Fulaa 2:2 - BII BILA

² Mí laa ndɔ kon cua folio, mó vialu hɔ́ɔ́ piaandoo. Mó ca maa cɛlɛkpɛ piaandu kalaa naŋ hɔlla, mó lo ndu vionɔɔ háá paangon mún yáá.

Fulaa 2:2 Referans Kwoze

Hebreea 11:23

A laalanndo vanaa velu Moise-a ven ndu le paangon mún yáá o violɔn ndɔɔ kɔɔli ni. Siòòŋii bii nda a tɔŋ masaa ndóò handu-o le, kani naŋɔɔ pila cɛlɛkpɔɔ ndóò naŋ ni.

Dɛnnda kiilaa 7:20

O telen kon nda velu Moise ni, ó va salama kɛndɔɔ Hala o hɔl-lo. Paangon mún yáá, a va ndu mandaa o fuɲa ndɔ lo cɛinin.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

Fulaa 6:20

Mí Amram yil Yokebɛd, yemaa fuɲa ndɔ o nɔ̀u nin, má vialu Aarɔn nda Moise. Vɔsila Amram cii yoomu o ceendo coo lan la va kɛmɛ a beleyaa a laŋɔmmɛw.

Kundalan 26:59

Mí Amram yil lanɔɔ diolan Yokebɛd, cua Levii-o, Esipte o velun ni. Mó vilul Amram cuawva nda yáá: Aarɔn, Moise a Miriam yema nda.

Tɔŋ miingua 33:16

a dɔw nda duaa a kulun sɔvɛn pɛ o lɛŋnden coo-on. Màá kɛndɛi Hala cɔmnun o bɔɔ nin-ndo i hun tol polale Yosɛf len coo! Màá kɛndɛi ken tol polale vana yɔŋnun cua lemasaa puapilɛa ndɔa tɛɛn-ndo len o itendu!

1Samiɛl 16:12

Mí Yisai viam vanndo ndu veelu. Vana siaŋaa David va ni, ndóò naŋ hɔlla taw, ndóò caa vɛlɛ simndan. Mɛɛ o tiiya dɔ́ɔ́, mí Mɛlɛka dimul Samiɛl aa: «Hoo ya hɛli le siŋnɔnndo masaa ni. Cɔn ma pɔla ndu.»

2Masaa 11:3

Mí Yoas nda Yehoseba lo o vionnɔnndo nin o Cɛi-Mɛlɛka-o nin háá vɔsilan tan ŋɔmpum. O telen kon yɛ, Atali va masalen tosaa o lɛŋnde len coo ni.