Fulaa 24:1 - BII BILA

¹ Mí Mɛlɛka dimul Moise aa: «Cua Aarɔn, Nadab, Abihu a kaasoŋaa kɔlkalua n'van belaŋɔmmɛw o Israɛlla tɛɛn, mì la hel o ya Mɛlɛka lo o pembei coo, mì la sim kɔɔli-kɔɔli, mì la baŋ vulan ya o labɛngunin.

Fulaa 24:1 Referans Kwoze

Kundalan 11:16

Mí Mɛlɛka mulul Moise aa: «Cuungial-la n'van belaŋɔmmɛw o kaasoŋaa kɔlkalua Israɛlla tɛɛn, a n sina maa vanaa kɔlkalua a simlacia nda co ni-a, ma hin a nda o cɛi-kola-toandaa-labɔɔŋianndo sondoo, mì la sim lon niaa ndaa.

Fulaa 6:23

Mí Aarɔn yil lanɔɔ diolan Eliseba, cua Aminadab-o a yemaa Naasɔn. Mó vilul ndu poaa nda hiɔɔlu: Nadab, Abihu, Eleasar a Itamar.

Fulaa 28:1

«O Israɛlla tɛɛn, ma cua Aarɔn bɛ nɔm nda poaa ndɔa, Nadab, Abihu, Eleasar a Itamar pɛɛn, mì nda sɔɔnguu nɔm ikɛi. Nda hɛlin o Israɛlla tɛɛn le siŋnɔnndo vanaa-solia-lasálàá le ya Mɛlɛka ni.

Fulaa 19:24

Mí Mɛlɛka dimul vɛlɛ ndu Moise aa: «Tol. Kɔ mà kɔ hun a Aarɔn. Kɛ vanaa-solia-lasálàá a vanaa tɔ̀a nda keleŋa vɔ helɔɔ a kiltan nɛɛ ya co-a le, yɔŋii ya tɛɛmbuu nda.»

Luke 10:17

Mí kaandeŋaa belaŋɔmmɛw a à ŋiɔnda muungu a ɲaaloo, má dimi aa: «Maalii, hali ɲinaa vɔɔnda bii sɔɛi nɛi o diola nɔmndan.»

Luke 10:1

O kon kɔɔli, mí Maalii hɛli vɛlɛ kaandennda belaŋɔmmɛw a ŋiɔn, mó viam nda a ŋiɔn-ŋiɔn ndu laci o kobilan nin a o fondala ndu pila ndóò nɔ o kɔl le kɔlan-ndan kpow.

Esekiɛl 8:11

N'van belaŋɔmmɛw o vanaa kɔlkalua Israɛlla tɛɛn a va isisi piɔmaa kan o hɔl, Yaasania po Safan-ndo va isisi nda tɛɛn. Vana-vana óò nɔ bonyii fuusɛi o ba, kumii bɛndu-bɛndui ansan va ŋɔu o bonyun mun nin-nde va helɔɔ coocoo tukpe-tukpe.

1Dɛnnda lemasalan 6:3

Poaa Kehat-a yɔŋnun Amram, Yisehar, Hebrɔn a Usiɛl ni.

Fulaa 34:2

Pena bɛɛndian siɔdii púŋ-púŋ, ɲɔɔ kandu dɔ́ɔ́ pɛ tengaa, a hel o pembei Sinai coo, a sim ya cum o pembei bollen.

Fulaa 24:15

Mí Moise hel o pembei Sinai coo, mí kumnde kumbu pembii kalɛi mɔku-mɔku.

Fulaa 24:9

O kon kɔɔli, mí Moise hel o pembei coo nda Aarɔn, a Nadab, a Abihu a kaasoŋaa kɔlkalua belaŋɔmmɛw o Israɛlla tɛɛn.

Fulaa 20:21

Mí vannda sim kɔɔli-kɔɔli, Moise ndu pilɛ kpé sɔɔnguu nɛɛ Hala va o tindile ikumnden nin-nda ni.

Fulaa 19:20

Mɛlɛka ndóò tol o pembei Sinai bollen di-di, lon o veelu Moise ni, mí Moise hel.

Fulaa 19:9

Mí Mɛlɛka dimul ndu aa: «Tofa vɔ, i co kɔlan o nɔm ndo o kumii bɛndu-bɛnduei nin, haliko lɔ́ɔ́ ya vanin sɔɛi o nɔm ndo-o, mì Israɛlla tuei ya diom, mà laalan nɔm le lɔ́ɔ́-lɔ́ɔ̀.» O kon mí Moise cɔm Mɛlɛka sɔɔn Israɛlla soo-on.

Fulaa 3:5

Mó dimul ndu aa: «Tiiya nanu le, soli samtala co nɔm o n'pelu lan. Kani fonda n sim hoo coo-o, fonda diandaa o co ni.»

Fulaa 1:5

Kpow-kpow, a va vannda belaŋɔmmɛw, Yosɛf ndu va nin o lɛŋnde Esipte len nin.

Fulaa 24:2

Nɔm Moise kínɛí bɛnda ni mà sɔɔnguu ya ikɛi, haa nda bɛnda mà sɔɔnguu ya ikɛi le. Vanaa tɔ̀a yɛ, nda bɛnda mà hel o pembei coo le.»

Tɔŋ miingua 1:15

O kon mí cua vanaa va bolii lapangɛi o polama niaan coo-a, vanpiaandua kendu kɔl-la, á nɔ diola kɛndɛlan-nda, mí handu nda simlacia o kundala n'van vàá-vàálan, o kundala n'van kɛmɛ-kɛmɛlan, o kundala n'van beleŋuɛɛnu-beleŋuɛɛnulan a o kundala n'van tɔ́-tɔ́lan coo, mí siinguu nda vanaa toosiaa n'sɔɔa le polama niaan.