Fulaa 22:8 - BII BILA

⁸ Dɛnɛ oo dɛnɛ sɛɛngianndo co pɛ nin, o va dɛnɛ naw, o va dɛnɛ sofɛlɛ, o va dɛnɛ saa, o va dɛnɛ volɔɔla cuɛinan, o va dɛnɛ ɲɛ-ɲɛ lo, te vanaa ŋiɔn va pɛ sɛɛgianndo lecoo, mì vana-vana va dimio aa: ‹Ɲɛ nuu co hoo ni›, vanaa ŋiɔŋaa kan a bɛnda mà kɔɛ a sɔɛi ken Hala o hɔl. Vana Hala yàála pɛ, ndu salal vanndo pilɔɔ ɲɛ kon lediin.

Fulaa 22:8 Referans Kwoze

Tɔŋ miingua 16:18

«O kobila Mɛlɛka Hala niaa yɔngunin niaa lan kpow nin, la bɛnda mì la handu vanaa kialaa n'yamaa a vanaa sɛvaa o polama niaan coo. Nda vanin vannda yaman kiolɔɔ tɛɛn o sandei nin ni.

Fulaa 22:28

La tamala le ya Hala ɲɛm tasen niaa kow o ciɛɔn niaan nin-ndon a mɔima niaama tasean yɔngoo le. La bɛnda mì la yɔngu ya poaa niaa tasea.

Fulaa 21:6

o kon, vana ndɔ bɛndoo sɔɔnguu a ndu Hala o hɔl, o kɔɛ a ndu o koŋndo ikɛi, te kon te o kèédei coo, o buli ndu nilen a yɔɛi buliaa laniei. O tosa pɛ lende, langbanɔ kon siŋnun cɛ ndɔɔ le fɛɛn a fɛɛn.

Condii lisai 82:1

Condei, condii fula o condun Asaf-on nin-nde. «Hala co vanaa balu ndu-a tɛɛn, o co halaa tɛɛn mó va yaman kiolɔɔ aa:

1Dɛnnda lemasalan 23:4

Mí David hɛli vannda vaalan bidiin a lahiɔɔlu (24 000) le hɔlla landɔɔ o baala Cɛi-Mɛlɛka-o coo, vannda vàálan tan ŋɔmpum (6 000) le simlacilen a le yaman kiolɔɔ,

Fulaa 22:9

Te vanndo yɔngu pɛ vanndo sofɛlɔɔ, nawvo, saa, te kon te cɔlu súú-súù congɔɔ, te cɔlu kon vi pɛ, te kon te mò yem pelei, te kon te mì vuiya hun del o tàndà kon coo, mà ciimbuu cɔlu kon, te sei ve ikɛi le,

1Masaa 8:31

Te vanndo cua pɛ hakio a puapilɛ ndɔɔ, mà dimul ndu le mɛnanndo, te o mɛnan pɛ o fonda-loamaa-lasálàá nɔmndo ho cɛinin nanu,