Fulaa 26:1 - BII BILA

¹ «Ma tangul Calta Mɛlɛka lan a kolala keeselan tɔ́, la nda muulian lɔu a kɛila kpeendaalan, a kolala yiiŋii saala nda yin a kaan-ndan, la nda yin yinɔɔ siaŋa sɔɔtɔtɔɔ lan a la nda yin yinɔɔ siaŋa vólotótoo lan-ndan. Mì vanaa caa sɔɔluuo taw-va tuuliaa mɛlɛkaa kanda ɲɛm Hala-on-nda lecoo.

Fulaa 26:1 Referans Kwoze

Fulaa 26:36

O kon kɔɔli, ma toosiaa kola-landaa celen a kolala keesela nda lɔ a kɛila nda yin a kaan-ndan, la nda yin yinɔɔ siaŋa sɔɔtɔtɔɔ lan a la yin yinɔɔ siaŋa vólotótoo lan le dio cɛi-kola-toandaa-labɔɔŋianndo, mò va o sɔɔlaa ɲɛkɛndɛi.

Fulaa 36:35

Má tosa kola-landaa a kɛila nda yin a kaan-ndan, a kɛila siaŋala sɔɔtɔtɔlan, a kɛila siaŋala vólotótolan a á kola keesoo. Mí vanaa caa sɔɔluuo taw-va tuuliaa mɛlɛkaa kanda ɲɛm Hala-on-nda lecoo.

Fulaa 26:31

«Ma toosiaa kola-landaa a kolala keesela nda lɔ a kɛila kpeendaala nda yin a kaan-ndan, la nda yin yinɔɔ siaŋa sɔɔtɔtɔɔ lan a la nda yin yinɔɔ siaŋa vólotótoo lan. Mì vanaa caa sɔɔluuo taw-va tuuliaa mɛlɛkaa kanda ɲɛm Hala-on-nda lecoo.

Fulaa 25:18

Ma tuula mɛlɛkaa kanda ɲɛm Hala-on-nda a ŋiɔn a sianin fɛtufɛton o kpengun miuŋun kumbu kon.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Dɛnnda cɔɔmuanndan 19:8

A yɔngu ndu volɔɔla cuɛinannda kola keese fɛtufɛtu lan, kola keese fɛtufɛtu ŋɛlɛngi-ŋɛlɛngio pɛɛn.» (Kola kon co yɛ dɛnnda sandaala vanaa diandaa Hala-a ni.)

Hebreea 9:9

Dɛnɛ kon co macoaa tuulaa le telenndo ho. Kɔlɔ ndɔɔ co ni maa ɲɛm-kéan a sálàla n'cɔlula vannda solul Hala lan la nɔla kɔlta vanaa co o kaannde len-nda dindio le.

Hebreea 8:2

O co vali ndɔɔ tosaa o fonda-diandaa nin, o cɛi-kola-toandaa kpeekpeiyo nin, o Mɛlɛka pila kila-o, o vanaciee tosa loo.

Nsaŋ 2:21

Kɛ cɛi Yeesu va sɔɛi ndɔɛi dimio-o co dialun ndɔn ni.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

1Dɛnnda lemasalan 21:29

Telen kon yɛ, Calta Mɛlɛka lan, la Moise ndóò tangul o lɛŋnde veselɛilen nin-ndan a fonda-loamaa-lasálàá, la va vɔ o fonda biilaa nin Kabaɔn.

1Dɛnnda lemasalan 17:1

Lɔ́ɔ́ David cal o cɛi ndɔ lemasaa nin-ndo, mó dimul Natan vana-tɛɛngaa-diom Hala-o aa: «Tofa vɔ, ya i co icali o cɛi tangulun a yɔmii sɛɛdrei-yo nin, mi kesu kpema Mɛlɛka-o ndu va o cɛi-kola-toandaa nin.»

Fulaa 40:2

«Te paangii tasei cɔm pɛ, paale tasele paangii ken, a tondu Calta Mɛlɛka lan, cɛi-kola-toandaa-labɔɔŋianndo pɛɛn.

Fulaa 35:35

Mó yɔngu nda dɛnɛ sinaa le baalalan kpow tosaa, le ɲɛlan caa siɔlɔɔ a le tuuliaalan caa, le kolaa lɔu a kɛila nda yin a kaan-ndan, a kɛila siaŋala sɔɔtɔtɔlan a á kɛila siaŋala vólotótolan a le kola keesoo caa lɔu, le baalalan kpow tosaa a le ɲɛlan caa tuuvo.»

Fulaa 35:6

A nɔla vɛlɛ mà yɔngu kola báà kala nda yin a kaan-ndo, kola báà kala siaŋa sɔɔtɔtɔɔ, kola báà kala siaŋa vólotótoo, kola keesoo, yiiŋii cuinnda,

Fulaa 25:8

Ma tosal-la Cɛi-Diandaa haliko mi cal Israɛlla tɛɛn.

Fulaa 25:4

yɔɔsɔla nda yin a kaan-ndan, yɔɔsɔla siaŋala sɔɔtɔtɔlan, la siaŋala vólotótolan, kola keese fɛtufɛtoo, kola toosian a yiiŋii cuinnda-o,

Hebreea 9:2

Lelan mí ndáà toandu cɛi kolaa. O fonda tase cɛi kon nin, o ndáà veelu aa fonda diandaa-o, lon ɲɛ kɛsiaa lafitinaa a tabali kɛsiaa bulu ndáà ke Hala-o va ni.

Fulaa 26:2

Mì kola oo kola va bandei dunndo bidiin a leŋɔmaa, buo dunndo lehiɔɔlu. Kola oo kola bɛnda mò nɔ bandei a buo lende kpafii.

Fulaa 35:11

Calta Mɛlɛka lan, kola-toandaa ndɔɔ, kola nda kuumbuu lecoo-o, ɲɛla nda baa ɲɔɔn-ndan, pɛngɛn ndɔn, kandola ndɔlan, sungbuma ndɔan a ɲɛla ma kɛsi tumndan nin-ndan.

Kundalan 3:25

O cɛi-kola-toandaa-labɔɔŋianndo nin, vali ndaa va hoo ni: hɔlla landɔɔ o Calta Mɛlɛka la va lenin-ndan coo, o kolala nda vii ndu lan coo, o kola-landaa va o cɛi-kola-toandaa kon sondoo-o coo,

2Samiɛl 7:2

Paale pilɛ, mí masa kon dimul Natan vana-tɛɛngaa-diom Hala-o aa: «Tofa vɔ, ya i co icali o cɛi tangulun a yɔmii sɛɛdrei-yo nin, mì kesu kpema Mɛlɛka-o ndu va o cɛi-kola-toandaa nin.»

Fulaa 31:7

Ɲɛm mun co mun ni: cɛi-kola-toandaa-labɔɔŋianndo, kesu kpemaa, kumbu kesu kpema kon a ɲɛm co o cɛi-kola-toandaa-labɔɔŋian kon nin-ndon kpow:

Fulaa 39:3

Má tala sianin nda teengiaa-on, má kilikili mun maa lakɛi, má bingulan mun a kola nda lɔ a kɛila nda yin a kaan-ndan-ndo, a kola siaŋa sɔɔtɔtɔɔ, a kola siaŋa vólotótoo a á kola keese kɛndɛ-kɛndɔɔ. Vanaa caa sɔɔluuo-a tosa baala kon ni.

Kundalan 4:25

Nda cuanin kolala Calta Mɛlɛka lan ni: cɛi-kola-toandaa-labɔɔŋianndo, kola ndɔɔ, kola ndɔ vuaa nda tosa a yáwla kálà-kálàlan-ndo, kola-landaa co o dio cɛi-kola-toandaa-labɔɔŋianndo-o,

1Masaa 6:29

O cììn Cɛi-Hala-o kpow coo, mó tuuliaa mɛlɛkaa kanda ɲɛm Hala-on-nda, siɔ́ɔ́la vawlan a peengela pɛɛngaalan.