Fulaa 18:1 - BII BILA

¹ Mɛɛ Yetro, vana-solia-lasálàá Madian, lefoo Moise, tuei dɛnɛ kɛndɛ Hala tosal vanaa ndɔa Israɛlla a Moise-o a mɛɛ Mɛlɛka soli nda o lɛŋnde Esipte len nin yɛ,

Fulaa 18:1 Referans Kwoze

Fulaa 3:1

Moise va cɔlua Yetro lefu ndɔ-a mandaa, vana-solia-lasálàá Madian pɛɛn. Paale pilɛ, mɛɛ o kɔɛ a nda o lɛŋnde veselɛilen lekɔɔli, mó tiiya o pembii Hala-e, pembei Horɛb pɛɛn.

Fulaa 2:16

Vana-solia-lasálàá pum va o lɛŋnde Madian-nden nin, ndóò nɔ cuavaa laandua nda ŋɔmmɛw. Mí cuavaa ndɔa kan hun mɛnndan kɔndɔɔ lon le ɲɛla cɔlua kol nin-ndan peiyo le cɔlua fuɲa nda-a koesio.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Condii lisai 106:2

Ɔ́ɔ̀ vana tiwnin ba mò cɔm dɛnnda kaamaala Mɛlɛka lan, mò cɔm vɛlɛ biilu ndɔɔ nɛɛ-nɛɛ ka-o?

Condii lisai 105:43

Mó soli vanaa ndɔa o lɛŋnde len nin, mí vanaa o hɛli-a viaw kponyoo.

Condii lisai 78:4

N vinnin cuavaa naa dɛnnda lan te, n cɔmnin vɛlɛ lambila co hunɔɔ violɔn-ndan dɛnnda kalalan: dɛnnda kaamaala Mɛlɛka tosa lan, kpaaya ndɔɔ a ɲɛm kɛndɛn o toosiaa-on pɛɛn.

Condii lisai 44:1

Condii poaa Kore-a, í fula o condun simlacinɔ vanaa n'condua nin-nde.

Condii lisai 34:2

Telen oo telen, i vanin Mɛlɛka balikaa mello, lisa ndɔɔ vanin ya o sondo lɔ́ɔ́-lɔ́ɔ̀.

Yosue 9:9

Má muli aa: «Naa buɛyaa nɔmnda, lɛŋnde naa n cɛn nin-nden le bandu a nanu. Kani Mɛlɛka Hala nɔmndo naa n tuei tɔ́ɔ́ ni, n sina dɛnnda kɔndɔfilta o tosa Esipte lan kpow,

Yosue 2:10

Kani n tuei mɛɛ Mɛlɛka veesiaa mɛmma ihɛlma makpɛ̀ndɛ̀an niaa laci lɔ́ɔ́ niaa va fulaa Esipte-o yɛ, n tuei vɛlɛ ɲɛ niaa tosa a masaa ŋiɔŋaa Amoriaa va Yurdɛn leeloo-a-o, Sihon nda Ɔk pɛɛn, a niaa tɛɛmbuu-a.

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

Dɛnnda kiilaa 15:12

O kon mí nda kpow a mei, má yaŋ Barnabas nda Pol nilan, má cɔm nda dɛnnda kaamaalan a dɛnnda kɔndɔfilta Hala tosa a nda vanaa co N'Yuifi le-a tɛɛn ndan.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Condii lisai 105:5

Niaa fula o polale Abraham, vana baala ndɔɔ len nin-nda, niaa poaa Yakɔb, vana o hɛli-o-a, la loonun dɛnnda kaamaala o tosa lan, mì la yiyan dɛnnda kɔndɔfilta ndɔlan a yaman fula ndu o sondo-on.

Masaa kialaa n'yamaa 4:11

Mí Hebɛr Keniinɔ sɛyan nda Keniaa tɔ̀a, poaa Hobab lefoo Moise-a pɛɛn, mó kɔ toandu cɛi-kola-toandaa ndɔɔ pɔɔli o yálánndo Saananim, Kedɛs ciee-lekɔɔ.

Kundalan 10:29

Mí Moise dimul Hobab, po Reuɛl lefu ndɔ Madiannɔ-o aa: «O lɛŋnde Mɛlɛka yiilu naa kpemaa le naa yɔngoo len nin naa n co kɔlan ni. Lelan, hun n kɔnnun naa niaa, a co lakɔ dɛnɛ kɛndɔɔ sɔla lon, kani Mɛlɛka dimi le Israɛl dɛnɛ kɛndɔɔ tosallo.»

Fulaa 4:18

Mí Moise faŋan ndon, mó muungu o Yetro lefu ndɔ lo, mó dimul ndu aa: «I co muungu o lɛŋnde Esipte len nin, mì kɔ kpɛngbɛla puapilɛa niaa, le sinaa taa co vɔ pɛ yoomu.» Mí Yetro mulul ndu aa: «Màá kɔ va kɛndɛ!»

Fulaa 2:21

Mí Moise cɛl le lou o langbanɔ kon ndo le calle nda ndu. Mí langbanɔ kon yɔngu Moise lanɔɔ, cua ndɔ óò nɔ diolan aa Sefora-o pɛɛn.

Fulaa 2:18

Mɛɛ nda muungu o Reuɛl fuɲa nda lo, mó ɲuna nda aa: «La vɛ dɔ́ɔ́ hau keleŋaa hunɔɔ nuaa cɔ́-cɔ́?»

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Masaa kialaa n'yamaa 1:16

Mí poaa Keni lefoo Moise-a faŋan o kobi mavawvo nda vanpiaandua fula o polale Yuda len nin-nda, má kɔ cal o lɛŋnde veselɛile co o tàndá Yuda-o nin-nden nin, Arad a ba too, má cal lon nda vanaa va lon-nda latulu.