Fulaa 13:5 - BII BILA

⁵ Lelan, lɔ́ɔ́ Mɛlɛka lueinin niaa o lɛŋnde Kanannda, Hitiia, Amoriia, Heviia a Yebusiia nin-ndo, lɛŋnde o yiilu fuɲaa niaa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len, la bɛnda mì la tosa kafoo ho o paangii pilɛi he nin.

Fulaa 13:5 Referans Kwoze

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

Yosue 24:11

O kon mí la taŋ peo Yurdɛn, mí la tiiya Yeriko, mí Yerikoa, Amoriia, Perisiia, Kanannda, Hitiia, Kirkasiia, Hiviia a Yebusiia kpow a ciŋilan niaa a cɔwvo. Kɛ mí mal nda niaa o ba.

Fulaa 6:8

I co niaa yɔɔ o lɛŋnde ya mɛnalan Abraham, Isaak a Yakɔb le nda len yɔngoo len nin. I co niaa len yɔngu ɲɛ niaa pɛ́-pɛ́. Ya Mɛlɛka soo nuaa ni.›»

Fulaa 34:11

Lelan, bii sɔɔn ya co nɔm hau dimullo-on kpáŋ. I co Kanannda, Amoriia, Hitiia, Perisiia, Heviia a Yebusiia tovɔɔ niaa laci.

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Tɔŋ miingua 26:1

«Lɔ́ɔ́ niaa luɛinin o lɛŋnde Mɛlɛka Hala niaa yɔngu niaa kɛ́ɔ len nin-ndo, te la hɛlu pɛ lɛŋnde len mì la cal lenin,

Tɔŋ miingua 19:1

«Lɔ́ɔ́ Mɛlɛka Hala niaa ciinin vanaa-mangalaa-isɔaa o co niaa lɛŋnde ndalen yɔngu-a tɛɛmbuu-o, lɔ́ɔ́ niaa hialunin lɛŋnden nda o ba mì la cal o kobila ndalan nin a o cɛila ndalan nin-ndo,

Tɔŋ miingua 12:29

«Lɔ́ɔ́ Mɛlɛka Hala niaa toawnin vanaa-mangalaa-isɔaa niaa co kuello le nda lɛŋnden hiɔlɔɔ o ba-a-o, lɔ́ɔ́ niaa toawnin nda mì la koma cal o lɛŋnde ndalen coo-o,

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Kundalan 32:11

‹Vanaa fula haa Esipte má nɔ hau vɔsilan bidiin háá hiovɔɔ bidiin-nda, a luei o lɛŋnde ya mɛnalan Abraham, Isaak Yakɔb le nda len keo len nin te few. Kani a bii diom nuu mà lo lecoo le,

Kundalan 14:30

la luei o lɛŋnde ya mɛnan mí yii kpemaa le niaa kɔlan kɛsio lenin-nden nin te few. Fɔ Kalɛb, po Yefune-o a Yosue po Nun-ndo co luɛyɔɔ lenin ni.

Kundalan 14:16

‹Mɛlɛka ndóò tiwba le vannda ha lueiyo o lɛŋnde o yiilu nda kpemaa mó mɛnan-nden nin te, lelan o kei nda bololan kili o lɛŋnde veseleilen nin nuaa ni.›

Fulaa 33:1

Mí Mɛlɛka dimul Moise aa: «Cɔn ma faŋan o fondaa ho. Cua vanaa n soli haa o lɛŋnde Esipte len nin-nda, mì la kɔɛ o lɛŋnde ya yiilu Abraham, Isaak a Yakɔb kpemaa, mí mɛnalan nda le cuavaa ndaa imamaa len yɔngoo len nin.

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

Fulaa 12:24

Kandɔɔ a niaa pila, kɔ bii a cuavaa niaa imamaa, la bɛnda mì la bii tɔŋndo ho le fɛɛn a fɛɛn.

Fulaa 13:10

Vɔsi oo vɔsi, te paale len le tiiya pɛ, la tosa naamoo ho.

Fulaa 13:11

Tuma Mɛlɛka lueinin niaa o lɛŋnde Kanaan-nden nin-ndo, mɛɛ o mɛnalan niaa a fuɲaa niaa mamaa yɛ, telen o yɔngunin niaa lɛŋnde kalalen-ndo,

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

Kundalan 11:12

Mò va maa ya solin vannda ha o ipulu ni? Ya velu nda ni? Le yɛɛ nɛ n dimul-lɛ ya aa: ‹Bii nda o ibuŋ mɛɛ komsaa bii cɛlɛkpɛ o co vɔɛsio-o o ibuŋ yɛ háá mì la tiiya o lɛŋnde ya yiilu fuɲaa ndaa mamaa kpemaa le nda len yɔngoo len nin?›

Kundalan 13:27

Kona nda dɔwnun-ndo yɔŋnun hoo ni, má dimi aa: «N kɔɛ mí n tiiya o lɛŋnde n vem naa nin-nden nin. Toɲaa, lɛŋnde cɔlua a tɔlɔɔlan la naŋ nin taw-taw len le co ni.

Yeremi 11:5

O kon, i peelunin kpema yáà yiilu fuɲaa niaa mamaa le nda lɛŋnden yɔngoo-o, lɛŋnde tɔlɔɔlan la naŋ nin taw len pɛɛn, maa mɛɛ niaa co cɔu hau nuaa-yɛ.›» O kon mí muli aa: «Amiina Mɛlɛka!»

Yeremi 32:22

Má ke nda lɛŋnde nɔm óò mɛnalan fuɲaa ndaa mamaa le nda yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.

Esekiɛl 20:6

Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.

Fulaa 6:4

O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

1Dɛnnda lemasalan 1:15

Heviia, Arkiia, Siniia,