Fulaa 16:3 - BII BILA

³ Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

Fulaa 16:3 Referans Kwoze

Fulaa 17:3

Mɛɛ kolɔɔ bii nda tei, má koŋul a Moise o sondo, má dimi aa: «Le kɔlɔ yɛɛ nɛ n faŋa yɛ naa o lɛŋnde Esipte len nin? Bàà a yeema mì n cuu vu nanu a bolola vesɛilan naa cuavaa naa a cɔlua naa kpow?»

Cɛɛŋɔnnda Yeremi lan 4:9

Vanaa co vuo o mɔɛi cɔwve bɛngu-a co fisa a vanaa co vuo a yiaan-nda. Vanaa co ɲawvo le pɛŋnde baloo-a, balo fula ɲɛm vaan nin-ndo pɛɛn.

Tɔŋ miingua 28:67

Le siòòŋii vanin niaa biyɔɔ-e a le yaamɔaa niaa niaa vanin cɔu-va, idii oo idii la vanin dimio aa: ‹Àá! Màá paalen le del nihau fɔ́!› Icɔl vɛlɛ la vanin dimio aa: ‹Àá! Màá paalen le siɔ nihau fɔ́!›

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Kundalan 14:2

Má soaa sɔɔn pɔmbɔn a Moise nda Aarɔn, má dimul nda aa: «Te naa n vinnun pɛ o lɛŋnde Esipte len nin, te kon te o lɛŋnde veselɛilen nden nin, kon va fisa le naa ni.

1Korɛntea 4:8

Ɲɛ-ɲɛ niaa yeema pɛ, la cii sɔla. La cii nin bolofaa sɔla. La kandu masalen tosaa, naa naa n co n'masa le, vɛ̀ɛ̀ lende le? Màá niáà siŋnun ko n'masa, o kon mì naa n tosa masalen naa niaa!

Yosue 7:7

Mí Yosue dimi aa: «Éé Maalii, Mɛlɛka! Le yɛɛ nɛ n tɛɛnguu yɛ naa peo Yurdɛn le naa hunɔɔ malɔɔ Amoriia o ba mà diw naa? Ndóò va fisa mí naa n lonnún Yurdɛn leeloo.

2Korɛntea 11:1

Àá! Te niáà cɛl pɛ mì niáà biwnun diɔmii nii ɲɛ-pɔmbɔ. Nduyɛ, lekɛ́ndɛi, la co ya biwnɔnndo.

Dɛnnda kiilaa 26:29

Mí Pol muli aa: «O va le telen bingi, o va vɛlɛ le telen vilɛi, i co Hala piɛi, haliko mi nɔm a vanaa co ya diom tueyɔɔ hau-va kpow siŋnun maa ya, o co mɛɛ ya co o yɔlɔn nuaa yɛ le dɛ!»

SƐBƐ YƆB-O 3:20

Le yɛɛ nɛ vana co o sangaa nin-ndo ɲɛ-tengaa yɔngoo? Le yɛɛ nɛ vanaa co o dɛnɛ palaa nin-nda yoomoo yɔngoo?

SƐBƐ YƆB-O 3:10

Kani ɲumma man kuuna ya violɔnndo le, má kɛɛlu ya dɛnɛ palaa ho cɔu la lehɔl te.

SƐBƐ YƆB-O 3:1

O kon kɔɔli, mí Yɔb kumbi sondoo le paale o velun coo len dangaa dɔvɔɔ.

Tɔŋ miingua 8:3

A toɲa, mó tuisi niaa siɛmbulan a yiaan coo. Kɛ o kon kɔɔli, mó yɔngu niaa manne le dioo, niáà sina paandu ɲɛdiaa kon te, fuɲaa niaa mamaa bɛɛ a sina ndu le. O tosa kon kpow le niaa cɔmndo maa o co ko ɲɛdiaa daama le tosa mì vanacieo va yoomu le, kɛ sɔɔn fula Mɛlɛka o sondo-on kpow n tosa ni mì vanacieo va yoomu.

Kundalan 16:13

A faŋa naa o lɛŋnde cɔlua a tɔlɔɔlan la naŋ nin taw-taw len nin le naa hunɔɔ diwvo o lɛŋnde veselɛilen nden nin, yee a hini vɔ kɔl a ken te? Bàà a yeema vɛlɛ ma siŋnun masaa naa coo a paa-kala?

Kundalan 11:15

Te nuaa n co ya biyɔɔ ni, mɛɛ o co fisa ma cua yoomu nuu. Taa tuinun ya pɛ iɲíí ma tosa lende, i ci lɛnin mɔnɛi ya luɛyɔɔ le.»

Fulaa 5:21

Má dimul nda aa: «Màá Mɛlɛka mɛɛndan dɛnɛ niaa tosa hoo-o, mò kilul niaa yamɛi fɔ́! Niaa, la kondul naa dɛnɛ dɛ! Niaa siinguu naa vanaa vɔɔnda Faraɔnnɔɔ nda vanaa ndɔa baalaa o hɔl ni. Mɔɔn cɔwvon niaa sɔɔ nda o ba nuaa ni le naa diwvo.»

Fulaa 2:23

Mɛɛ ɲɔɔ viow tei, mí masa va kon Esipte-o vu. Israɛlla va o cɛle len nin tuŋ, a va kuŋndan a koŋullo. Mí Hala tuɛi somisomin ndaa.

Kundalan 14:3

Le kɔlɔ yɛɛ Mɛlɛka co yɛ naa yɔɔ ho o lɛŋnden nden nin le kɔlan piɔ́mndo sɔlaa o mɔɛi cɔwve bɛngu, mì yaamɔaa naa kɔ poondiaa laandaa naa a hɔ́aa naa? O co fisa le naa mì n muungun Esipte le?»

Condii lisai 78:19

Má soaa sɔɔn vɔɔnndon a Hala, má ɲuna aa: «Vɛ̀ɛ̀ Hala nɔla pá mò ke naa baloo o lɛŋnde veselɛilen nden nin?»

Condii lisai 78:25

Mí vana-vana dia balo mɛlɛkaa, mí Hala yɔngu nda baloo taw-taw.

Yeremi 42:14

te la dimi pɛ aa Esipte niaa kɔanin ni, yɔŋii niaa cɔ vɛlɛ cɔwvo, yɔŋii niaa tuei vɛlɛ bulu cɔwvo sɔɛi, yɔŋii yima fofolan ma saangiaa niaa, aa lelan lon niaa co va ni,

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Fulaa 14:11

O kon kɔɔli, má mululun Moise, má dimul ndu aa: «Sɛila bɔɔ la co macoaa Esipte le? Le yɛɛ nɛ n hin yɛ a naa le piɔ́mndo sɔlaa o lɛŋnde veselɛilen nden nin? Le kɔlɔ yɛɛ n soli yɛ naa o lɛŋnde Esipte len nin?

Kundalan 11:20

Kɛ la co va mun dioo háá paangei ipilɛ. La lonin mun dioo háá mì n fula niaa o lamilin, mì kuisio bii niaa. Kani la ci Mɛlɛka co niaa tɛɛn-ndo ɲɛ-ɲɛ le, la cɛɛŋun ndu o lani mí la dimi aa: Le yɛɛ naa n faŋan yɛ Esipte?›»

Kundalan 21:5

Má soaa sɔɔn vɔɔnndon a Hala nda Moise, má dimi aa: «Le yɛɛ niaa faŋa yɛ naa o lɛŋnde Esipte len nin mí la heelu a naa le naa diwvo o lɛŋnde veselɛilen-nden nin? Kani ɲɛdiaa co nanu le, mɛmma co vɛlɛ nanu le. Hali ɲɛdiaa imɔnɔɔ ho fula nin naa iyeema.»

Condii lisai 107:5

A va a yiyan, mí kolɔɔ bii nda, mí diallon n va nda vuo.