Fulaa 21:2 - BII BILA

² Te la pendu pɛ cɛɔ, mì cɛ kon va Hebreenɔɔ, o bɛnda mò tosal vana pendu ndu-o baalaa o vɔsilan laŋɔmpum bɛngu. Kɛ o vɔsi ŋɔmmɛwndɔɔ, o sɔla hɔ́ɔ́yɛi ndɔɛi, o kɔɛnnun. O bɛnda mò sala ɲɛ-ɲɛ le baŋan ndɔ kon te.

Fulaa 21:2 Referans Kwoze

Tɔŋ miingua 15:18

La tambu kɔl le cɛa co niaa o ba-a hɔ́ɔ́yɛi ndɛi yɔngoo le, kani o vɔsilan tan ŋɔmpum bɛngu, a lueilul niaa tɔnɔɔ hiovɔɔ tɔnɔ kɔntalanɔɔ lueilùl niaa-o bɛmbɛ lediin. Lelan, la yɔngu nda hɔ́ɔ́yɛi ndɛi, mì Mɛlɛka Hala niaa koma dɔw niaa duaa o ɲɛ-ɲɛ niaa vanin tosaa nin.»

Fulaa 12:44

Cɛa nda pendu-a nɔla mà de ɲɛdiaa kon, kɛ fɔ mà dii fɔlɔn toomaa.

Nehemi 5:8

mí dimul nda aa: ‹Naa pila n baŋa puapilɛa naa Yuifia nɛɛ nda va a pisiaa o cɛlen nin vanaa celennda o ba-a ni. Kɛ niaa niaa, la co puapilɛa niaa piisuanndo niaa pila o laba.› Má mei kpili, a sɔla mɛ̀ɛ́-mɛ̀ɛ́ mulia le.

Tɔŋ miingua 31:10

Mí ndu Moise dimul nda aa: «O vɔsi ŋɔmmɛwndɔ oo vɔsi ŋɔmmɛwndɔ coo, telen vɔsi vana mal vannda haki a kueelan-ndo kandunnin-ndo, telen kafo lakùùo,

Tɔŋ miingua 15:1

«Vɔsi ŋɔmmɛwndɔ oo vɔsi ŋɔmmɛwndɔ, kueelan la bɛnda mì la malnun.

Fulaa 22:3

«Te cɔloo o ciimbuu ni, o va naw, o va sofɛlɛ, o va saa, taa saalun pɛ cɔlu kon o kiyɛiyo ndu o ba, o sala cɔlua nda ŋiɔn sɔngɔ cɔlu pilɛ o ciimbuu kon-ndo.

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

Matie 18:25

Le tùú ndóò nɔ ɲɛ le mun salaa loo, mí vana ndɔ bɛndoo dimi le ndu pila, laa ndɔ, cuavaa ndɔa a ɲɛ-ɲɛ ndóò ndɔ pisio, le kuee ndɔ kon salaa.

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»

O Kandɔɔ 27:36

Mí Esau dimi aa: «Mò va maa le diola o nɔ aa Yakɔb lan o yii ya dúmbú bɛmbɛ lediin ni? O kandɔɔ tasoo, mó puu fonda ni ikaasonyaa. Nua vɔ vɛlɛ mɛɛ o hɛlu duaa nuu ya o ba yɛ.» Mó ɲuna fuɲa ndɔ aa: «Pua, duaa oo duaa lo lɛhau nɔm o ba le ya le?»

O Kandɔɔ 27:28

‹Màá Hala tuisul nɔm kɛmndan fulaa coocoo! Màá o tosa mì tɔlɔɔlan la naŋ o yondola nɔmndan nin! Màá sɔla baloo a mɔiyan taw o tɔlɔɔla nɔmndan!

Fulaa 21:3

Te yemboo o va telen nda va ndu piondɔɔ-o ni, o va pɛ kɔlan, o kɔɛnnun ndu pilɛ. Te a lanɔɔ o ba o siŋnun cɛɔ ni, o va pɛ kɔlan, o kɔɛnnun a laa ndɔ.

Fulaa 21:7

Te vanndo pisi pɛ cua ndɔ laandoo le siŋnɔnndo cɛɔ, ndu sɔlanin baŋaa mɛɛ cɛa tɔ̀a sɔ̀là baŋaa yɛ le.

Tɔŋ lasálàá 25:54

Te o sɔla baŋaa o nɛi-nɛi coo le, hɔɔyɛi ndɔɛi yɔngunnin ndu pila a cuavaa ndɔa o Vɔsi Kɔlkɛndɛ Bɛndoo coo.»