Fulaa 20:3 - BII BILA

³ Lelan, la bɛnda mi la sooluu halaa celen o ya kɔɔli le.

Fulaa 20:3 Referans Kwoze

Tɔŋ miingua 5:7

Lelan, la bɛnda mi la sooluu halaa celen o ya kɔɔli le.

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Condii lisai 81:9

Niaa vanaa nia, la yaŋnun-ndɔ mì dimul niaa ɲɛ yɔŋnunnin-ndo. Àá niaa Israɛlla, te niáà tuei ya pɛ diom!

Esai 46:9

La loonun-ndɔ a sɔɔn tosan sindɛ pɔ́-pɔ́-on. Kani ya co Hala ni, o celen co le. Ya co Hala ni, vana-vana siiman a ya le.

Tɔŋ miingua 6:5

La kaola Mɛlɛka Hala niaa a kɔlta niaalan kpow, a yoomu niaa kpow a á kpaaya niaa kpow.

Yeremi 25:6

Te la yiinun a halaa celen-nda mì la baŋ vulan nda o labɛngunin le nda sooloo le. Te la selnun piɔmnda mì la baŋ vulan nda o labɛngunin le nda sooloo le, i fulanin kɔl a niaa le, i tosalnin niaa dɛnɛ vɔɔn kɛ́-kɛ̀ le.

Tɔŋ miingua 6:14

La del halaa celen kɔɔli le, a vanaa-mangalaa-isɔaa balunin niaa-a co sooloo-a pɛɛn.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

1Korɛntea 8:6

kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Efɛsea 5:5

Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.

Esai 26:4

Lelan la handu laalan niaa Mɛlɛka coo le fɛɛn a fɛɛn. Kani Mɛlɛka co pow kpovaa le fɛɛn a fɛɛn ni.

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

Fulaa 20:23

La cɔaw piɔmnda a volin humbon a á sianion o ya kɔɔli, mì la kpɔnda nda biiloo a ya le.

Esai 44:8

Lelan, la yɔŋ isiòòn te, la ɲííyà le. Kabi lɔ́ɔ́ levil mí dimul niaa sɔɛi he, mí tɛɛsial niaa dɛnɔɔ ho lenin kpow. Seyaa niaa niaa co ni. Vɛ̀ɛ̀ Hala celen co macoaa o ya kɔɔli? Kɛì-kɛì bɛɛ! Pow kpova celen co le. I sina o kɛ́-kɛ̀ celen te few!»

Esai 43:10

Mɛlɛka dimi aa: «Niaa co seyaa niaa ni, niaa a vana ni baala ya hɛli-o haliko mi la sina ya, o kon mì la laalan ya, mì la bii bila maa ya ni. Hala celen toosian ya laci le, o ya kɔɔli Hala celen venin vɛlɛ le.

Condii lisai 73:25

Nɛ̀ɛ̀ celen ya nɔ yɛ o halataala le o nɔm kɔɔli? O nɔm kɔɔli, i yeema ɲɛ-ɲɛ celen o lɛŋnden coo le.

Condii lisai 29:2

La yɔngu Mɛlɛka biiloo le diola ndɔlan! La baŋ ndu vulan Mɛlɛka o labɛngunin tuma diondɔɔ ndɔɔ co cɔmnɔnndo-o.

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

Fulaa 32:8

A keŋela bɔɔ nɛi ya cɔm nda-o malɔɔ. A cɔw piɔmndo a sianion maa naw téndé, má baŋ vulan ndu o labɛngunin, má solul ndu sálàlan, má dimi aa: ‹Israɛlla, mì la ce hala niaa, ndu soli niaa o lɛŋnde Esipte len nin ni.›»

Fulaa 34:14

La bàŋ vulan ɲɛ biilaa celen o labɛngunin te, kani ya Mɛlɛka, diola nilan la co ni aa ‹Vana paŋalaa›. Hala paŋalaa ya co ni.

Esai 42:8

«Ya co Mɛlɛka ni, diola nila kpeekpeilan la co lan ni, nduyɛ, i bɛnda mì sɔla biiloo. I yɔngunin piɔmnda bɛɛle co le ya len te.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Fulaa 22:19

Vana solul pɛ halaa celennda sálàlan, te o co yɛ Mɛlɛka le o solul sálàlan te, ndu bɛnda mò sɔla piɔ́mndo kangalan.

Fulaa 23:24

La sooluu halaa ndaa le, la baŋ vulan nda o labɛngunin te. La kélà mɛɛ nda co kela nɔɔlɛiyo yɛ le, kɛ la pesipesi piɔmaa ndaa, mì la koombiaa powta sálàla ndalan.

Masaa kialaa n'yamaa 6:10

Mí dimul niaa maa ya co Mɛlɛka Hala niaa ni, la biilu halaa Amoriia le, vanaa niaa co haa o lɛŋnde ndalen nin-nda pɛɛn. Kɛ la tui sɔɛi nii le.›»

1Masaa 11:4

Tuma o yuuva-o, mí laandaa ndɔa kan mingi ndu kɔllo o halaa celennda sooloo. Lelan, o tiw lɛ ba le Mɛlɛka Hala ndɔɔ kaolaa a kɔl ndɔɔ kpow mɛɛ David fuɲa ndɔ ndóò tosa yɛ le.

Condii lisai 81:10

O bɛnda mi hala celen va niaa tɛɛn te. La biilu halaa celennda le!

Daniɛl 3:18

Kɛ hali mò tosa lende le masaa, sina maa n tosalnin halaa nɔmnda baalaa le. Nduyɛ, n sooluunin vɛlɛ piɔm n'siani n cɔw-vo le.»