Fulaa 22:2 - BII BILA

² Kɛ te ipala dɛnɛ kon yɔŋnun ni, mà dii ndu, vana dii ndu-o bɛnda mò sɔla sɔɛi le vanaciee o dii-o. Vuiyo ciimbuu pɛ ɲɔɔ, o bɛnda mò luɛi bɔnɔɔ le ɲɛ pilaa salaa. Te o nɔ ɲɛ le, a pisi ndu pila le ɲɛ o ciimbuu-o salaa.»

Fulaa 22:2 Referans Kwoze

Matie 24:43

La sina hee pɛɛngu: te vana cɛiyo ndóò sina pɛ telen vuiyo co hunɔɔ ndu ciimbuu o ɲumndan nin-ndo, o va lo lahɔl. Ndóò cɛlnin mì vuiyo ndóò pɛl cɛi ndɔɔ le.

Kundalan 35:27

te vana co le màá mingio-o komal pɛ ndu lon mo dii ndu, vana kon sɔlanin isɔɔ-sɔɔ le diyɔɔ o dii ndu kon-ndo le.

1Tesalonikea 5:2

kani niaa pila sìna ɲɛkɛndɛi maa paale Maalii hunin-nden le vanin ko maa paale vuiyo hinul vana icɔl-ten.

Yɔɛl 2:9

A keleŋa tiw o kobio nin cɔ́-cɔ́, a co kiltan o kpakio coo, a co helɔɔ o cɛilan coo, a co luɛyɔɔ o diola pɔmbɔlan maa n'vui.

Osee 7:1

«telen yáà yeema le Israɛlla singio-o, mí kɔlvesɛi cuavaa-imamaa Efraim-nda a dɛnɛ vɔɔn Samaria fula ceen kpendekele. Kani o còòlan nin nda co kelaa ni. Vuiya co luɛyɔɔ cɛilan nin, vanaa del vannda coo-a tiw o nɛilan kpow coo.

SƐBƐ YƆB-O 30:5

Vannda va nda tovɔɔ le nda faŋaa vanndacieea tɛɛn, má va nda yondaa kɔɔli mɛɛ vana yonda vuiyo kɔɔli nuaa yɛ.

SƐBƐ YƆB-O 24:14

Ɲɔɔ và vɔ yifidii, mì vana diyaa n'vanndo cɛn, mò dii vana bala fondoo a vana ikɔɔ, o kon ɲumndan ma tol pɛ, o kɔɛ vuilen.

1Piɛr 4:15

Vana-vana o niaa tɛɛn sanga le tùú o co vana diuvaa n'vanndo-o le, le tùú o co vuiyo-o le, le tùú o co vana tosaa dɛnnda vɔɔndo-o te kon te vana vow sondoo o sɔɔn pilan nin-ndo le,

SƐBƐ YƆB-O 24:16

O ɲumndan nin koni vuiyo buuluu cɛilan ni, ipala, o kindan dio ndɔɔ kɔɔli. O sina sɔɛi ɲɛ-tengaa le.

Yeremi 2:34

Kooma vanaa tɛɛmbuu isɔɔ le-a ma suinun o domala niaalan kpengon. Nduyɛ, o co o diola niaa bɛŋi le niaa bii nda le.