Fulaa 13:3 - BII BILA

³ Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 13:3 Referans Kwoze

Tɔŋ miingua 24:18

La loonun maa cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa a cɛle len, lelan ya dimul niaa le tɔŋndo ho biyɔɔ ni.

Tɔŋ miingua 5:15

La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ miingua 16:12

La loonun maa cɛa niaa va Esipte ni, o kon mì la bii silalan-ndan.»

Tɔŋ miingua 5:6

‹Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ miingua 15:15

La loonun maa niaa pila bɛɛ cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa, mó soli niaa lon. Le kɔlɔ kon ya yɔngu niaa hau tɔŋndo ho ni.

Tɔŋ miingua 6:12

la caa dɛ! Yɔŋii niaa pɔɛɛnun Mɛlɛka soli niaa o lɛŋnde Esipte len nin-ndo, nɛɛ niaa va o cɛlen nin-nda pɛɛn.

Tɔŋ miingua 16:3

La bɛnda mì la de ɲɛdiaa sálà kon a bulu toosian a lɛvɛnndo-o latulu le. O palɛi ndii ŋɔmmɛw bɛngu, la bɛndu mi la va bulu toosian a lɛvɛn too dioo. Bulu imɔnɔ kon vanin niaa yiyalanndo ni maa a kiltan niaa fula o lɛŋnde Esipte len nin ni. O kon, le fɛɛn a fɛɛn, la vanin loonɔnndo a paale niaa faŋan Esipte len.

Tɔŋ miingua 8:14

fɔ mì la mandan, yɔŋii niaa luɛi yongaa mì la pɔɛɛnun Mɛlɛka Hala niaa. Nduyɛ, Hala kon soli niaa Esipte nɛɛ niaa va o cɛlen nin-nda ni.

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Yosue 24:17

Kani Mɛlɛka co Hala naa ni. Ndu soli naa a fuɲaa naa o cɛlen nin Esipte ni. Ndu koni tosa dɛnnda kɔndɔfilta bɛndula naa n ce lan ni. Ndu kanda naa o tiŋ vilɛi naa n kei nin-ndo nin a á vanaa naa n kei tɛɛn-nda kpow ni.

Tɔŋ miingua 13:10

Kɛ a bɛnda ma dii ndu. Nɔm fɔlɔn bɛnda ni ma vɛ ndu a powvo le ndu diyɔɔ, o kon kɔɔli vanaa tɔ̀a sɔɔnguu niko nɔm mayoomu.

Tɔŋ miingua 24:22

La loonun maa cɛa niaa yɔŋnun o lɛŋnde Esipte len nin ni. Lelan ya dimul niaa le tosaa lende ni.»

Fulaa 12:42

Maa mɛɛ Mɛlɛka lɔl ɲinkon lahɔl le cuavaa ndɔa solio o lɛŋnde Esipte len nin yɛ, le fɛɛn a fɛɛn, te paale len le tiiya pɛ, Israɛlla bɛɛ bɛnda mà lɔl lahɔl. Kani le Mɛlɛka biiloo ɲumma man ma solin sálà ni.

Tɔŋ miingua 13:5

Mɛlɛka Hala niaa ndu pilɛ kpé niaa bɛnda le lou kɔɔli ni, a ndu kínɛí niaa bɛnda le siòònde nɔu ni. La bii tɔŋnda ndɔlan, mì la yaŋ nilan o diom ndɔɔ. Ndu pilɛ niaa bɛnda le baalaa tosallo ni, ndu pilɛ niaa bɛnda le holnɔnndo ni.

Tɔŋ miingua 4:34

Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.

Fulaa 23:15

La bɛnda mì la tosa kafo bulu toosian a lɛvɛn too. Mɛɛ ya dimul niaa le tosaa o telen kelun o paangii Abib-e nin-ndo yɛ, o palɛi ndii ŋɔmmɛw bɛngu, bulu toosian a lɛvɛn too niaa bɛnda ni mi la va dioo. Kani o paangii ken nin niaa faŋan o lɛŋnde Esipte len nin ni. Vana-vana bɛnda mò hun sim ya Mɛlɛka o hɔl bala fondo le.

Fulaa 20:8

La loonun a paale pɛngiaalen mì la ce len maa lediandaalen le co ni.

Fulaa 12:19

O palɛi ŋɔmmɛvii ken bɛngu, lɛvɛnndo bɛnda mò va niaa o laba cɛilan nin te. Te vanndo de pɛ ɲɛdiaa toosian a lɛvɛnndo-o o palɛi ken bɛngu, o va mial, o va Israɛlnɔ pilaciee, o bɛnda mò faŋan Israɛlla tɛɛn few-few.

Fulaa 12:8

A bɛnda mà tuɛi visin mun, mà de mun icɔl kon a bulu toosian a lɛvɛn too a á bil loloo.

Fulaa 6:1

Mí Mɛlɛka dimul Moise aa: «A canin mɔnɛ ya co soli a Faraɔnnɔɔ-o sisa. I co ndu kindila a kpaaya nuu háá mò mal Israɛlla kɔlan. I co ndu tolɔɔ kɔɔli háá mò tow nda le nda solio few-few o lɛŋnde ndɔlen nin.»

Fulaa 3:20

Le hee, ya pila i co dɛnɛ tosa mì cɔm kpaaya nuu o lɛŋnde ndɔlen nin a sɔɔn kaaman. O kon o malnin niaa mì la kɔɛ.

Fulaa 12:15

«O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. Paale tasele lɔ́ɔ́ kon le tiiya dɔ́ɔ́ pɛ, la soli lɛvɛnndo o cɛila niaalan nin few-few. Kandɔɔ paale tasele len, kɔ bii paale ŋɔmmɛwndɔlen, te vanndo de pɛ bulu toosian a lɛvɛnndo-o, a bɛnda mà faŋa vana kon Israɛlla tɛɛn.

Condii lisai 105:5

Niaa fula o polale Abraham, vana baala ndɔɔ len nin-nda, niaa poaa Yakɔb, vana o hɛli-o-a, la loonun dɛnnda kaamaala o tosa lan, mì la yiyan dɛnnda kɔndɔfilta ndɔlan a yaman fula ndu o sondo-on.

Efɛsea 1:19

mì la sínà vɛlɛ mɛɛ kpaaya bɛndu o nɔ le naa-o co yɛ. Kpaaya kon yɛ, ndu kpeekpei Hala cɔm a yoomuma bɛnduan ni.

1Korɛntea 11:24

mɛɛ o cii balikaa malɔɔ, mó yimiyimi ndu, mó dimi aa: «Dialun nun co mun ni, n yɔngun le niaa-on. La va hoo tosaa le loonɔnndo a ya o kɔɔ.»

1Korɛntea 5:8

Lelan n tosan kafoo, o co a lɛvɛn paandu le, o co vɛlɛ a lɛvɛn dɛnɛ haki, te kon te dɛnɛ kɔlvesɛi le, kɛ bulu toosian a lɛvɛn too co dɛnɛ sandaa a toɲaa ni.

Luke 22:19

O kon kɔɔli, mí Yeesu cua buloo. Mɛɛ o cii balikaa malɔɔ, mó yimiyimi ndu, mó yɔngu nda ndu a dimio aa: «Dialun nun co mun ni, n yɔngun le niaa-on. La va hoo tosaa le loonɔnndo a ya o kɔɔ.»

Nehemi 9:10

Má tosa dɛnnda kɔndɔfilta bɛndulan le Faraɔnnɔɔ cɔlɔbaa, le langbaa ndɔa kɛsun kálàá a vanaa va o lɛŋnde ndɔlen nin-nda kpow cɔlɔbaa, kani nɔm sina mɛɛ nda bii fuɲaa naa imamaa a yongaa yɛ. Mí diola nɔmndan la sɔla tɔ́ɔ́ bɛndoo, tɔ́ɔ́ kon co vɔ háá hau.

1Dɛnnda lemasalan 16:12

Niaa cuavaa Israɛl-la, Israɛl yɔŋnun vanaa baalaa ndɔɔ-o pɛɛn, niaa fula o polale Yakɔb, vana o hɛli-o len nin-nda, la loonun a dɛnnda kaamaala o tosa lan, mì la yiyan o kɔndɔfilta ndɔlan a o yaman fula ndu o sondo-on coo.

Matie 10:12

Cɛi niaa luɛi pɛ, la yil nda aa: ‹Màá kɔlɲuloo va cɛinin nanu!›

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Fulaa 7:4

Kɛ o yeŋnin niaa lani le. O kon, i cɔmnin Esiptea kpaaya nuu a kpundɛla bɛndula ya vanin nda tuisio coo lan. I mulinnin o kon kɔɔli mì soli vanaa nia a kundalan o lɛŋnde Esipte len nin, Israɛlla pɛɛn.

Fulaa 12:17

La tosa kafo bulu toosian a lɛvɛn too ho le loonɔnndo maa paale len ya soli yungula niaalan a kundalan o lɛŋnde Esipte len nin ni. Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la loonun a dɛnɔɔ ho. Tɔŋ niaa bɛnda mì la bii-o co hoo ni:

Fulaa 13:9

Maa mɛɛ ɲɛla co niaa layiyaa o laba a o n'tendu lan la co tɔɔmaseloo yɛ, lende duɲɛi he bɛnda ni mi i va tɔɔmasele loonanndo le niaa, haliko mi tɔŋ Mɛlɛka-o va niaa o lasondo. Kani ndu soli niaa Esipte a ba ndɔ kpaayaa ni.

Tɔŋ miingua 7:8

kɛ le tùú Mɛlɛka kaola niaa taw-vo, le tùú o yeema le kpema o yiilu fuɲaa niaa mamaa mó mɛnalan nda-o peeloo-o, lelan o puu niaa Faraɔnnɔɔ, o co masaa Esipte-o o ba a kpaayaa ni, mó soli niaa o celen nin.

1Masaa 8:42

kani vannda tuɛinin diola nɔmnda bɛndulan, kpaaya nɔmndo a yoomuma nɔmndan tɔ́ɔ́, te o hin pɛ mò hun piɛi nɔm o Cɛiyo ho nin,

Condii lisai 114:1

Telen Israɛlla va cɔnɔnndo Esipte-o, telen vanaa fula o polale Yakɔb len nin-nda a va faŋanndo o lɛŋnde isumialten nin-ndo,

Condii lisai 136:11

O soli Israɛlla nda tɛɛn-ndo, kani kaola ndɔɔ nɔ lamɛɛlu le.

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Fulaa 12:2

«Paangii niaa co hee nin-nde vanin paangii tasei o vɔsio nin le niaa ni. Ndi bɛnda ni mì i kandu vɔsio.

Fulaa 12:41

Mɛɛ vɔsila lan la ciŋa kɛmɛ lehiɔɔlu a beleyaa, mí vanaa Mɛlɛka-a fula o lɛŋnde Esipte len nin paale loonannde len kpeekpei.

Fulaa 34:18

La tosa kafo bulu toosian a lɛvɛn too. O palɛi ŋɔmmɛvii kelun o paangii Abib-e nin-nde bɛngu kpow, la va bulu toosian a lɛvɛn too dioo kínɛí maa mɛɛ ya dimul niaa le tosaa yɛ. Kani o paangii ken nin niaa faŋan Esipte ni.

Tɔŋ miingua 6:21

La mulul nda aa: ‹Cɛa Faraɔnnɔɔ naa n yɔŋnun o lɛŋnde Esipte len nin ni, kɛ mí Mɛlɛka soli naa lon a ba ndɔ kpaaya bɛndoo.

Tɔŋ miingua 9:12

mó dimul-la aa: ‹Cɔn ma keleŋa tolɔɔ cɔ́-cɔ́, kani vanaa n soli o lɛŋnde Esipte nin-nda laasian, vannda ha keleŋa bɔɔ nɛi ya cɔm nda-o malɔɔ! A cownun piɔmndo a ciliŋun nda teengiaa o yin-ndon.›

Tɔŋ miingua 13:6

Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

Tɔŋ miingua 13:11

A powtan n lonin ndu viiyo ni háá mo vi, kani ndóò yeema le nɔm faŋaa o nɛi Mɛlɛka Hala nɔmndo coo, o soli nɔm Esipte nɛɛ n va o cɛlen nin-nda-o.

Tɔŋ miingua 16:1

«La loonun a paangii Abib-e mì la tosa kafo-hiavaa-coo lenin le Mɛlɛka Hala niaa biiloo. Kani ɲumma pilɛ o paangii ken nin Mɛlɛka Hala niaa soli niaa Esipte ni.

Tɔŋ miingua 26:8

Le hee, mó soli naa Esipte a ba ndɔɔ kpaayaa, mó luei Esiptea siòònde taw a kɔndɔfiltan a á kaamaala o va tosaa lan.

Masaa kialaa n'yamaa 2:12

Má mulul Mɛlɛka Hala fuɲaa ndaa kɔɔ, o soli nda Esipte-o pɛɛn. Má mulin o halaa celennda lo, a vanaa balu nda o lɛŋnde len nin-nda va sooloo-a, má va nda sooloo. Má tɛɛmbuu Mɛlɛka kɔllo.

Masaa kialaa n'yamaa 6:8

mí Mɛlɛka vim nda vana-tɛɛngaa-diom Hala-o, mí vana kon dimul nda aa: «Nuaa Mɛlɛka Hala Israɛlla soo ni aa ‹Ya soli niaa Esipte ni, ya soli niaa nɛɛ niaa va o cɛlen nin-nda ni.

Nehemi 1:10

Nduyɛ, vannda ha, vanaa nɔmaa baalaa, a yungu nɔmndo nda co ni, à n baŋa a yoomuma nɔmndan a á ba nɔm kpaayaa-a.

Condii lisai 89:14

Ba nɔmndo pɛ cá a kpaayaa, a nɔ kpaayaa, ba kɛndɛ nɔmndo co o heelaa.

Condii lisai 136:12

A kpaayaa ndɔɔ a á yoomuma ndɔan o soli nda ni, kani kaola ndɔɔ nɔ lamɛɛlu le.

Yeremi 34:13

«Diom Mɛlɛka Hala Israɛlla dimi-o co hoo ni aa: Mí yii kpemaa a fuɲaa niaa mamaa telen ya va nda solio Esipte o cɛlen nin-ndo.

Daniɛl 9:15

Sisa, Maalii Hala naa, nɔm soli cuavaa nɔmnda o lɛŋnde Esipte len nin a kpaaya nɔm bɛndoo-o, nɔm sɔla paale len tɔ́ɔ́ bɛndoo háá paalen-nden hau-vo, n cua hakio a nɔm, n tosa dɛnɛ vɔɔndo.