Fulaa 20:1 - BII BILA

¹ O kon, mí Hala soaa sɔɔn mun kpow, mó dimi aa:

Fulaa 20:1 Referans Kwoze

Tɔŋ miingua 5:22

Sɔɔn mun Mɛlɛka dimi kpendekele o yinnden tɛɛn, o kumii bɛnduei nin le vanaa va isisi o pembei bɛngu-a kpow ni. O hendu ɲɛ-ɲɛ lecoo le. O kon kɔɔli, mó sɛva mun o powta yɛ́ndɛ́lan tan tiɔn coo, mó yɔngu ya lan.»

Tɔŋ miingua 5:4

Mí Mɛlɛka soaa a niaa sakpo o yinnden tɛɛn, o pembei coo.

Tɔŋ miingua 4:36

O tosa mí la tuɛi diom ndɔɔ fulaa o halataala le niaa pɛɛkoo. O lɛŋnden coo, mó cɔm niaa yinnde ndɔle bɛndulen, mí la tuɛi diom ndɔɔ sɔɛi lenin.

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Tɔŋ miingua 4:33

Vanaa-mangalaa-isɔɔa pum co, á tuei Mɛlɛka sɔɛi o yinnden tɛɛn maa niaa Israɛlla má lo yoomu-a?

Dɛnnda kiilaa 7:53

La sɔla tɔŋ Hala-o fulaa mɛlɛkaa o ba, kɛ la bii ndu le.›»

Fulaa 19:25

Mí Moise toal, mó kɔ tɛɛngul vannda sɔɔn Mɛlɛka sɔɔ ndu o sondo le nda-on.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ miingua 10:4

Mí Mɛlɛka sɛva tɔŋnda tɔ́lan o powta yɛ́ndɛ́la yáà kɔɛ o ba lan coo mɛɛ ndóò sɛva lan o powta yɛ́ndɛ́la taselan coo yɛ. Tɔŋnda ndóò yɔngu o pembei coo o yinnden tɛɛn paale niaa va a cuungiannda ndu o hɔl-ten-ndan pɛɛn. Mó cua lan, mó yɔngu ya.

Nehemi 9:13

Má can o halataala, má tɔal le sɔɛi o nda lo o pembei Sinai coo. Má tiiyal nda silala sɔvɛlan, pɛɛkula toɲaalan a tɔŋnda diandaalan.

Tɔŋ miingua 5:6

‹Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.