Fulaa 23:1 - BII BILA

¹ «La sɛŋi sɔɔn lacòòvan te. La sim vana yɔŋ vɔɔndo kɔɔli mì la timbi seile lacòòvalen le ndu dio keo le.

Fulaa 23:1 Referans Kwoze

Condii lisai 101:5

I kpaanin vanaa congu caaŋaa ndaa o vionnɔnndo nin-nda. I tiwnin ba kelaa naa vanaa tofa caanda tofa vɔɔndo-a le, te kon te naa vanaa yongaa.

Talelan 19:5

Sei lacòòvaa lonin lende mò kɛɛ sangaa sɔla le. Vana dimia lacòòvaa bɛɛ helunnin sanga kelun le ndu-o le.

Fulaa 20:16

La tímbul caanda seile lacòòvalen te.

Condii lisai 35:11

Seyaa lacòòvaa co cɔnɔnndo, a co ya sɔɔn ya sina loon ɲuuniaa.

Tɔŋ miingua 5:20

La timbul caanda seile lacòòvalen te.

Tɔŋ lasálàá 19:16

La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.

Rɔmnda 3:8

Maa mɛɛ vannda pum a co naa tɔ́ɔ́ tɛɛmbuuo mà va dimio yɛ aa: «N tosan dɛnɛ vɔɔndo haliko mi o kɛndɔɔ fula lenin.» Vanaa kan a sɔlanin yaalaa, ɛɛ nduyɛ, o bɛnda lende.

Talelan 19:9

Sei lacòòvaa lonin lende mò kɛɛ sangaa sɔla le. Vana dimia lacòòvaa tambunin.

1Piɛr 3:16

Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

2Timote 3:3

A nɔnin iɲíí le, a vanin vanaa bii tɛɛlɔn te-a, vanaa tɛɛmbuu caanda diolan-nda, vanaa bii kɔlta ndalan te-a, vanaa kɔlvesɛiya a vanaa yeema dɛnɛ kɛndɛ le-a.

Efɛsea 4:25

Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

Talelan 24:28

Tɛndal vana niaa cal-lo seile lakafalen te. Vɛ̀ɛ̀ ma dimi còòlan?

Talelan 21:28

Sei lacòòvaa dɔawnunnin yɛɛvɛ, kɛ vana-vana yaŋnun pɛ, ndu nɔnin dío le sɔɛi.

Talelan 10:18

Dɛnɛ muuluanndo o co le nɛyɔnndo vonɔɔ ni. Vana sɔɔn pɔmbɔɔ ndu, o pe lebol te.

Talelan 6:19

sei lacòòvaa tɛnda seilen a còòlan-ndo a vana mɛli sɔngɔlan puapilɛa tɛɛn-ndo.

Condii lisai 15:3

Ó congu vana loo, ó tosal caanda dɛnɛ vɔɔn too, ó tɛɛmbuu vana nda cal latulu-o lebɛɛ loo.

Tɔŋ lasálàá 19:11

La yɔ́ŋ levui le, la dímùl caanda lacòò mì la tosal nda lakafa le.

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

Luke 3:14

Mí vanaa cɔwva bɛɛ ɲuna ndu aa: «Naa yɛ, yɛɛ naa n tosa yɛ?» Mó mulul nda aa: «La del vana coo le, la cua ɲɛ vana a lakafa le, la hìní kɔl a sala niaa.»

Matie 19:18

«Ɔ́ɔ̀ tɔŋnda lan?» Mí Yeesu mulul ndu aa: «Dii vanacieo le, suunda le, tɛnda seile lakafalen te, yɔŋ levui le.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Talelan 25:23

Mɛɛ hoeyii fula a luaŋ-ndo-e hun a piɔɔ yɛ, lende yondala caabiyɛilan la hun a kɔlta tambɛilan ni.

Talelan 25:18

Vana tɛndal caanda seile lakafalen-ndo co ko maa kpélénkpélén, maa mɔɛi cɔw, te kon te maa kɔɛi siɛmbiaa.

Talelan 19:28

Sei kindu kɔl too mam dɛnɛ sandaa ni. Vanaa kɔlvesɛiya yeema dɛnɛ vɔɔndo tosaa o sɔɔn ndan nin ni.

Talelan 17:4

Vana dɛnɛ vɔɔndo yaŋ nilan o sɔɔn vɔɔnndon ni. Vana lacòòvaa yaŋ nilan o sɔɔn muuluanndon ni.

Talelan 12:17

Vana dimi toɲaa-o cɔm dɛnɛ sandaa vakpa ni, kɛ sei lacòòvaa ndu kafalan la hɛnan ndu ni.

Condii lisai 120:3

Sanga yɛɛ Hala tuisi yɛnin niaa coo, niaa vanaa co haa vannda huiyo-a?

Condii lisai 27:12

Mal-la yaamɔaa nia o ba le, yɔŋii nda tosa hɛnan ndaa a ya. Kani seyaa lacòòva yiinan le ya hinullo, a hiila hiilaa pila a ya.

2Samiɛl 19:27

Mó muli aa: «Àá masaa! Buɛi nuu pala ya ni. I va yiyanndo le sofɛlɛ nuu toosiaa, mì yáà kɔɛ lecoo nɔm kɔɔli, kani vana bɛvɛiyo ya co ni.

2Samiɛl 16:3

Mí masaa ɲuna Siba aa: «Kuɛɛ nɛ Mefibosɛt, po imama vana nɔm bɛndoo co yɛ?» Mó mulul ndu aa: «O lo Yerusalɛm ciee. Kani o co yiyanndo maa Israɛlla co ndu hau masale fuɲa ndɔlen mingi o ba.»

Fulaa 23:7

La luei balan o sɔɔn lacòòvan nin te. La dii vana tɛɛmbuu isɔɔ loo le, la dii vana sandaa le. Kani ya Mɛlɛka, i ci vana tɛɛmbua tɔŋndo vana sandaa le.

Nsaŋ 7:51

«Vɛ̀ɛ̀ tɔŋ naa cɛl pá mì n kelu yamɛi vanndo te o co mi vana kon soo, mì vana sina dɛnɛ o tɛɛmbuu-o le?»

O Kandɔɔ 39:17

Mó downun ndu kona, mó dimi aa: «Cɛ Hebreenɔ n pendu hoo má cuu naa ndu-o hin ma hunaa le naa bɛ̀ɛ̀lan tɛɛmbuuo. O hun kpuva ya le hinilan a ya.

Talelan 14:5

Sei toɲaa dimi lacòòvaa le, kɛ sei lacòòvaa ndu còòlan kínɛí o dimi ni.