Fulaa 19:12 - BII BILA

¹² Kɛ a bɛnda ma kilu nda kpélénndan o pembei balɔɔ pindo, ma dimul nda aa: ‹La mandan, la hel o pembei he coo le, la sɔɔnguu bɛɛ ikɛi le, kani vana-vana sɔɔnguu pɛ ndi ikɛi, ndu sɔlanin piɔ́mndo.

Fulaa 19:12 Referans Kwoze

Yosue 3:4

O kon, la sinanin nɛi niaa bɛnda le biyɔɔ o kɔlan-ndo, kani la kei-yɔ o nɛi kon coo le. O va bɛɛ lende, o bɛnda mì tiŋndo va niaa a kesoo tɛɛn le dunndo vàála tiɔn. La sɔɔnguu ndu ikɛi le.»

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Tɔŋ miingua 2:4

Dimul vannda mi la kei o pɛɛngula lɛŋnde puapilɛa niaa ikɛi, cuavaa-imamaa Esau-va pɛɛn, á co icali o tàndá Seir-o nin-nda. Yungu kon yɔŋnin siòònde a niaa. Kɛ la caa dɛ!

Fulaa 34:12

Kɛ la mandan dɛ! La tiiya pɛ o leŋnde niaa co kɔlan nin-nden nin, la yii kpema niaa vanaa niaa co komal lon-nda le, yɔŋii nda siŋnun yaŋɔɔlen le niaa.

Fulaa 19:23

Mí Moise mulul Mɛlɛka aa: «Vanaa kan a helnin o pembei he coo le, kani nɔm pila dimul naa ni aa naa n kilu nda kpélénndan o pembei balɔɔ pindo, mì n dimul nda maa o diandaa fonda kon co nɔm o hɔl ni.»

Fulaa 19:21

Mí Mɛlɛka dimul ndu aa: «Tol mà kɔ kanalan vannda ha, yɔŋii nda hiow pɛɛngulan a kiltan le hunɔɔ nɛɛ ya Mɛlɛka co-a le ya cɔu, yɔŋii vannda taw a sɔla piɔ́mndo.

Fulaa 10:28

Mí Faraɔnnɔ kon dimul Moise aa: «Faŋan ya o hɔl. I ca lɛ nɔm mà hun sim ya o hɔl te dɛ! Paale ya co nin nɔm cɔnnɔn o hɔl-ten, a co ɲinkon piɔ́mndo sɔla.»

Hebreea 12:18

Niaa, o co ɲɛ vana nɔla pilanndo-o le niaa sɔɔnguu ikɛi le, yinnde bɛndule ve lon te, ɲumma n'kpungba ma ve lon te, ɲumma bɛndu ma ve lon te, hoeyii fùkù-fùkùi ve lon te,

Fulaa 34:3

Hèl a vana-vana kɔɔli le, vana celen bɛnda mò va o pembei coo le. Hali cɔlua bɛnda mà va diólan o pembei ikɛi le.»

Fulaa 24:2

Nɔm Moise kínɛí bɛnda ni mà sɔɔnguu ya ikɛi, haa nda bɛnda mà sɔɔnguu ya ikɛi le. Vanaa tɔ̀a yɛ, nda bɛnda mà hel o pembei coo le.»