Fulaa 27:1 - BII BILA

¹ «O kon kɔɔli, ma toosiaa vɛlɛ fonda-loamaa-lasálàá a pɛngɛn akasia, mì kpengon kpow n va ɲɛ pilɔɔ: bandei dunndo leŋuɛɛnu, buo dunndo leŋuɛɛnu, simndan dunndo leyàá.

Fulaa 27:1 Referans Kwoze

Hebreea 13:10

Fonda-loamaa-lasálà naa n nɔ-o, vanaa-solia-lasálà co vallo o cɛi-kola-toandaa diandaa nin-nda bɛnda mà de ɲɛ solin sálà lecoo-o le.

2Dɛnnda lemasalan 4:1

Mó cɔaw fonda-loamaa-lasálàá a daɲan, bandei dunndo bidiin, buo dunndo bidiin, helɔɔ dunndo tɔ́.

2Samiɛl 24:18

O paale pilɛle len nin, mí Kad vana-tɛɛngaa-diom Hala-o komal David mó dimul ndu aa: «Kɔ o kpele lɔaa n'mal Haarawna Yebusiinɔ-o coo, mà cɔw fonda-loamaa-lasálàá lon le Mɛlɛka.»

Fulaa 40:29

Mó kɛsi fonda-loamaa-lasálàá o Calta Mɛlɛka lan sondoo, cɛi-kola-toandaa-labɔɔŋianndo pɛɛn. Mó solul Mɛlɛka sálà loamaa a sálà ɲɛm vaa mɛɛ ndu pila cɔm le tosaa yɛ.

Fulaa 40:10

Ma pɔla vɛlɛ fonda nda loam sálàla loamaalan coo-o a ɲɛm ndɔn laandon kpow, ma dindi ndu Mɛlɛka o hɔl, mó siŋnun ɲɛ diandaa-diandaa.

Fulaa 24:4

Mí Moise sɛva sɔɔn Mɛlɛka soo-on kpow. Diimandɔɔ, mó pena cɔnɔn idiiyo púŋ, mó cɔaw fonda-loamaa-lasálàá o pembii ken bɛngu, mó simi powta sálàlan tɔ́ a latiɔn mɛɛ polama Israɛlla ma co tɔ́ a mamiɔn yɛ.

Fulaa 35:16

Mà cɔw fonda-loamaa-lasálàá, ɲɛ ndɔ nda lɔfanin a daɲan maa kpangbàà-o, yɔmii nda cuà ndu-e, ɲɛm ndɔn laandon kpow, fɛngɛ bɛndu mamɛnndo a fonda o kɛsinin tumndo coo-o.

Kundalan 3:31

Ɲɛm nda va mandaa-on va mun ni: kesu kpemaa, tabali bulu toosian a lɛvɛn too va coo-o, ɲɛ kɛsiaa lafitinaa, fondala-loamaa-lasálàlan, ɲɛm diandan va le sálàlan solio-on a kola-landaa kelu Fonda-Diandaa a Fonda Diandaa-Diandaa tɛɛn-ndo. Ndáà tosa valta va a ɲɛm mun o kɔɔ lan ni.

Kundalan 4:13

a kɔndu pulta macuɛila co o fonda-loamaa-lasálàá coo lan, a pɛngɛla kola siaŋa sɔɔtɔtɔɔ lecoo,

2Masaa 16:14

Mó faŋa fonda-loamaa-lasálà n'daɲa va o Cɛi-Mɛlɛka-o hɔl-ndɔ-o o fonda ndɔɔ, ó va o fonda-loamaa-lasálà sɛnɛiyo a Cɛi-Mɛlɛka-o tɛɛn-ndo pɛɛn, mó kɛsi ndu o fonda-loamaa-lasálà sɛnɛiyo ikɛi, a ba luaŋ-ndo.

1Dɛnnda lemasalan 6:49

Kobila lan a yondola balu lan-ndan kpow Israɛlla ndáà yɔngu cuavaa-imamaa Levii-a ni.

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Fulaa 17:15

O kon mí Moise cɔaw fonda-loamaa-lasálàá, mó ke ndu diolan aa Adonai Nisi (kon co dimio ni aa «Mɛlɛka co lɛfɛ nuu ni.»)

Fulaa 31:9

fonda loamaa sálà loamaa a ɲɛm ndɔn vallon kpow, fɛngɛ bɛndu mamɛnndo a fonda ndɔ kɛsiaa tumndo,

Fulaa 39:39

fonda-loamaa-lasálà cɔwnun a daɲan-ndo, kpangbàà bɛndu n'daɲa ndɔɔ, yɔmii co le ndu cuaa-e, ɲɛm ndɔn laandon kpede, fɛngɛ bɛndu mamɛnndo a fonda ndɔ o kɛsi tumndo nin-ndo,

Fulaa 40:6

Ma kɛsi fonda nda loam sálàla loamaalan coo-o o Calta Mɛlɛka la lan sondoo, cɛi-kola-toandaa-labɔɔŋianndo pɛɛn.

Kundalan 4:14

a handu volɔɔla valta fonda-loamaa-lasálà kon lecoo: bonyun fuusan, cukanila n'ciŋndan, ɲɛla ɲindaa lapultan, taalala fasaŋiaa makòólan. O kon, a kumbu kon kpow a kola nda toosiaa a yáwla kálà-kálàlan lapum-ndo, a sɔɔ yɔmnde le ndu cuaa.