dimi le Israɛl dɛnɛ kɛndɔɔ tosallo.»

Masaa kialaa n'yamaa 4:11

Mí Hebɛr Keniinɔ sɛyan nda Keniaa tɔ̀a, poaa Hobab lefoo Moise-a pɛɛn, mó kɔ toandu cɛi-kola-toandaa ndɔɔ pɔɔli o yálánndo Saananim, Kedɛs ciee-lekɔɔ.

Fulaa 19:11

A va a bɛɛndiannda le diɛŋ, kani i toalnin ɲinkon o pembei Sinai coo nda kpow o hɔl.

Luke 2:8

Vanaa mandaa n'saa pum va o tàndá pilɛ kon nin, a va saa ndaa mandaa icɔllo,

Condii lisai 106:19

Má toosiaa naw téndóó Horɛb, má muungu piɔm nda cɔw a ciliŋun teengian-ndo sooloo.

Tɔŋ miingua 4:10

La pɔɛɛnun paale niaa sim Mɛlɛka Hala niaa o hɔl o pembei Horɛb coo len te, paale len mí Mɛlɛka dimul-la aa: ‹Cuungiaa vannda ha ya o hɔl, mì dimul nda sɔɔn nun, haliko ma nɔ siòòŋii nii, mà ke ya bɛɛlen o palɛi nda nɔ le yoomoo o lɛŋnden coo-e nin kpow, mà pɛɛku vɛlɛ poaa ndaa le siòòŋii nii nɔu.›

Tɔŋ miingua 1:6

Tuma naa n va o pembei Horɛb-o, mí Mɛlɛka Hala naa soaa o naa lo, mó dimul naa aa: «La viow nin bɔɔ icali o pembei he ikɛi.

Fulaa 24:13

Mí Moise can nda Yosue vana ndɔ malaa, má hel o pembii Hala-e coo.

Fulaa 19:3

Mí Moise hel o pembii ken coo le bɔŋanndo nda Hala. Mí Mɛlɛka veelu ndu lon o pembei coo, mó dimul ndu aa: «Sɔɛi n bɛnda ma tɛɛngul pulun Yakɔb-on-nde co hee ni, Israɛlla pɛɛn:

Fulaa 3:5

Mó dimul ndu aa: «Tiiya nanu le, soli samtala co nɔm o n'pelu lan. Kani fonda n sim hoo coo-o, fonda diandaa o co ni.»

Fulaa 2:16

Vana-solia-lasálàá pum va o lɛŋnde Madian-nden nin, ndóò nɔ cuavaa laandua nda ŋɔmmɛw. Mí cuavaa ndɔa kan hun mɛnndan kɔndɔɔ lon le ɲɛla cɔlua kol nin-ndan peiyo le cɔlua fuɲa nda-a koesio.

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Fulaa 4:27

O kon kɔɔli, mí Mɛlɛka dimul Aarɔn aa: «Cɔn ma kɔ diom Moise o lɛŋnde veselɛilen nin.» Mí Aarɔn can, mó kɔa Moise diomɔɔ. Mó kɔ komal ndu o pembii Hala-e. Mɛɛ o ce ndu mó kɔman ndu vɔkuu.

Fulaa 2:21

Mí Moise cɛl le lou o langbanɔ kon ndo le calle nda ndu. Mí langbanɔ kon yɔngu Moise lanɔɔ, cua ndɔ óò nɔ diolan aa Sefora-o pɛɛn.

Fulaa 2:18

Mɛɛ nda muungu o Reuɛl fuɲa nda lo, mó ɲuna nda aa: «La vɛ dɔ́ɔ́ hau keleŋaa hunɔɔ nuaa cɔ́-cɔ́?»

Dɛnnda kiilaa 7:30

Vɔsilan belehiɔɔlu o kon kɔɔli, mí mɛlɛkanɔɔ cɔmnun Moise o yinnde biyaa len nin o bɔɔ nin, o lɛŋnde veselɛilen nin, o pembei Sinai ikɛi.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Fulaa 4:18

Mí Moise faŋan ndon, mó muungu o Yetro lefu ndɔ lo, mó dimul ndu aa: «I co muungu o lɛŋnde Esipte len nin, mì kɔ kpɛngbɛla puapilɛa niaa, le sinaa taa co vɔ pɛ yoomu.» Mí Yetro mulul ndu aa: «Màá kɔ va kɛndɛ!»

Fulaa 18:12

Mɛɛ Yetro cii Hala sangala lende, mó solul ndu sálà loamaa a sálàla celen. Mí Aarɔn a kaasoŋaa kɔlkalua o Israɛlla tɛɛn kpow a dia ɲɛdiaa diandaa kon Hala o hɔl nda lefoo Moise-aa latulu.

Fulaa 19:2

Mɛɛ nda faŋan Refidim, má tiiya o lɛŋnde veselɛile len nin, má kila dɔ́ɔ́ngɔ́ ndaa o pembei Sinai hɔl-ndɔ.

Fulaa 33:6

Ndáà faŋanndo dɔ́ɔ́ o pembei Horɛb ikɛi, má sooluu volɔɔla ndala kɛɛsuanndan.

Tɔŋ miingua 1:2

Cɔnɔnndo o pembei Horɛb, keiyo a nɛi kei a pembei Seir-o, kɔ tiiya háá Kadɛs-Barnea, palɛi tɔ́ a lepilɛ vana tosa o kɔlan nin ni.

Kundalan 10:33

O kon mí Israɛlla faŋan o pembii Mɛlɛka-e, má kɔa palɛi ndii yáá yɛngɛsɛɛ. O palɛi yaii ken bɛngu, kesu kpemaa va kɔlan nda laci le fonda ndáà bɛnda le dɔ́ɔ́ngɔ́ɔ̀ kilaa-o nuwviaa.

1Samiɛl 16:11

O mɛɛlulan, mí Samiɛl ɲuna Yisai aa: «Vɛ̀ɛ̀ o celen co lɛ kɔɔli o poaa nɔmnda tɛɛn te?» Mí Yisai mulul ndu aa: «O pilɛ co yondo, ndu co lumndo ni. O yɛɛ cɔlua diólan.» Mí Samiɛl dimul Yisai aa: «Viom vanndo mo kɔ veelu ndu, kani mɛɛ mo va nanu malan naa n dia ɲɛdiaa sálàá ho.»

1Masaa 19:19

Mí Elii faŋan o fonda kon, mó komal Elise po Safat-o. O va vàá a nawva a ŋiɔn-ŋiɔnda kundalan tɔ́ a latiɔn. Ndu pila va vàá a kunda tɔ́ a o diinndɔɔ ni. Mí Elii sɔɔnguu ndu ikɛi, mó vuu ndu doma ndɔ bɛndoo coo.