Fulaa 19:4 - BII BILA

⁴ ‹Niaa pila ce mɛɛ ya tosa a Esiptea yɛ a mɛɛ ya cua niaa o kumbannda kovɛa coo mí hun a niaa o ya lo yɛ.

Fulaa 19:4 Referans Kwoze

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Dɛnnda cɔɔmuanndan 12:14

Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

Tɔŋ miingua 29:2

La ce sangala kei nda coo lan kpede. La ce dɛnnda kɔndɔfiltan a kaamaala Mɛlɛka tosa lan.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Aasee 2:5

Sɔɛi ya solin o sondo lɔ́ɔ́ niaa fula Esipte-o-e yɔŋnun ken ni. Kɔl nuu vanin niaa tɛɛn, lelan siòòŋii bíì niaa le:

Malasi 2:10

«Vɛ̀ɛ̀ o co fuɲa pilɔɔ kpé le naa kpow n nɔ le? Vɛ̀ɛ̀ o co Hala pilɔɔ kpé le cɔw naa le? Kɛ le yɛɛ nɛ niko, mì n va naa pila paalianndo, mì n va kpema fuɲaa naa mamaa solio o báà nin?

Tɔŋ miingua 1:30

Mɛlɛka Hala niaa, o co kɔlan niaa laci-o, ndu pila cɔlɔbanin le niaa mɛɛ o cɔlɔba Esipte le niaa niaa pila kpow o hɔl-lɛ,

Tɔŋ miingua 1:31

lende koni i yɔŋnun o lɛŋnde veselɛilen nin ni. Lon niaa sina ni maa Mɛlɛka Hala niaa landu hɔlla niaa coo mɛɛ fuɲaa landu hɔlla po ndɔɔ coo nuaa yɛ. Nɛɛ-nɛɛ niaa kei, lende o lo niaa hɔlla landɔɔ coo ni háá mi la hun tiiya nanu.›

Tɔŋ miingua 29:1

Mí Moise cuungiaa Israɛlla kpow, mó dimul nda aa: «Niaa pila ce mɔnɛ Mɛlɛka soli a Esiptea-o, la ce ɲɛ o tosal masaa Esipte, vanaa bɛndua va ndu o ba bɛngu-a a lɛŋnde ndɔlen kpow yɛ.

Yosue 23:3

Niaa pila ce ɲɛ-ɲɛ Mɛlɛka Hala niaa tosa a lɛŋnde he le niaa, kani ndu pila va cɔlɔbaa le niaa ni.

Osee 11:1

«Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.