Fulaa 19:5 - BII BILA

⁵ Lelan sisa, te la bii pɛ sɔɛi nii, mì la manda kpema nuu, la vanin yungu kɛsin teengen le ya-o o vanaa súúla celennda tɛɛn, kani ya nɔ lɛŋnden kpow ni.

Fulaa 19:5 Referans Kwoze

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

Tɔŋ miingua 7:6

Kani niaa, vanaa diandaa niaa co le Mɛlɛka Hala niaa ni. Ò hɛli niaa o vanaa súúla yɛ́-yɛ́a co o lɛŋnden coo-a kpow tɛɛn, haliko mi la va a ndɔa.»

Tɔŋ miingua 26:18

Mí Mɛlɛka dimi hau maa la vanin vanaa ndɔa, maa mɛɛ ndu pila dimul niaa ndi yɛ, maa la biinin tɔŋnda ndɔlan kpow,

Malasi 3:17

Mí Mɛlɛka-Nɔ-Kpaayaa-Kpow-vo dimi aa: ‹Vanaa nia nda vanin ni. Ya pila kpeekpei nɔnin nda ni. Paale ya cɔmnin kpaaya nuu len le tiiya pɛ, i tuinunnin nda iɲíí mɛɛ vana tuinun po nɔm co nɔm baalaa tosal-lo-o iɲíí nuaa yɛ.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

Tɔŋ miingua 4:20

Kɛ niaa, mó cua niaa, mó soli niaa o tóndó icilin tuwvo nin Esipte, haliko mi la siŋnun vanaa ndɔa a kɛ́ ndɔɔ maa mɛɛ niaa co nihau yɛ.

Fulaa 23:22

Kɛ te la bii pɛ sɔɛi ndɔɛi ɲɛkɛndɛi, mì la tosa sɔɔn ya dimul niaa le tosaa-on kpede, i siŋnunnin yaamɔɔ vanaa co niaa yaamɔɔlen tosallo-a, mì simul vanaa simulnin niaa-a.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Tɔŋ miingua 10:14

La tofa vɔ, Mɛlɛka Hala niaa nɔ halataala, halataala co lenin di-di-o, lɛŋnden a ɲɛm co o lɛŋnden coo-on kpow ni.

Fulaa 9:29

Mí Moise mulul ndu aa: «Te i faŋan dɔ́ɔ́ ciee nanu pɛ, i heelu balan o Mɛlɛka lo le ndu tɛɛlɔnndo. O kon, taŋndan ma pɛngi deŋio, loeon bɛɛ n pɛngi delio, haliko ma sina maa Mɛlɛka nɔ lɛŋnden ni.

Condii lisai 24:1

Condii David-e. Mɛlɛka nɔ lɛŋnden a ɲɛm co lecoo-on ni, ndu koni nɔ vɛlɛ ceendo a ɲɛ-ɲɛ co lecoo ni.

1Korɛntea 10:26

kani lɛŋnden a ɲɛm co lenin-ndon kpede, Hala nɔ ni.

SƐBƐ YƆB-O 41:11

Maa piɔɔ-volia yinnde fulà ndu o sondo len le co ni, tɛ́ngɛ́-tɛ́ngɛ́la leyinndan la fulà ndu o sondo ni.

Tɔŋ miingua 5:2

Mɛlɛka Hala naa yii kpemaa a naa o pembei Horɛb.

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

Esai 43:1

Kɛ sunsun, nuaa Mɛlɛka o cɔw niaa cuavaa-imamaa Yakɔb-a-o, o toosiaa niaa polale Israɛl-ten-ndo dimi ni aa: «La yɔŋ isiòòn te, kani i cii niaa baŋa, i co niaa veeloo a diola niaalan, le ya niaa co ni.

Esai 41:8

«Le nɔm Israɛl-lɛ, nɔm Yakɔb ya hɛli-o, nɔm polale Abraham ya kaola len.

Condii lisai 25:10

Nɛila Mɛlɛkalan kpow, lou o lediom coo a toɲaa la co ni, le vanaa co kpema ndɔɔ a tɔŋnda ndɔlan biyɔɔ-a.

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.

Yosue 24:24

Mí vannda dimul Yosue aa: «Mɛlɛka Hala naa naa vanin baalaa tosallo ni, n vanin diom ndɔɔ biyɔɔ.»

Esai 1:19

Te la cɛl pɛ le diom nuu biyɔɔ a yiyan kɛndɔɔ, la dianin kɔmnde hiow naŋɔɔ o lɛŋnden nden nin-nden.

1Masaa 8:53

Kani nɔm Maalii, nɔm Mɛlɛka hɛli naa Israɛlla vanaa-mangalaa-isɔaa kpow tɛɛn o lɛŋnden coo ni, ma siinguu naa kɛ́ nɔmndo mɛɛ nɔm óò dimul Moise vana nɔm baala lɔ́ɔ́ kon yɛ, lɔ́ɔ́ n soli fuɲaa naa mamaa Esipte-o.»

Tɔŋ miingua 28:1

«Te la yaŋ pɛ nilan ɲɛkɛndɛi o diom Mɛlɛka Hala niaa, te la bii pɛ tɔŋnda ya co niaa hau yɔngoo lan kpow mì la kela lecoo, Mɛlɛka Hala niaa siinguunin niaa vanaa bɛndua o vanaa-mangalaa-isɔaa co o lɛŋnden coo-a kpow tɛɛn.

Esai 56:4

Kani nuaa Mɛlɛka dimi ni aa: «Vanpiaandua nda tɛnda bosio-a, a kenin palɛi pɛngiɛi nii bɛɛlen-nda, a hɛlinin hɛnan nuu le tosaa-a a lonin isisi yili o kpema nuu nin-nda,

Fulaa 24:7

O kon kɔɔli, mó cua sɛbɛ kpemaa, mó dimi ɲɛ va o sɛvaa lenin-ndo coocoo vannda kpow o hɔl. Mí Israɛlla kpede a dimi aa: «Ɲɛ-ɲɛ Mɛlɛka dimul naa le tosaa, n co ndu tosa. N co sɔɔn o dimul naa-on kpow biyɔɔ.»

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Tɔŋ miingua 11:27

Te la bii pɛ tɔŋnda Mɛlɛka Hala niaa, la ya co niaa hau yɔngoo lan, mɛɛ la hɛli duaa.

1Korɛntea 10:28

Kɛ te vanndo dimul niaa pɛ maa ɲɛm sálàn co mun ni, la dia lɛ ɲɛm mun te, le vana dimul niaa kon-ndo, yɔŋii kon pala vɛlɛ kɔlta niaalan.

Tɔŋ miingua 14:21

La dia visi vi a ba ndɔ-o le. La nɔla mì la yɔngu ndu vanaa co calle niaa o bɛngu coo-a, mì nda de ndu, te kon te la nɔla mì la pisi cɔlu vílɛ́i vaa lende mialla o ba. Kani niaa niaa, yungu diandaa niaa co le Mɛlɛka Hala niaa ni. La yaw cuin cuaa o mɛɛma kala ndɔan nin te.»

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Condii kɛndɛ-kɛndɛi 8:12

Ya ya, le ya nakɔ n'rɛsɛn nuu co ni. Ya pila co ndu mandaa ni. Nɔm Salomɔn, nɔm nɔ volin latámán vàá pilɛ, kpalilaa cumulaa nɔ volin latámán kɛmɛ lediin.

Hebreea 8:9

O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

O Kandɔɔ 17:9

Mí Hala dimi vɛlɛ aa: «Lelan, la bii kpema nuu ho balan latiɔn niaa cuavaa nɔmaa imamaa, mì la manda ndu le fɛɛn a fɛɛn.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Fulaa 8:22

Mí Moise mulul ndu aa: «Ɛ-ɛ, n bɛnda mì n tosa lende le, kani ɲɛ naa n solulnin Mɛlɛka naa sálàá-o vanin bɔɔ ɲɛ nɔɔlɛi bɛndu le Esiptea. Nduyɛ te n soli pɛ sálà súú vaa lende nda o hɔl, vɛ̀ɛ̀ a viinin naa a powtan te?

Tɔŋ miingua 28:9

Te la bii pɛ tɔŋnda Mɛlɛka Hala niaa, mì la kela o nɛila o cɔm niaa lan coo, la vanin yungu co teengen le ndu Mɛlɛka-o maa mɛɛ ndu pila mɛnalan niaa yɛ.

1Dɛnnda lemasalan 17:22

Nɔm Mɛlɛka siinguu Israɛlla vanaa nɔmnda le fɛɛn a fɛɛn ni, mí nɔm siŋnun Hala ndaa.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Amɔs 6:1

Dɛnɛ palaa co niaa cum, niaa connun icali o ba niaa coo yili Siɔn-nda, a niaa connun icali o ba niaa coo o pembon Samari coo-a. A toɲa, dɛnɛ palaa co niaa cum, niaa vanaa bɛndua co o lɛŋnde co lɛŋnde taselen o lɛŋii tɔ̀i tɛɛn-nde nin-nda. O niaa lo cuavaa Israɛlla co kɔlan a kiltan ni.

Fulaa 34:9

Mó dimi aa: «Éé Maalii, te o va pɛ maa a ce ya ɲia lekɛ́ndɛi, mɛɛ i ɲɔɔlu nɔm, cɛl mì n kɔɛ naa niaa latulu, ma va naa tɛɛn. Ya bɛɛ, i sina nihau maa vanaa lanila kalua vannda ha co ni. Kɛ mal naa haki le tɛɛmbuu naa, le hakila naa n tosa lan. Bii naa mì n va cuavaa nɔmnda.»

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

Tɔŋ miingua 9:29

Nduyɛ, vanaa nɔmnda vannda ha co ni, kɛ nɔmndo pɛɛn, a n soli Esipte a ba nɔm kpaaya bɛndoo-a.›»

Tɔŋ miingua 26:19

haliko mo siinguu niaa vanaa bɛndua o vanaa-mangalaa-isɔɔa o cɔw-va kpow tɛɛn, mì la sɔla biiloo, diolan a bɛɛlen, mì la va yungu diandaa le Mɛlɛka Hala niaa maa mɛɛ ndu pila dimul niaa yɛ.»

SƐBƐ YƆB-O 41:3

Nɛ̀ɛ́-nɛ̀ dɔnda yɛ ya ɲɛ pum le ndu ɲɛ kon mingullo? Ɲɛ-ɲɛ co o halataalaa bɛngu, ya nɔ ni.

Yeremi 13:11

Mí Mɛlɛka dimi aa: Kani mɛɛ vana yiinun yáwlen o can yɛ, lende yáà yiinun masalen Israɛl a len Yuda ni, haliko mi yáà ke nda tɔ́ɔ́ nuu, mì ndáà va vanaa nia, biilu nuu a naŋɔɔ nuu. Kɛ a yeŋ ya lani le few.»