Fulaa 18:8 - BII BILA

⁸ Mí Moise downun lefu ndɔ kona, mó cɔm ndu ɲɛ-ɲɛ Mɛlɛka tosa a Faraɔnnɔɔ a á Esiptea le Israɛlla solio nda o ba. Mó cɔm ndu vɛlɛ dɛnɛ palaa kei nda coo nɛi-tɛɛn-ndo, a mɛɛ Mɛlɛka baŋa nda yɛ.

Fulaa 18:8 Referans Kwoze

Condii lisai 107:2

Niaa vanaa o baŋa-a, la dimi lende, niaa vanaa o baŋa yaamɔɔa o ba-a,

Condii lisai 106:10

Mó ciindiaa nda vanáà nɔ nɛyɔnndo a nda-a o ba, mó baŋa nda yaamɔɔa o ba.

Condii lisai 81:7

‹I faŋa volɔɔ lusulaa niaa o congú, mí soli niaa o baalala nda va niaa baŋɔɔ tosaa lan nin.

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

Kundalan 20:14

A lo Kadɛs, mí Moise viam kiilaa o masa va Edɔm-ndo lo le ndu dimullo aa: «Cuavaa puapilɛ nɔmndo Israɛl a soaa nuaa ni: Nɔm pila sina sangala kei naa coo lan kpow.

Condii lisai 66:16

Niaa vanaa nɔ siòòŋii Hala-e-a kpow, la hun mì la yaŋnun, mì dimul niaa ɲɛ ndu Hala tosal-la-o.

Fulaa 18:1

Mɛɛ Yetro, vana-solia-lasálàá Madian, lefoo Moise, tuei dɛnɛ kɛndɛ Hala tosal vanaa ndɔa Israɛlla a Moise-o a mɛɛ Mɛlɛka soli nda o lɛŋnde Esipte len nin yɛ,

Fulaa 16:3

Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

Fulaa 15:16

Siòònde a kɔl pulan-pulanndo tol nda kpow coo. Mɛlɛka, a kpaaya nɔm bɛndoo, ma mingi nda maa pow háá mí yungu nɔmndo cuu hiovɔɔ, yungu n sɔla-o pɛɛn.

Fulaa 15:6

Mɛlɛka, ba nɔm kɛndɔɔ cɔm kpaaya nɔmndo. Mɛlɛka, ba nɔm kɛndɔɔ kposoŋa yaamɔaa nɔmnda.

O Kandɔɔ 44:34

I bɛnda mì muungu o fuɲa nuu lo le, te o co a poombɔɔ ho le. Kani i yeema mi kɔ cɔ fuɲa nuu mɔnɛi biyɔɔ le.»

Fulaa 4:23

I dimul nɔm le ya ndu mello mò kɔ tosal-la baalaa, kɛ má kɛɛ le ndu malɔɔ. Lelan, i co tosa mì po nɔm tasoo sɔla piɔ́mndo.›»

Fulaa 7:4

Kɛ o yeŋnin niaa lani le. O kon, i cɔmnin Esiptea kpaaya nuu a kpundɛla bɛndula ya vanin nda tuisio coo lan. I mulinnin o kon kɔɔli mì soli vanaa nia a kundalan o lɛŋnde Esipte len nin, Israɛlla pɛɛn.

Fulaa 7:5

Kon tosan pɛ, Esiptea sina dɔ́ɔ́ maa ya co Mɛlɛka ni. Kani i tuisinin nda sangaa coo, mì soli Israɛlla nda tɛɛn.»

Fulaa 2:25

Hala tofaa nda, mó sina mɔnɛi nda va nin-nde.

Fulaa 23:23

Kani mɛlɛkanɔ nuu vanin kɔlan niaa laci háá mo kɔ tiiya niaa o lɛŋnde Amoriia, Hitiia, Perisiia, Kanannda, Heviia a Yebusiia nin. Vanaa kan yɛ, i ciinin nda kpede.

Condii lisai 106:8

Kɛ mí Mɛlɛka ciindiaa nda le diola ndɔlan bɛɛlen keo, le kpaaya ndɔ bɛndoo cɔmndo.