Fulaa 16:12 - BII BILA

¹² «I tuei sɔɔn pɔmbɔn Israɛlla soo-on. Lelan, soo o nda lo mà dimul nda aa: ‹Cɔɛllɛn, la co vision dio, mì la de vɛlɛ ɲɛdiaa siɔdii. O kon la sinanin maa ya co Mɛlɛka ni, Hala niaa pɛɛn.›»

Fulaa 16:12 Referans Kwoze

Esekiɛl 39:22

Cuavaa Israɛlla sinanin o kon maa ya co Mɛlɛka ni, Hala ndaa pɛɛn. Kandɔɔ paale len háá le lɔ́ɔ́-lɔ́ɔ̀.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Esekiɛl 34:30

A sinanin o kon maa ya Mɛlɛka, ya Hala ndaa, i co nda ikɛi, maa vanaa nia nda co ni, nda cuavaa Israɛlla pɛɛn. Ya Maalii, ya co Mɛlɛka-o soo nuaa ni.

Yeremi 31:24

O kon vanaa co yondolan nin-nda a vanaa co o kobila Yuda lan nin-nda, vanaa vàá a vanaa mandaa n'cɔlua a calnin latulu o lɛŋnde len nin.

Fulaa 7:17

Lelan, Mɛlɛka dimi maa o laan ndu, a co sina válán maa ndu co Mɛlɛka ni. I co mɛmma co o pee bɛndoo Nil-lan lɔɔ a tinda co hoo ya o ba-o mì ma mangalan koovan.

Fulaa 4:5

Mí Mɛlɛka dimul ndu aa: «Hee n tosanin ni mì Israɛlla sina maa Hala fuɲaa ndaa mamaa Abraham, Isaak a Yakɔb cɔmnun nɔm lekɛ́ndɛi ni.»

Fulaa 12:6

A bɛnda mà manda ndu háá o paale tɔ́ a lehiɔɔlundɔle paangii ken. A paale delaalen ɲinkon, Israɛlla kpow, yungu oo yungu kelu cɔlu nda hɛli-o bololan.

Fulaa 16:11

Mí Mɛlɛka soaa o Moise lo, mó dimul ndu aa:

Tɔŋ lasálàá 11:44

Kani ya co Mɛlɛka ni, Hala niaa pɛɛn. Lelan la dindin few, mì la va vanaa diandaa, kani o diandaa ya co ni. Le hee, la síŋnùn vanaa nɔɔlɛiya a ɲaa huulaa a visia pɔmbɔa sasun lɛŋ-nda o kɔɔ le.

Kundalan 14:27

«Mì mal vɛlɛ vanaa lanila kalua ha ya ciŋilanndo háá lɔ́ɔ́ kuɛɛ nɛ? Kani i tuei caŋnda Israɛlla co lɔ́ɔ́-lɔ́ɔ̀ a ya ciŋilanndo lan.

1Masaa 20:28

Mí vana-tɛɛngaa-diom Hala-o komal vɛlɛ masa Israɛlla, mó tɛɛngul ndu diom Mɛlɛka dimi-o aa: «Le tùú Aramiia dimi aa Mɛlɛka Hala n'pemboo ya co ni, kɛ i co Hala ladɛngbɛ loo, i malnin vanaa cɔvaa sɛ́lɛ́ bɛndua ndaa ha kpow nɔm o ba. O kon la sinanin maa ya co Mɛlɛka ni.»

Condii lisai 105:40

Má ɲuna ndu, mó tuisul nda siasoa, má pum bulu fula coocoo-o.

Kundalan 11:4

Paale pilɛ, mí hiluma bɛndu-bɛnduan ma bii vanaa súúla celeŋaa va Israɛlla tɛɛn-nda. O kon, mí Israɛlla bɛɛ kandu cɛɛŋɔnndo, má va dimio aa: «Àá! Nɛ̀ɛ́ yɔngu yɛnin naa vision le dioo?

Esekiɛl 35:13

Mí la simul-la a tombola maloo-maloo niaa, mí la soaa yongaa a ya, i tuɛi yonga niaa soo kon-ndo válán.