Fulaa 21:1 - BII BILA

¹ Mí Mɛlɛka dimul Moise aa: «Má cè tɔŋndan le lan Israɛlla tɛɛngullo:

Fulaa 21:1 Referans Kwoze

Tɔŋ miingua 4:14

O telen pilɛ kon, mí Mɛlɛka dimul-la le niaa tɔŋndan a silalan pɛɛkoo, haliko mi la kela lecoo o lɛŋnde niaa keinin nin le len hiɔlɔɔ a loo len nin.»

Tɔŋ miingua 6:20

Te cuavaa niaa ɲuna niaa siɔdii laci pɛ aa: ‹Le kɔlɔ yɛɛ Mɛlɛka Hala naa yɔngu yɛ niaa tɔŋndan, silalan a sɔɔn mun kpow?›

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Esekiɛl 20:25

Mí hendu nda tɔŋnda niŋ te lan, mí ɲindu nda o la ke vana yoomu le lan nin.

Esekiɛl 20:11

Mí yɔngu nda silala nilan, mí cɔm nda tɔŋnda nilan, la vanacieo bɛnda mò kela coo haliko mi la tosa mó tuei yoomoo yeela lan.

Condii lisai 147:19

Mɛlɛka cɔm Yakɔb sɔɔn ndɔn, o cɔm Israɛl tɔŋndan a silala ndɔlan.

Nehemi 10:29

Mí vanaa tɔ̀a kpow sɔɔnguu nda ikɛi, nda yɔŋnun haa ni: vanaa-solia-lasálàá, leviia, kpalilaa cumulaa ladioa, vanaa solia n'condua, Netiniaa va baalaa o Cɛi-Hala-o nin-nda a naa vanaa sɛyan a vanaa súúla celeŋaa lo icali o lɛŋnden nin telen nda kɔɛ a Israɛlla o biyɔɔ nin-nda-a, naa n lo a yiinannda a tɔŋ Mɛlɛka-o-a pɛɛn. Handɔɔ o laandaa naa, poaa naa a o cuavaa naa laandua nɔ nin kɔlkaloo-a,

2Dɛnnda lemasalan 19:10

Telen oo telen puapilɛa niaa co o kobilan nin-nda komal niaa pɛ a sɔɛi, o va sɔɛi diyaa vanaciee, o va sɔɛi tɛɛmbua tana, te kon te tɔŋ, o va sɔɛi naamu, o bɛnda mì la cɔm nda toɲaa, yɔŋii nda del kasi a Mɛlɛka, mò tambu kɔl a niaa a á puapilɛa niaa kan. Lende niaa bɛnda le tosaa ni, o kon sɔɛi venin niaa kuee le.

1Masaa 6:12

«Cɛi-Hala n co hoo tangullo-o, taa kela pɛ mɛɛ tɔŋnda nilan la dimi yɛ, taa bii pɛ pɛɛkula nilan, mà manda silala ya yɔngu nɔm-ndan kpow, i peelulnin nɔm kpema yáà yiilu David fuɲa nɔm-ndo.

Tɔŋ miingua 6:1

«La yaŋ nilan o tɔŋndan, o silalan a o sɔɔn Mɛlɛka Hala niaa yɔngu ya le niaa pɛɛkoo-on, haliko mi la kɔ kela lecoo o lɛŋnde niaa co luɛyɔɔ nin le len hiɔlɔɔ len nin.

Tɔŋ miingua 5:31

Nɔm Moise pila yɛ, ma lo ya ikɛi nanu. I co nɔm tɔŋndan, silalan a sɔɔn n pɛɛkunin nda-on yɔngu, haliko ma kɔ kela lecoo o lɛŋnde ya yɔngunin nda kɛ́ɔ len nin.›

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 4:45

silalan, tɔŋndan a sɔɔn o tɛɛngul nda telen nda faŋan Esipte-o-on.

Tɔŋ miingua 4:8

Ɔ́ɔ̀ vanaa-mangalaa-isɔɔa nɔ vɛlɛ tɔŋndan a silala sandaalan maa tɔŋ ya co hoo niaa hau yɔngoo-o-a?»

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Kundalan 36:13

Silalan a tɔŋnda Mɛlɛka yɔngu Israɛlla a sondo Moise-o o dɛɛlalan Moab nin-ndan lá yɔŋnun ndan ni. O peo Yurdɛn kɔngɔ nda va ni, Yeriko o hɔl-ndɔ.

Kundalan 35:24

sɛ́lɔ́ɔ́ kpede bɛnda mà kelu yamɛi vana kon nda vana cɛn le màá mingio-o tɛɛn mɛɛ silala co a dɛnɛ vaa lende o kɔɔ lan la co yɛ.

Tɔŋ lasálàá 20:22

La bíí tɔŋnda nilan a silala nilan kpow mì la kela lecoo. Te la kela lecoo le, mɛɛ la kɔ lonin icali o lɛŋnde Kanaan-nden nin te.

Tɔŋ lasálàá 19:37

La bíí tɔŋnda nilan a silala nilan kpow, mì la tosa mɛɛ ya co niaa pɛɛkoo yɛ. Ya co Mɛlɛka ni.›»

Tɔŋ lasálàá 18:26

Niaa Israɛlla yɛ, a mialaa co niaa o bɛngu coo-a kpow, la bii tɔŋnda nilan mì la yaŋ nilan o silala nilan. La kpakpala sɔɔn nɔɔlɛin vɔɔnndon mun.

Tɔŋ lasálàá 18:5

La bii tɔŋnda nilan a silala nilan. Vana bii lan pɛ mò kela lecoo, ndu sɔla yoomoo lenin. Kani ya co Mɛlɛka ni.

Fulaa 19:7

Mí Moise muungu o dɔ́ɔ́ngɔ́ɔ̀ nin, mó cuungiaa kaasoŋaa kɔlkalua o Israɛlla tɛɛn, mó tɛɛngul nda sɔɔn Mɛlɛka sɔɔ ndu o sondo-on kpow.

Tɔŋ miingua 15:12

«Te puapilɛ niaa Hebreenɔɔ lendulun pɛ niaa o ba, o va vanapɔnɔ o va vanalanɔ, o bɛnda mò tosal niaa vallo le vɔsilan laŋɔmpum. O vɔsi ŋɔmmɛwndɔɔ nin, la yɔngu ndu hɔ́ɔ́yɛi ndɔɛi, la mal ndu o kɔɛnnun.