Fulaa 13:9 - BII BILA

⁹ Maa mɛɛ ɲɛla co niaa layiyaa o laba a o n'tendu lan la co tɔɔmaseloo yɛ, lende duɲɛi he bɛnda ni mi i va tɔɔmasele loonanndo le niaa, haliko mi tɔŋ Mɛlɛka-o va niaa o lasondo. Kani ndu soli niaa Esipte a ba ndɔ kpaayaa ni.

Fulaa 13:9 Referans Kwoze

Tɔŋ miingua 6:8

La va layiyaa niaa o laba maa tɔɔmasele, mì la va laholaa niaa o n'tendu maa lepónda.

Kundalan 15:39

O kon, te la vanin pɛ kɛila lan cɔu, la loonun a tɔŋnda Mɛlɛka lan, la kela lecoo. Te ken tosan pɛ, la laasian ndɛnin o yiyannda kɔlta niaalan nin mì hɔlta niaalan la luei niaa o dɛnɛ nɔɔlɛiyo nin te.

Fulaa 13:16

Maa mɛɛ ɲɛla co niaa o laba a o n'tendu lan la co tɔɔmasele loonanndo le Mɛlɛka yɛ, lende sálàlan ndan la co ɲɛ loonanndo le niaa le loonɔnndo a ba kpaaya Mɛlɛka soli niaa Esipte-o o kɔɔ ni.›»

Fulaa 12:14

Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la tosa kafo bɛndoo le ya Mɛlɛka biiloo, haliko mi la va loonɔnndo a dɛnɛ kon o kɔɔ.»

Rɔmnda 10:8

Yɛɛ sandii ken dimi yɛ niko? Aa: «Sɔɛi co nɔm ikɛi, nɔm o sondo a nɔm o kɔl.» Nduyɛ, sɔɛi laalaŋii ken naa n co vannda tiiyallo ni aa:

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Tɔŋ miingua 30:14

Kɛ o co niaa ikɛi kpɛɛlun, o co niaa o lasondo a niaa o lakɔl, haliko mi la kela lecoo.»

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Dɛnnda cɔɔmuanndan 18:8

Ɛ̀ɛ̀ nduyɛ, le ken kpeekpei dɛnnda palaala kelun le ndu lan la toalnin ndu coo o lepilɔɔ o paalen ten pilɛ bɛngu ni: nàà piɔmndo, biisilan a yima fofolan, o kon mò ŋɔɛ o yinnden nin. Kani vana kpaayaa Mɛlɛka Hala kelu ndu iyama-o co ni.»

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.

Esai 51:9

Ba Mɛlɛka-o sei! Tiondu! Tiondu! Cuɛinun a yoomuan! Tiondu maa o palɛi sindɛ nin, maa o palɛi lambila hiow sindɛ lan nin! Vɛ̀ɛ̀ o co nɔm te tɛɛmbuu Ɲɛ yoomaa kɔndɔfili co o mɛmma ihɛllan nin-ndo le? O co nɔm te buli tambálakáà le?

Esai 49:16

Kani la tofa vɔ, i sɛva niaa o bala nila kɔltan coo, kpakila niaalan la co ya o hɔl telen oo telen.

Esai 40:10

La tofa vɔ, Maalii Hala co hunɔɔ a kpaayaa, ba ndɔɔ co vanabɛnduyɛi ndɔɛi cɔmndo, la tofa vɔ ndu hunɔɔ a sala ndɔɔ o ba, vɔ̀ngɔ̀la ndɔlan la co ndu laci.

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Talelan 3:21

Po nuu sei! Manda kɔlkaloo a dɛnɛ sinaa, fáŋà hɔlla lecoo mì la kɔɛ nɔm levil te.

Talelan 1:9

Kani maa mɔsil kɛndɛ-kɛndɔɔ la co nɔm o lebol ni, maa yɔɔva laboloo la co le bolola nɔmndan ni.

Condii lisai 89:13

Nɔ̀m cɔw maluaŋ a too ni, pembon Tabɔr a mun Hɛrmɔn co ɲaaloo dɔwnɔnndo le diola nɔmndan.

Nehemi 1:10

Nduyɛ, vannda ha, vanaa nɔmaa baalaa, a yungu nɔmndo nda co ni, à n baŋa a yoomuma nɔmndan a á ba nɔm kpaayaa-a.

Tɔŋ miingua 6:6

Tɔŋnda ya co niaa hau tɛɛngullo lan la bɛnda mì la lo lasɛvaa niaa o lakɔl.

Condii kɛndɛ-kɛndɛi 8:6

Hol-la o kɔl nɔmndo coo maa tampɔm, manda ya mì va nɔm ikɛi maa kelɛi ba n sɛva diola nɔmndan coo-e. Kani mɛɛ piɔ́mndo nɔ yoomuan yɛ, lende koni kaolaa bɛɛ nɔ yoomuan ni. Mɛɛ ciee-piɔ́m kendu nuaa yɛ lende koni paŋalaa bɛɛ kendu ni. Vana nɔla ndu tundɔɔ le. Vana ca ko yelenyelen paŋalaa aa yelenyelen leyinndo ni, yinnde fula o Mɛlɛka lo len pɛɛn.

Talelan 7:23

háá mí kɔɛi buli ndu kɔllo. O va ndu kɔlan kɔɔli maa yow haw o yalaa nin-ndo, o ve bɛɛ sina maa yoomu ndɔɔ le o va vɔngul kon te.

Fulaa 3:20

Le hee, ya pila i co dɛnɛ tosa mì cɔm kpaaya nuu o lɛŋnde ndɔlen nin a sɔɔn kaaman. O kon o malnin niaa mì la kɔɛ.

Fulaa 7:4

Kɛ o yeŋnin niaa lani le. O kon, i cɔmnin Esiptea kpaaya nuu a kpundɛla bɛndula ya vanin nda tuisio coo lan. I mulinnin o kon kɔɔli mì soli vanaa nia a kundalan o lɛŋnde Esipte len nin, Israɛlla pɛɛn.

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Condii lisai 136:12

A kpaayaa ndɔɔ a á yoomuma ndɔan o soli nda ni, kani kaola ndɔɔ nɔ lamɛɛlu le.

Esai 44:5

Vanndo pum diminin aa: «I co le Mɛlɛka!» Mì o pilɔɔ dimi aa: «O polale Yakɔb len nin o fula ni.» O celen sɛvannin o ba aa: «O Mɛlɛka-o!» Mò de diola Israɛl-tan tɔnɔ.»

Fulaa 12:41

Mɛɛ vɔsila lan la ciŋa kɛmɛ lehiɔɔlu a beleyaa, mí vanaa Mɛlɛka-a fula o lɛŋnde Esipte len nin paale loonannde len kpeekpei.

Tɔŋ miingua 5:15

La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.

Tɔŋ miingua 6:21

La mulul nda aa: ‹Cɛa Faraɔnnɔɔ naa n yɔŋnun o lɛŋnde Esipte len nin ni, kɛ mí Mɛlɛka soli naa lon a ba ndɔ kpaaya bɛndoo.

Masaa kialaa n'yamaa 2:12

Má mulul Mɛlɛka Hala fuɲaa ndaa kɔɔ, o soli nda Esipte-o pɛɛn. Má mulin o halaa celennda lo, a vanaa balu nda o lɛŋnde len nin-nda va sooloo-a, má va nda sooloo. Má tɛɛmbuu Mɛlɛka kɔllo.

Condii lisai 136:11

O soli Israɛlla nda tɛɛn-ndo, kani kaola ndɔɔ nɔ lamɛɛlu le.

Daniɛl 9:15

Sisa, Maalii Hala naa, nɔm soli cuavaa nɔmnda o lɛŋnde Esipte len nin a kpaaya nɔm bɛndoo-o, nɔm sɔla paale len tɔ́ɔ́ bɛndoo háá paalen-nden hau-vo, n cua hakio a nɔm, n tosa dɛnɛ vɔɔndo.