Fulaa 2:5 - BII BILA

⁵ Paale pum, mí cua Faraɔnnɔɔ toal o pee bɛndu kon le pulɔnndo, mí buɛyaa ndɔa laandua nda va kelaa o peo kɔngɔ. Mí cua masa kon ca kambɛiyo o cɔ́ɔ́cɔ́ɔ̀an nin, mó viam buɛi ndɔ laandoo pum le kɔlan kambɛi kalaa cuaa.

Fulaa 2:5 Referans Kwoze

Dɛnnda kiilaa 7:21

Ndáà vionɔɔ ndu, mí cua laandu masaa Esipte-o kɔ cua ndu, mó kɔa a ndu, mó kɔ suili ndu maa hɔ́ɔ́ ndɔ ndu pila.

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

Condii lisai 9:9

Ndu kialunin yaman a sandei o ceendo coo ni, ndu kialunin yaman sandan le vanaa-mangalaa-isɔɔ kpow ni.

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Fulaa 8:20

Mí Mɛlɛka tosa mɛɛ o dimi yɛ kangalan. Mí sunbungaa luɛi kundala bɛndulan o Faraɔnnɔɔ lo cɛinin, o vanaa ndɔa baalaa lo cɛilan nin a o cɛila Esiptea nin kpow. Mí ɲɛ-ɲɛ hiilun o lɛŋnde Esipte len nin a mɔnɛ sunbungaa kan va solio-o.

Fulaa 7:15

Lelan, pena lakɔ púŋ o ndu lo, telen o vanin kɔlan o pee bɛndoo Nil-lo. A kɔɛ pɛ, a kɔ sim ndu o hɔl o kɔngɔ pee bɛndu kon coo. A va pɛ kɔlan, a kɔɛ a tinda mangalan kɛwvo-o o ba.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

1Masaa 17:6

Idii oo dii, basabasakoendea va ndu buloo a vision yoo, icɔl oo icɔl, a va ndu buloo a vision yoo lon. Mɛmma pee kon o va kolɔɔ ni.

Yonas 2:10

Kɛ ya, i solulnin nɔm sálàlan, mì soli condei le kɛndɛi nɔmnde sinaa, mì tosa mɛɛ ya cua ciɛ́ɔn yɛ. Kani Mɛlɛka o ba cindaa fula ni.»

Fulaa 2:6

Mɛɛ o kumbi ndu, mó ca cɛlɛkpɛ piaandoo lenin, o va caŋndo. Mí ɲííye bii ndu, mó dimi aa: «Cɛlɛkpɔɔ ho, violɔɔ Hebreenɔɔ o co ni.»