Fulaa 20:2 - BII BILA

² «Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Fulaa 20:2 Referans Kwoze

Tɔŋ miingua 5:6

‹Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Tɔŋ lasálàá 26:13

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, haliko la va cɛa Esiptea le. Ya yem yɔm kpòndò lecɛ ndáà handu niaa coo-o ni, mì la va kelaa a bolle iheelaa tema.»

Condii lisai 81:10

O bɛnda mi hala celen va niaa tɛɛn te. La biilu halaa celennda le!

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Tɔŋ lasálàá 19:36

La cua ɲɛla tuvaala n'ɲɛla bɛnda lan, la cua panila bɛnda lan a ndeveila bɛnda lan le ɲɔɔn tuuvo. Ya co Mɛlɛka ni, Hala niaa pɛɛn, ya soli niaa o lɛŋnde Esipte len nin ni.

Tɔŋ miingua 7:8

kɛ le tùú Mɛlɛka kaola niaa taw-vo, le tùú o yeema le kpema o yiilu fuɲaa niaa mamaa mó mɛnalan nda-o peeloo-o, lelan o puu niaa Faraɔnnɔɔ, o co masaa Esipte-o o ba a kpaayaa ni, mó soli niaa o celen nin.

Tɔŋ miingua 5:15

La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.

Tɔŋ lasálàá 23:43

haliko mi cuavaa niaa imamaa hun sina fɛɛn maa o kùùlan bɛngu fuɲaa ndaa mamaa kei lɔan ni, telen ya Mɛlɛka soli nda o lɛŋnde Esipte len nin-ndo pɛɛn. Ya co Mɛlɛka ni, Hala niaa pɛɛn.›»

Tɔŋ miingua 15:15

La loonun maa niaa pila bɛɛ cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa, mó soli niaa lon. Le kɔlɔ kon ya yɔngu niaa hau tɔŋndo ho ni.

Tɔŋ miingua 13:10

Kɛ a bɛnda ma dii ndu. Nɔm fɔlɔn bɛnda ni ma vɛ ndu a powvo le ndu diyɔɔ, o kon kɔɔli vanaa tɔ̀a sɔɔnguu niko nɔm mayoomu.

Tɔŋ lasálàá 26:1

«La cównùn halaa fondoa le, le sélnùn piɔmnda le, la tosa pow sálà le, la kɛ́sì powtan o lɛŋnde niaalen nin, mì la kɛɛmiaa lan le lan sooloo le. Ya co Mɛlɛka ni, Hala niaa pɛɛn.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Condii lisai 50:7

Hala co dimio aa: ‹Yungu nuu, la yaŋnun, mì soo. Niaa Israɛlla, i tɛndanin seilen a niaa o kɔɔ, ya co Hala ni, Hala niaa pɛɛn.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

Rɔmnda 3:29

Te kon te mò va maa le Yuifia koni Hala co ni? O co macoaa vɛlɛ le vanaa sínà ndu le-a le? O co vɛlɛ le nda,

Yeremi 31:1

Diom Mɛlɛka soo-o co hoo ni aa: «Paale vanin mì siŋnun Hala yungula Israɛlla kpow, mì nda siŋnun vanaa nia.»

2Dɛnnda lemasalan 28:5

O kon, mí Mɛlɛka Hala ndɔɔ mal ndu masa Aramiia o ba. Mí Aramiia nɔla ndu, má bii vanaa ndɔa taw, má kɔannun a nda o biyɔɔ nin Damas. Mí ndu Ahas del vɛlɛ masaa Israɛl o ba, mí ndu tɛɛmbuu ndu tɛɛmbuuo pila.

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Fulaa 15:13

Le tùú n lò o lediom coo-o, má sim yungu n baŋa hoo-o laci. Má yaa nda o calta nɔmnda diandaalan a kpaaya nɔm bɛndoo.

Fulaa 15:16

Siòònde a kɔl pulan-pulanndo tol nda kpow coo. Mɛlɛka, a kpaaya nɔm bɛndoo, ma mingi nda maa pow háá mí yungu nɔmndo cuu hiovɔɔ, yungu n sɔla-o pɛɛn.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Fulaa 20:1

O kon, mí Hala soaa sɔɔn mun kpow, mó dimi aa:

Fulaa 29:46

O kon, a sinanin maa ya Mɛlɛka co Hala ndaa ni, maa ya soli nda o lɛŋnde Esipte len nin ni haliko mi va icali nda tɛɛn. Lekɛ́ndɛi ya co Mɛlɛka ni, Hala ndaa pɛɛn.»

Tɔŋ lasálàá 11:45

Ya kpeekpei co Mɛlɛka ni, ya soli niaa o lɛŋnde Esipte len nin ni, haliko mi va Hala niaa. La va vanaa diandaa, kani o diandaa ya co ni.

Masaa kialaa n'yamaa 2:1

Mɛɛ mɛlɛkanɔ Hala-o fula Kilkal, mó kɔa Bokim. Mó kɔ dimul Israɛlla aa: «I soli niaa Esipte mí kɔa a niaa o lɛŋnde ya mɛnalan sindɛ fuɲaa niaa mamaa le nda keo len nin. Mí dimul niaa maa i mangalanin kpema ya yiilu niaa-o lɔ́ɔ́-lɔ́ɔ̀ le.

Esai 43:3

Kani ya co Mɛlɛka ni, Hala niaa pɛɛn, O-Diandaa-Israɛlla, vana ciindiaa niaa. I vɔngul lɛŋnde Esipte len haliko mi baŋa niaa. I yɔngu lɛŋnde Etiopii len a Seba o fonda niaa.

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Yeremi 16:14

Lelan, mí Mɛlɛka dimi aa: «Paale co hunɔɔ, vannda mɛnan ndɛnin aa: ‹Le Mɛlɛka yoomaa, o soli Israɛlla Esipte-o› le.

Yeremi 34:13

«Diom Mɛlɛka Hala Israɛlla dimi-o co hoo ni aa: Mí yii kpemaa a fuɲaa niaa mamaa telen ya va nda solio Esipte o cɛlen nin-ndo.

Esekiɛl 20:7

Mí dimul nda aa: «Vana-vana viow ɲɛm nɔɔlɛin o co mun hɔlla mulullo-on. La nɔɔlian a piɔmaa co o lɛŋnde Esipte len nin-nda le, ya co Mɛlɛka ni, Hala niaa pɛɛn.»

Esekiɛl 20:19

Ya co Mɛlɛka ni, Hala niaa pɛɛn. La bii silala nilan, la tuei sɔɔn ya co niaa pɛɛkoo-on mì la kela lecoo.

Amɔs 2:10

Nduyɛ, ya Mɛlɛka, ya soli niaa Esipte ni, mí heelu a niaa, mí sim niaa laci o lɛŋnde veselɛilen nin, o vɔsilan belehiɔɔlu bɛngu, haliko mi la hun hiɔlu lɛŋnde Amoriia.

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Tɔŋ lasálàá 25:38

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni le niaa lɛŋnde Kanaan-nden yɔngoo, haliko mi siŋnun Hala niaa.»

Tɔŋ lasálàá 25:42

Kani Israɛlla, vanaa niaa baalaa nda co ni, ya soli nda Esipte ni. Vana bɛnda ma pisi nda mɛɛ vana pisi cɛa yɛ le.

Tɔŋ lasálàá 25:55

«Vanaa niaa baalaa niaa Israɛlla co ni, cɛa nia niaa co ni. Ya soli niaa o lɛŋnde Esipte len nin ni. Ya co Mɛlɛka ni, Hala niaa pɛɛn.»

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

Masaa kialaa n'yamaa 6:10

Mí dimul niaa maa ya co Mɛlɛka Hala niaa ni, la biilu halaa Amoriia le, vanaa niaa co haa o lɛŋnde ndalen nin-nda pɛɛn. Kɛ la tui sɔɛi nii le.›»

1Masaa 18:39

Telen vannda kpow ce kon-ndo, má deli a kuumbuannda lɛŋ, má dimi aa: «Mɛlɛka co Hala kpeekpeiyo ni! Mɛlɛka co Hala kpeekpeiyo ni!»

2Masaa 17:7

Dɛnnda lan la tosan fúú le, kani hakio Israɛlla ndáà cua a Mɛlɛka Hala ndaa ni, Hala soli nda o lɛŋnde Esipte len nin Faraɔnnɔɔ, o co masaa Esipte-o o ba-o pɛɛn. Kani halaa celen ndáà mulin sooloo ni.

2Masaa 17:12

Má sooluu piɔmaa Mɛlɛka ndóò kuuna nda sooloo-a.

Condii lisai 81:7

‹I faŋa volɔɔ lusulaa niaa o congú, mí soli niaa o baalala nda va niaa baŋɔɔ tosaa lan nin.

Condii lisai 81:11

Ya co Mɛlɛka ni, Hala niaa pɛɛn, ya soli niaa o lɛŋnde Esipte len nin ni. La kumbi sondola niaalan kumbio pila, mì pei lan cá.

Esekiɛl 20:5

Dimul nda aa nuaa Maalii, o co Mɛlɛka-o soo ni aa: Paale ya hɛli Israɛl-ten, mí heelu baa coocoo, mí mɛnalan polale Yakɔb len, mí cɔmnun vɛlɛ nda o lɛŋnde Esipte len nin, mí heelu baa coocoo, mí mɛnalan nda, mí dimul nda aa: Ya co Mɛlɛka ni, Hala niaa pɛɛn.

Osee 12:10

Ya yɛ, kabi o lɛŋnde Esipte len nin, ya co Mɛlɛka Hala niaa ni. I co vɛlɛ niaa kɛsi o cɛila-kolala-toandaalan bɛngu, maa o palɛi bɔɔŋian lakafoe coo.