Fulaa 2:3 - BII BILA

³ Mɛɛ o sina maa o nɔla lɛ vionnɔnndo a ndu le, mó lɔa kambɛiyo a taan, mó yikpa ndu a dukpaa, mó holiholi sɛ̀llo. Mɛɛ o cii toosiaa lende, mó yambu cɛlɛkpɛ kalaa o kambɛi kon nin, mó kɔ kɛsi ndu o cɔ́ɔ́cɔ́ɔ̀an nin o pee bɛndoo Nil kɔngɔ.

Fulaa 2:3 Referans Kwoze

Fulaa 1:22

O kon mí Faraɔnnɔɔ yii tɔŋndo o lɛŋnde ndɔlen nin kpow aa: «Te vanalanɔ Hebreenɔɔ velu nin pɛ hɔ́ɔ̀, o va pɛ o piaandoo, la kɔ viow ndu o pee bɛndoo Nil, kɛ te o va pɛ cɛlɛkpɛ laandoo o velu ni, la mɛi ndu yoomu.»

Dɛnnda kiilaa 7:19

Mí masa kon pala fuɲaa naa mamaa, mó saangiaa nda saangiaa pila, mó baŋ nda le cɛlɛkpɛa ndaa viovɔɔ, haliko ma vi.

O Kandɔɔ 6:14

Lelan, siɔl dɛ̀ndɛ̀ bɛndu-bɛndoo a pɛngɛn yɔm siprɛs, mà tosa kungulan lenin taw, mà yikpa ndu lenin a lekɔɔli.

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

Esai 18:2

Niaa co kiilaa niaa vomɔɔ ni ma va keiyo o mɛmma ihɛllan coo, o dɛ̀ndɛ̀la toosian a cɔ́ɔ́cɔ́ɔ̀an-ndan nin. Kiilaa keleŋa taw-va, la kɔ! La kɔ o vanaa-mangalaa-isɔaa bandu kan taw, mà nɔ kɔɔle ningilaalen-nda lo, vanaa co kan kpúlúnkùmaa kandɔɔ paandu háá hau-va pɛɛn, vanaa-mangalaa-isɔaa nɔ kan kpaaya bɛndoo-a, a co kan vannda bɛpɛlaa-a, a lɛŋnde ndalen le co kan lekilikiliaalen a peelan-nden.

Matie 2:13

Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»

O Kandɔɔ 11:3

Má dimulan vellaa-velle aa: «Vannda sei! N tosan vali pilɛ. N lɔɔnun kpilikion mì n lomnun mun.» Má tosa vallo a kpilikin nda lom mún-ndon maa lapow, má tosa vɛlɛ vallo a puulu lindaa maa laso.

Esai 19:6

Peela pɔmbɔlan la tumulnin, mì tɛiyun mamɛnndon Esipte n tol mì n vela. Cɔ́ɔ́cɔ́ɔ̀an a kpɛ̀ndɛ̀an ma vesanin sɛ́ɛ́n.

O Kandɔɔ 14:10

Kɛ mí masaa Sodɔm a hoo Komɔr a ɲaanun. A lo ɲaanɔnndo, má kɔ deli o soonnda yingilaala va o dɛɛla bɛndoo Sidim nin-ndan nin. Mí vanaa hɛlun-nda nda ɲaanun, má kɔ vionnun o pembei coo.

Esai 35:7

Tàndà vesɛi tuw-tuwvo siŋnunnin dalaa, lɛŋnde polten le siŋnunnin peela leboltan. Kpɛ̀ndɛ̀an a cɔ́ɔ́cɔ́ɔ̀an ma vulnin o fonda tivolla ndáà kila bɛ̀mɛ́ltan-ndo.