Fulaa 16:8 - BII BILA

⁸ Mí Moise dimi aa: «La canin biilu ndɔɔ telen ndu Mɛlɛka yɔngunin niaa cɔɛllɛn vision le dioo-o, telen o yɔngunin vɛlɛ niaa ɲɛdiaa taw-taw siɔdii-o. Kani Mɛlɛka tuei sɔɔn pɔmbɔn niaa soo a ndu-on. Naa naa, yɛɛ naa n co yɛ? O co a naa le niaa soo sɔɔn pɔmbɔn te, kɛ a Mɛlɛka pila.»

Fulaa 16:8 Referans Kwoze

Rɔmnda 13:2

Lelan vana simul pɛ masalen, mɛɛ tuu Hala-o o ciŋilan lende ni. Nduyɛ vanaa simul pɛ simlacia, mɛɛ nda pila yaalan.

1Samiɛl 8:7

Mí Mɛlɛka mulul Samiɛl aa: «Ɲɛ-ɲɛ Israɛlla ɲuna pɛ nɔm, yaŋ nda nilan, ma cɛl nda diom. Sina pɛngu maa o co nɔm te nda kɛɛ le, ya pila nda kɛɛ nuaa ni. A yeema lɛ mì va masa nda coo le.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Kundalan 14:27

«Mì mal vɛlɛ vanaa lanila kalua ha ya ciŋilanndo háá lɔ́ɔ́ kuɛɛ nɛ? Kani i tuei caŋnda Israɛlla co lɔ́ɔ́-lɔ́ɔ̀ a ya ciŋilanndo lan.

Kundalan 21:7

Mí vanaa tɔ̀a hun komal Moise, má dimul ndu aa: «N cua hakio le sɔɔn vɔɔŋun naa n soo a Mɛlɛka a á nɔm-ndon. Lelan, tɛɛlun Mɛlɛka sisa mò faŋa naa kɛvaa vɔɔnda ha ikɛi.» Mí Moise piɛi Mɛlɛka le vanaa kan.

1Korɛntea 10:10

N ŋɔɔcian maa mɛɛ a pum nda tɛɛn va ŋɔɔcianndo yɛ le, mí mɛlɛkanɔ nɔ piɔ́mndo o ba-o tɛɛmbuu nda.

Nsaŋ 13:20

I co niaa toɲaa dimul, vana cɛl pɛ vana ya vem-ndo, mɛɛ ya o cɛl lende ni. Vana cɛl-lɛ ya pɛ, mɛɛ vana vem ya-o o cɛl lende ni.»

Matie 10:40

«Vana cɛl pɛ niaa, mɛɛ ya o cɛl ni. Vana cɛl-lɛ ya pɛ, mɛɛ vana vem ya-o o cɛl lende ni.

Matie 9:4

Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl?

Esai 37:29

Le tùú n tuulu kɔl a ya-o, le tùú n soo yongaa mí yonga nɔm kon tiiya ya o lani-o, i co nɔm kelɛi nii vow o milin, mì vow nɔm kalafoo o cɔcɔn tɛɛn, o kon i minginin nɔm a nɛi n kei coo ma hun-ndo.

Esai 32:6

Kani diɔmndo diɔmnde o dimi ni, dɛnɛ vɔɔndo kposon o tuunun o kɔl ndɔɔ nin le dɛnnda siòòŋii Hala co nin te lan tosaa ni, le sɔɔn vɔɔnndon dimio a diola Mɛlɛka lan, le vana co a yiaan ndo malɔɔ dembe fondo, le vana kolɔɔ bii-o mɛnndan tuŋɔɔ.

Fulaa 16:12

«I tuei sɔɔn pɔmbɔn Israɛlla soo-on. Lelan, soo o nda lo mà dimul nda aa: ‹Cɔɛllɛn, la co vision dio, mì la de vɛlɛ ɲɛdiaa siɔdii. O kon la sinanin maa ya co Mɛlɛka ni, Hala niaa pɛɛn.›»

Fulaa 16:9

O kon kɔɔli, mí Moise dimul Aarɔn aa: «Dimul Israɛlla kpow mà sɔɔnguu Mɛlɛka o hɔl, kani o tuei sɔɔn pɔmbɔn nda co sɔɛi a ndu-on.»

Fulaa 17:2

Mí nda kpow a sɔngɔlan Moise, má dimul ndu aa: «La ke naa mɛnndan mì n kol.» Mí Moise ɲuna nda aa: «Le yɛɛ niaa co yɛ ya sɔngɔlanndo? Le yɛɛ niaa co yɛ vɛlɛ Mɛlɛka tiŋɔɔ?»

Kundalan 11:18

Vanaa tɔ̀a nda, mì nɔm Moise dimul nda aa: ‹La dindin Mɛlɛka o hɔl le siɔdii, la dianin vision. Kani la koŋul Mɛlɛka o lani mí la dimi aa: Àá! Nɛ̀ɛ́ co yɛ naa vision yɔngu le dioo! N vannun o tɔnɔ naa coo Esipte! Le hee, Mɛlɛka co niaa vision ke, mì la de.