Fulaa 19:2 - BII BILA

² Mɛɛ nda faŋan Refidim, má tiiya o lɛŋnde veselɛile len nin, má kila dɔ́ɔ́ngɔ́ ndaa o pembei Sinai hɔl-ndɔ.

Fulaa 19:2 Referans Kwoze

Fulaa 17:1

Mí Israɛlla kpow a faŋan o lɛŋnde veselɛilen Sin nin, má va kɔlan o pɔm-pɔmbɔ mɛɛ Mɛlɛka pila va nda nɛilan cɔmndo yɛ. Má kɔ kila dɔ́ɔ́ngɔ́ɔ̀ Refidim, kɛ a sɔla mɛmma kolaa lon te.

Fulaa 3:1

Moise va cɔlua Yetro lefu ndɔ-a mandaa, vana-solia-lasálàá Madian pɛɛn. Paale pilɛ, mɛɛ o kɔɛ a nda o lɛŋnde veselɛilen lekɔɔli, mó tiiya o pembii Hala-e, pembei Horɛb pɛɛn.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Fulaa 18:5

O kon mí Yetro pila, lanɔɔ Moise a poaa ŋiɔŋaa Moise-a kɔa o Moise lo, o lɛŋnde veselɛilen nin, o pembii Hala-e ikɛi, nɛɛ ndóò kila dɔ́ɔ́ngɔ́ɔ̀-a.

Fulaa 17:8

Mí Amalɛkea hun del Israɛlla coo a cɔwvo telen nda va kon Refidim-ndo.

Kalatea 4:24

Sɔɛi ken i nɔ vɛlɛ kɔlɔ celen: laandua ŋiɔŋaa kan, nda co kpemala tiɔnndan ni. O pilɛ, o fula o pembei Sinai-yo, ndu le cɛlen o vialu ni: Akar co kon ni.

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Dɛnnda kiilaa 7:30

Vɔsilan belehiɔɔlu o kon kɔɔli, mí mɛlɛkanɔɔ cɔmnun Moise o yinnde biyaa len nin o bɔɔ nin, o lɛŋnde veselɛilen nin, o pembei Sinai ikɛi.

Kundalan 33:15

Mɛɛ nda faŋan Refidim, má kɔa o lɛŋnde veselɛilen Sinai nin,

Kundalan 1:1

O paale taselen o paangii diinndɔɛi nin, o vɔsi diinndɔɔ nin, o cɔnɔn Israɛlla cɛn Esipte-o kɔɔli, mí Mɛlɛka soaa o Moise lo o cɛi-kola-toandaa-labɔɔŋianndo nin, nɛɛ nda va o lɛŋnde veselɛilen Sinai nin-nda, mó dimul ndu aa: