Fulaa 18:4 - BII BILA

⁴ Po nda diinndɔɔ diolan aa Eliesɛr (kon co dimio ni aa «Hala nuu co ya malaa»), kani mó dimi aa: «Hala fuɲa nuu mala ya, mó baŋa ya o mɔɛi cɔvii Faraɔnnɔɔ bɛngu.»

Fulaa 18:4 Referans Kwoze

Hebreea 13:6

Lelan n tiwba mì n dimi a laalanndo aa: «Mɛlɛka co vana co ya malaa-o ni, siòòŋii co ya a ɲɛ-ɲɛ le. Yɛɛ vanndacieea nɔla yɛ ya yɔŋ?»

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Dɛnnda kiilaa 12:11

O kon mí Piɛr sina ɲɛ yɔŋnun ndu-o, mó dimi aa: «I sina nihau maa toɲaa ni: Hala vem mɛlɛkanɔ ndɔɔ le ya solio o kpaaya Herɔde-o a ɲɛ Yuifia kpow ndáà nɔ o lakɔl le ya tosallo-o bɛngu ni.»

Daniɛl 6:22

Mí Daniɛl mulul ndu aa: «Òó masaa! Màá viow yoomu fɔ́!

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Condii lisai 34:4

La n lisan Mɛlɛka naa niaa latulu. N sangalan diola ndɔlan diom pilɛ!

Condii lisai 18:48

Nɔm Hala cɛl ni mì mingi màá, má kɛsi vanaa súúla celennda ya o labɛngunin,

Condii lisai 18:1

Condii David-e, í fula o condun simlacinɔ vanaa n'condua nin-nde. David vana baala Mɛlɛka-o condu ndi tuma Mɛlɛka baŋa ndu yaamɔaa ndɔa kpow o ba-o, kɛ taama-taama Saul o ba.

1Dɛnnda lemasalan 23:15

Poaa Moise-a a yɔŋnun Kɛrsɔn a Eliesɛr ni.

Fulaa 2:15

Mí Faraɔnnɔɔ pila bɛɛ tuɛi sɔɛi ken, mó can Moise nuwviaa le ndu diyɔɔ. Le hee, mí Moise sɔndan, mó kɔ viannun o lɛŋnde Madian-nden nin. Mɛɛ o tiiya lon, mó kɔ cal o soon kólaa pum ikɛi.

Dɛnnda kiilaa 7:29

Moise tueyɔɔ sɔɔn mun, mó sɔndan, mó kɔannun o lɛŋnde Madian-nden nin. Mó kɔ vialu poaa nda ŋiɔn ndon.

Hebreea 11:34

Má ɲumi kpaaya leyinndo, má hialun mɔɛi cɔwve, má deli a nààlan, má siangu. Telen lacɔwvo, má yɔŋnun vanaa dialun kalaa, má toaw vanaa cɔvaa va nda hinullo-a.

O Kandɔɔ 49:25

A toɲa, Hala fuɲa nɔm-ndo sɔɔnguunin nɔm ikɛi. Vana-Kpaayaa-Kpow dɔawnin nɔm duaa. Màá o tuisul nɔm piɔɔ fulaa coocoo, mò ke nɔm mɛnndan fulaa lɛŋ! Màá o ke nɔm cuawva a cɔlua taw-taw!

Fulaa 2:22

Mí Sefora kon vialu hɔ́ɔ́ piaandoo, mí Moise ke ndu diolan aa Kɛrsɔm (kon co dimio ni aa «Miallo»). Kani mó dimi aa: «Vana viannanndo ya co o lɛŋnde isumialten nin ni.»

Fulaa 4:20

Mí Moise cua laa ndɔ a poaa ndɔa, mó heelu nda o sofɛlɛ ndɔɔ coo le muungoo Esipte. Mɛɛ o va kɔlan, mó cua tinda Hala-o o ba.

1Dɛnnda lemasalan 23:17

Mí Eliesɛr vialu Rehabia ndu pilɛ kpé, o sɔla lɛ poaa celen te. Kɛ mí Rehabia ndu vialu poaa taw.

Fulaa 10:28

Mí Faraɔnnɔ kon dimul Moise aa: «Faŋan ya o hɔl. I ca lɛ nɔm mà hun sim ya o hɔl te dɛ! Paale ya co nin nɔm cɔnnɔn o hɔl-ten, a co ɲinkon piɔ́mndo sɔla.»