Fulaa 15:1 - BII BILA

¹ O kon, mí Moise nda Israɛlla soli condei he le Mɛlɛka lisaa aa: «I solinin condei le Mɛlɛka lisaa, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.

Fulaa 15:1 Referans Kwoze

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

Fulaa 15:21

Mí Miriam cua condei aa: «La lisa Mɛlɛka o condei nin, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.»

Condii lisai 106:12

O kon, má laalan sɔɔn Hala ndóò dimi-on, má sangala ndu a condon.

Condii lisai 107:8

La mel Mɛlɛka balika le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Kolɔsea 2:15

Mó yunga kpaayalan a masɛi, mó soli nda vannda o hɔl kpendekele le nɔla o nɔla nda o yɔm singafilaa coo-o cɔmndo.

Condii lisai 107:15

La lisa Mɛlɛka le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Fulaa 18:11

I sina nihau maa Mɛlɛka hiow halaa kpow ni, kani ndu pila cɔm kpaaya ndɔɔ telen Esiptea va Israɛlla bɛpɛlaa-o.»

Fulaa 14:27

Mí Moise siɛndi ba ndɔɔ o mɛmma man coo. A paale siaalen, Esiptea ndáà cɛn nin le ɲaanɔnndo le kɔnndan, mí mɛnndan ma muungu o fonda ndɔɔ, mí Mɛlɛka miisuu nda lenin.

Kundalan 21:17

O kon, mí Israɛlla soli condei he aa: «Nɔm soon kólaa, soli mɛnndan a kponyoo ma lisa ndu.

Nehemi 9:11

Má tɛnda mɛmma ihɛllan Israɛlla laci, mí Israɛlla taŋ man a pelon n'vesɛi sɛɛn. Kɛ nɔm, má miisuu vanaa va nda tovɔɔ-a maa pow o lumii mɛmma bɛnduei nin.

SƐBƐ YƆB-O 36:24

Yiyan mà sangala dɛnnda ndɔlan, la vanndacieea kpede co sangalaa o condon nin-ndan pɛɛn.

Condii lisai 32:7

Nɔm co nɛɛ nia viannannda ni, nɔm co ya kandaa a buulannda nilan ni. I solinin condon le baŋa n baŋa ya-o.

Condii lisai 76:6

A cii kuubaa cɔwva yunga cúcúú! À hiownun o lɔma nda tindu lɛnin te-an. O pilɛ bɛɛ nɔla kindikindinndo le ndu pila le.

Condii lisai 105:43

Mó soli vanaa ndɔa o lɛŋnde len nin, mí vanaa o hɛli-a viaw kponyoo.

Talelan 29:6

Tɛɛmbuula vanaa tosaa dɛnnda vɔɔnda la co yaŋɔɔla ndalan ni. Kɛ vanaa sandaa nda co kponyoo viovɔɔ a kɔlkɛndɔɔ.

Esai 42:10

La solul Mɛlɛka condii sɛnɛiye. La lisa ndu a condon nɛɛ lɛŋnden le mɛɛlu-a. Niaa vanaa co kelaa o mɛmma ihɛllan coo-a, niaa co o mɛmma ihɛllan tɛɛn-nda, niaa lɛŋii co o mɛnndan tɛɛn-nde a niaa vanaa co icali o lɛŋii ken nin-nda pɛɛn!

Yeremi 51:21

A nɔm ya pesipesi soa a vanaa ɲaanun o soa coo-a ni, mí tɛɛmbuu ɲɛla ɲaanannda soa nan-ndan a vanaa ɲaanun a lan-nda.

Habakuk 3:18

Kɛ ya ya, i dɔawnunnin ɲaale o Mɛlɛka nin, mì viow kponyoo o Hala vana ciindiaa nuu nin.

Fulaa 14:26

Mí Mɛlɛka dimul Moise aa: «Siɛndi ba nɔmndo o mɛmma ihɛllan man coo, haliko mi mɛnndan ma mɔwviaa Esiptea, ɲɛla ɲaanannda ndala soa nan-ndan a vanaa ndaa ɲaanun o soa coo-a.»

Condii lisai 76:7

Mɛɛ nɔm Hala Yakɔb-o deŋul nda, mí vanaa ɲaanun o soa coo-a a soa ndaa kan a deli lɛŋ lɛ́ɛ́siɛn.

Osee 2:17

Lon, ya mingulnin ndu nakɔla n'rɛsɛnnda ndɔlan ni, mì mingi bóllo Akɔr maa dio kɔlkɛsiaa. O kon, o delnin ya kɔɔlii a yeemɛi maa telen o va o felengiyɛi ndɔɛi nin-ndo, maa paale o fula Esipte mò va heeloo len.»