Fulaa 19:9 - BII BILA

⁹ Mí Mɛlɛka dimul ndu aa: «Tofa vɔ, i co kɔlan o nɔm ndo o kumii bɛndu-bɛnduei nin, haliko lɔ́ɔ́ ya vanin sɔɛi o nɔm ndo-o, mì Israɛlla tuei ya diom, mà laalan nɔm le lɔ́ɔ́-lɔ́ɔ̀.» O kon mí Moise cɔm Mɛlɛka sɔɔn Israɛlla soo-on.

Fulaa 19:9 Referans Kwoze

Tɔŋ miingua 4:36

O tosa mí la tuɛi diom ndɔɔ fulaa o halataala le niaa pɛɛkoo. O lɛŋnden coo, mó cɔm niaa yinnde ndɔle bɛndulen, mí la tuɛi diom ndɔɔ sɔɛi lenin.

Fulaa 19:16

Mɛɛ paale yàándɔle len le tiiya, idiiyo púŋ, mí taŋndan ma kandu deŋio, mí piɔɔ kandu volio iŋuanndi-ŋuanndiei, mí kumii tiŋii bɛndu-bɛnduei kumbu pembii ken mɔku-mɔku. Mí diom bulu bɛndoo soaa, mí siòònde bii vanaa va o dɔ́ɔ́ngɔ́ɔ̀ nin-nda kpow, háá má ɲiiya.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Condii lisai 97:2

Yumbuyumboo a ɲumndan ma co ndu ma balaa. O toɲaa a o sandei coo kpɛŋɛ lemasa ndɔɔ kɛsi tumndo ni.

Fulaa 20:21

Mí vannda sim kɔɔli-kɔɔli, Moise ndu pilɛ kpé sɔɔnguu nɛɛ Hala va o tindile ikumnden nin-nda ni.

Fulaa 14:31

Mí Israɛlla ca ɲinkon ba kpaaya bɛndu Mɛlɛka timbi mó tɛɛmbuu Esiptea-o, má yɔŋ siòòŋii ndɔɛi, má laalan ndu Mɛlɛka, má laalan vɛlɛ Moise, vana baala Mɛlɛka-o pɛɛn.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Marke 9:7

Mí yumbuyumboo toal, mó kumbu nda, mí diomndo fula o yumbuyumbu kon nin aa: «Po ni ya kaola taw-vo co hoo ni, la yaŋ ndu nilan.»

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Esai 7:9

Samari co kobi lebollo le tàndá Efraim-ndo ni, po Remalia-o yɛ, ndu co masa lebollo le kobio Samari ni. Lelan te la sim yili o laalanndo nin te, la nɔlanin simullo yili le.›»

2Dɛnnda lemasalan 20:20

Diimandɔɔ idiiyo púŋ, mí nda kpow a can le kɔlan a kpeŋii lɛŋnde veselɛilen Tekoa. Telen kɔaa tiiyaa, mí Yosafat dimul nda aa: «Niaa Yudaa a niaa Yerusalɛmnda, la yaŋ ya nilan! La tiindan Mɛlɛka Hala niaa mì la sim yili. La kɛsi kɔltan vanaa-tɛɛngaa-diom Hala-a ndɔa coo, mì la tiwba.»

2Dɛnnda lemasalan 6:1

O kon mí Salomɔn dimi aa: «Mɛlɛka, nɔm óò yeema le calle nɛɛ yifidiia,

1Masaa 8:12

O kon, mí Salomɔn dimi aa: «Mɛlɛka, nɔm óò yeema le calle o cɛi ɲumndan ma co nin-ndo nin.

Fulaa 4:5

Mí Mɛlɛka dimul ndu aa: «Hee n tosanin ni mì Israɛlla sina maa Hala fuɲaa ndaa mamaa Abraham, Isaak a Yakɔb cɔmnun nɔm lekɛ́ndɛi ni.»

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

Fulaa 34:5

Mí Mɛlɛka toal o kumii bɛndu-bɛnduei nin, mó sim Moise ikɛi, mó va diola ndɔla ndu pila lan veeloo.

Kundalan 12:5

Mí Mɛlɛka toal o tindile ikumnden nin, mó sim o cɛi-kola-toandaa kon sondoo. Mo veelu Aarɔn nda Miriam, mí nda ŋiɔn kpede a sɔɔnguu.

Condii lisai 99:7

Mó soaa o nda lo o tindile ikumnden nin, má bii tɔŋndan a sɔɔn o va nda dimullo-on.

Tɔŋ miingua 4:10

La pɔɛɛnun paale niaa sim Mɛlɛka Hala niaa o hɔl o pembei Horɛb coo len te, paale len mí Mɛlɛka dimul-la aa: ‹Cuungiaa vannda ha ya o hɔl, mì dimul nda sɔɔn nun, haliko ma nɔ siòòŋii nii, mà ke ya bɛɛlen o palɛi nda nɔ le yoomoo o lɛŋnden coo-e nin kpow, mà pɛɛku vɛlɛ poaa ndaa le siòòŋii nii nɔu.›