Fulaa 23:3 - BII BILA

³ La sim vannda kɔɔli o còòlan coo o kɔɔsɔɔ nin te, hali o va vana bala fondoo.

Fulaa 23:3 Referans Kwoze

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Tɔŋ lasálàá 19:15

La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.

Tɔŋ miingua 1:17

La hiyan vannda mì la sim vana kɔɔli o yamɛi kiolɔɔ nin te. La yaŋ cuaambɔɔ nilan mɛɛ niaa yaŋ kaasonɔɔ nilan yɛ. La yɔŋ isiòòn le vana-vana le, kani Hala o ba yamɛi kiolɔɔ i fula ni. Te kɔɔsɔɔ pum hiow niaa pɛ mayoomu, la cuu ya ndu, i tofa dɛnɛ kon lenin.›

Fulaa 23:6

La dímì còòlan mì la ven di vana bala fondoo o kɔɔsɔɔ le.

Tɔŋ miingua 16:19

La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.

Talelan 18:5

Dɛnɛ vɔɔndo o co le vana kɔlvesɛiyo simndan kɔɔli o kɔɔsɔɔ nin ni, mì vana tuŋ vana tɛɛmbuu isɔɔ loo dí ndɔɔ.

Talelan 22:22

Yúngà vana bala fondoo le tùú o nɔ kpaaya loo le, del vana ikɔɔ coo nɛɛ nda kialu yaman o dio luɛyaa kobio nin-nda le,

Esai 10:1

Dɛnɛ palaa co le vanaa co tɔŋnda lakafalan yɔngoo-a, vanaa co tɔŋnda tuisi vannda sangaa coo lan sɛvaa-a pɛɛn,

Amɔs 5:12

Kani i sina maa yɔŋnda vɔɔnnda niaalan la co labɔɔ, hakila niaalan la kui taw-taw. La co vanaa sandaa mɔnɛi lueiyo, La co luɛyɔɔninndo cɛlɔɔ, mì la va dí vanaa bala fondoa tɛɛmbuuo o fonda kialaa n'yamaa.