Fulaa 20:4 - BII BILA

⁴ La selnun piɔmnda le. La tuula ɲɛ-ɲɛ le: o va ɲɛm co o halataala-on, o va ɲɛm co o lɛŋnden coo-on, o va ɲɛm co o mɛnndan nin o lɛŋnden bɛngu-on.

Fulaa 20:4 Referans Kwoze

Tɔŋ lasálàá 26:1

«La cównùn halaa fondoa le, le sélnùn piɔmnda le, la tosa pow sálà le, la kɛ́sì powtan o lɛŋnde niaalen nin, mì la kɛɛmiaa lan le lan sooloo le. Ya co Mɛlɛka ni, Hala niaa pɛɛn.

Tɔŋ miingua 5:8

La selnun piɔmnda le. La tuula ɲɛ-ɲɛ le: o va ɲɛm co o halataala-on, o va ɲɛm co o lɛŋnden coo-on, o va ɲɛm co o mɛnndan nin o lɛŋnden bɛngu-on.

Condii lisai 97:7

Siɛmbulan la biinin vanaa co piɔmnda sooloo-a kpow, vanaa co lisanndo a halaa fondoa-a pɛɛn. Halaa kan kpow baŋnin vulan Mɛlɛka o labɛngunin.

Tɔŋ lasálàá 19:4

La múlìn o halaa fondoa lo le nda sooloo le, la tééngiàà cilinndon o yin mì la cɔw piɔmnda a mun te. Ya co Mɛlɛka ni, Hala niaa pɛɛn.

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Tɔŋ miingua 27:15

‹Vana-vana sɛl pɛ piɔmndo, te kon te vana-vana cɔw pɛ piɔmndo a ciliŋii o teengiaa-e, mò kɛsi ndu o fonda yililio pum le ndu sooloo sɔ́ɔ́-sɔ́ɔ́, màá dangaa va vana kon coo! Kani Mɛlɛka yeema ɲɛm vaa lende le, n vanndacieea toosiaa a bala ndalan-ndon.› O kon, vannda kpow a cɛlnin aa: ‹Amiina!›

Dɛnnda cɔɔmuanndan 16:2

Mí o tasoo kɔa, mó kɔ cuiŋi ɲɛ va o taala kólaa ndɔɔ nin-ndo o lɛŋnden coo. Mí pavii nɛyɛi vɔɔn-vɔɔnde fula vanaa ndáà nɔ pondale visio, mì ndáà va vulan baŋɔɔ tuula ndɔɔ o labɛngunin-nda.

Rɔmnda 1:23

Má mangala biilu Hala tembu loo a tuuliaala ɲɛm tambu-on: tuuliaala vanndacieea, la yowva, la visia pelun hiɔɔlua a la visia sasun lɛŋ o kɔlan-nda.

Esai 45:16

Siɛmbulan la bii vanaa cɔavaa n'piɔmnda ma yɔŋnun laasi-laasi, a co kɔnndan a bɛ̀ɛ̀la nda tambu lan mɔ́ɔ̀yɔ̀ɔ̀.

Esai 42:8

«Ya co Mɛlɛka ni, diola nila kpeekpeilan la co lan ni, nduyɛ, i bɛnda mì sɔla biiloo. I yɔngunin piɔmnda bɛɛle co le ya len te.

Esekiɛl 8:10

Mí luɛi, mí mɛɛndan, mí ca ɲaa sasun lɛŋ-nda a visia nɔɔlɛyaa vɔɔnda súúlan kpede, piɔmaa cuavaa Israɛlla va sooloo-a kpow a va a tuuliaa o kpakio balɔɔ pindo.

Dɛnnda cɔɔmuanndan 9:20

Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.

Esai 42:17

Siɛmbulan la biinin vanaa tiindan piɔmaa sialaa-a a vanaa co piɔmaa nda teengiaa-a dimullo-a aa: «Niaa co halaa naa ni,» mì nda kpow muungu a makɔɔ.

2Dɛnnda lemasalan 33:7

Má sel ndu piɔmndo, mó cua piɔm sialaa kon, mó kɔ luei ndu o Cɛi-Hala-o nin. Nduyɛ mí Mɛlɛka ndóò dimul David nda Salomɔn po ndɔ aa: «O Cɛiyo ho a o kobio Yerusalɛm nin ya vanin le lɔ́ɔ́-lɔ́ɔ̀ ni. Kobio ho ya hɛli o kobila polama Israɛlla tɛɛn ni, lon ya vanin vannda cɔmnɔnndo lɔ́ɔ́-lɔ́ɔ̀ ni.

1Masaa 12:28

Le hee, mí masaa Yeroboam nuwviaa nɛilan, mó cɔaw navaa téndéa nda ŋiɔn a sianion, mó dimul vannda aa: «Éé Israɛlla! O co lɛhau le niaa kandu sangaa le kɔlan Yerusalɛm te. Lelan, la tofa vɔ halaa niaa, a soli niaa o lɛŋnde Esipte len nin-nda!»

Fulaa 34:17

La tééngiàà cilinnde mì la cɔw piɔmndo a ndi le.

Fulaa 32:1

Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»

Fulaa 32:23

Nda pila dimul-la ni aa: ‹Cow naa piɔmndo mò va maa hala naa, mò va kɔlan naa laci, kani n sina ɲɛ yɔŋnun Moise soli naa hoo o lɛŋnde Esipte len nin-ndo le.›

Fulaa 32:8

A keŋela bɔɔ nɛi ya cɔm nda-o malɔɔ. A cɔw piɔmndo a sianion maa naw téndé, má baŋ vulan ndu o labɛngunin, má solul ndu sálàlan, má dimi aa: ‹Israɛlla, mì la ce hala niaa, ndu soli niaa o lɛŋnde Esipte len nin ni.›»

Kundalan 12:8

Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»

Masaa kialaa n'yamaa 17:3

Mí Mika mingi volin vàá pilɛ a kɛmɛn mun kala ndɔ o ba, mí kala ndɔ dimi aa: «Yáà cii nin tuu o kɔl nuu nin le volion mun siinguuo teengen le vali Mɛlɛka-o, le nɔm po nuu piɔmndo toosiallo a volin teengian. Lelan má cè niko mun.»

2Masaa 17:12

Má sooluu piɔmaa Mɛlɛka ndóò kuuna nda sooloo-a.

Condii lisai 78:58

Má tɛɛmbuu Hala kɔllo a sooluula ndalan, mó tuulu kɔl taw a piɔmaa ndaa.

Esekiɛl 8:3

Mí ɲɛ kon siɛndi ɲɔɔ maa ba vanaciee, mó bii ya yiinde o lebol. Mí kɔl Hala-o faŋa ya o lɛŋnden coo, mí va lɛŋnden a halataalaa tɛɛn. Mó kɔa a ya Yerusalɛm o vunduma yilɛnndan nin, mó kɔa a ya háá o dio luɛyaa co lenin-ndo ikɛi, a kpengii ba luaŋ-ndo, nɛɛ piɔm paŋalaa va-a, o kpeeŋiaa paŋala Mɛlɛka-o-o pɛɛn.

Esekiɛl 20:7

Mí dimul nda aa: «Vana-vana viow ɲɛm nɔɔlɛin o co mun hɔlla mulullo-on. La nɔɔlian a piɔmaa co o lɛŋnde Esipte len nin-nda le, ya co Mɛlɛka ni, Hala niaa pɛɛn.»

Fulaa 20:23

La cɔaw piɔmnda a volin humbon a á sianion o ya kɔɔli, mì la kpɔnda nda biiloo a ya le.

Fulaa 32:4

Mí Aarɔn bii mun nda o laba, mó teengiaa mun, mó vow mun o ɲɛ pum nin, mó cɔaw piɔmndo a mun maa naw téndé. O kon, mí nda kpow a saan kponyoo a yondaa aa: «Israɛlla, mì la ce hala niaa! Ndu soli niaa o lɛŋnde Esipte len nin ni.»

Tɔŋ miingua 16:22

La baŋ vɛlɛ powta sálàla nɛinun Mɛlɛka Hala niaa lan o niaa lo le.