Fulaa 15:3 - BII BILA

³ Kuubanɔ cɔw bɛndoo pila Mɛlɛka co ni, diolan ndɔla kpeekpeilan aa: ‹Mɛlɛka›.

Fulaa 15:3 Referans Kwoze

Condii lisai 24:8

Nɛ̀ɛ́ co yɛ Masa tɔ́ɔ́ bɛndu kon? Ndu co Mɛlɛka ni, ó nɔ yoomuan a bɛmɛi-yo, Mɛlɛka co kuubanɔ cɔwvo-o pɛɛn.

Fulaa 14:14

Mɛlɛka co cɔlɔba le niaa. Lelan, niaa la simnun yili.»

Esai 42:8

«Ya co Mɛlɛka ni, diola nila kpeekpeilan la co lan ni, nduyɛ, i bɛnda mì sɔla biiloo. I yɔngunin piɔmnda bɛɛle co le ya len te.

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

Condii lisai 45:3

Nɔm hiow vanndacieea kpow naŋɔɔ ni, sɔɔn sɔvɛɔn kínɛí n fulà nɔm o sondo ni. Lelan Mɛlɛka dɔw nɔm duaa ni le fɛɛn a fɛɛn.

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Fulaa 3:13

Mí Moise dimul vɛlɛ Hala aa: «I kɛɛ lɛ le kɔlan te, kɛ te i tiiya pɛ o Israɛlla lo, mì dimul nda aa: ‹Hala fuɲaa niaa mamaa vem ya o niaa lo ni›, a co ya ɲuna aa: ‹Vɛɛ o nɔ yɛ diolan?› Vɛ̀ɛ̀ ya mulul-lɛnin nda?»

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Yeremi 33:2

«Diom Vana co dɛnndan kpow tosaa-o soo-o co ho ni, o co lan toosiaa mò va lan peeloo-o, o nɔ diolan aa Mɛlɛka-o aa:

Fulaa 3:14

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

Fulaa 14:25

Mó ŋɔaw bɛngula ɲɛla ɲaanannda ndala soa nan-ndan, mí la lusul lusullo pila háá mí kɔlan la lɛngɛla nda o ba. O kon mí Esiptea dimi aa: «N ɲaanun mì n faŋan Israɛlla kɔɔli, kani Mɛlɛka cɛn naa Esiptea cɔlɔbaa le nda.»