Fulaa 16:4 - BII BILA

⁴ O kon mí Mɛlɛka dimul Moise aa: «Tofa vɔ, i co niaa ɲɛdiaa tuisi coo fulaa o halataala. Vannda vanin fulaa lepalaa-lepala, mà va ndu cɔwviaa mɛɛ o tiw le paale len yɛ. I co vɔ nda tɔɔndan lende, haliko mi sina taa biinin silala nilan, te kon te taa biinin ndan te.

Fulaa 16:4 Referans Kwoze

1Korɛntea 10:3

Má dia ɲɛdiaa kɔl pilɛ fula Mɛlɛka o ba-o.

Condii lisai 105:40

Má ɲuna ndu, mó tuisul nda siasoa, má pum bulu fula coocoo-o.

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Fulaa 15:25

Mí Moise piɛi Mɛlɛka, mí Mɛlɛka cɔm ndu yɔmndo súúo pum. Mí Moise mal yɔm kon o mɛmma man nin, mí ma muungu makɛndɛ le kolɔɔ. Lon Mɛlɛka yɔngu nda silalan ni, mó cɔm nda ɲɛ nda bɛnda le tosaa-o. Lon koni o tɔɔndan nda vɛlɛ ni.

Nehemi 9:15

Má ke nda ɲɛdiaa fula o halataala-o le yima va nda nɛiyo-an, má soli mɛnndan o pow kpovaa nin le bolola vesɛila va nda lan. Má viam nda le nda lɛŋnde nɔm óò yiilu nda kpemaa le nda yɔngoo len hiɔlɔɔ.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

Matie 6:11

Yɔngu naa n diaa lepalaa-lepala-o le paalen nden hau.

Talelan 30:8

Yɔɔ vanafondoyɛi a sɔɔn lacòòvan ya levil. Ke ya bolofaa bɛndu le, siinguu ya vɛlɛ vana bala fondo le. Ke ya mɛɛ o bɛndà le kpekula nilan toosiaa yɛ daama.

Nehemi 11:23

Vanaa solia n'condua va o tɔŋ masaa bɛngu, a va vɛlɛ baala ndáà bɛnda le tosaa lepalaa-lepala-o tosaa mɛɛ masaa ndóò dimi yɛ.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

Luke 11:3

Yɔngu naa ɲɛdiaa naa n bɛnda le dioo lepalaa-lepala-o.

Fulaa 16:15

Mɛɛ Israɛlla ce ɲɛ kon, má va ɲuunianndo vellaa-velle aa: «Yɛɛ nɛ co yɛ hoo?» Kani ndáà sina ɲɛ va kon-ndo le. Mí Moise dimul nda aa: «Ɲɛdiaa Mɛlɛka yɔngu niaa le dioo-o co hoo ni.

Condii lisai 78:23

O kon kɔɔli, mí Hala dimul yumbuyumboo, mó kumbi diolan o halataalaa.

Nehemi 9:20

Má tosal nda kɛndɛi, má ke nda kɔlkaloo. Má va nda manne yɔngoo lɔ́ɔ́-lɔ́ɔ̀ le dioo, a mɛnndan le kolɔɔ.