Fulaa 13:2 - BII BILA

² «Poaa tasea a cɔlua piaandua tasea Israɛlla kpow, á bɛnda ma kɛsi nda a diandaa le ya Mɛlɛka. Kani po tase oo po tase vanalanɔɔ velu pɛ, cɔlu piaandu tase oo cɔlu piaandu tase cɔloo kom pɛ, le ya Mɛlɛka kan co ni.»

Fulaa 13:2 Referans Kwoze

Luke 2:23

mɛɛ o co o sɛvaa o tɔŋ Mɛlɛka-o nin yɛ aa: «Hɔ́ɔ́ tase kɛ́-kɛ̀ velun pɛ vanapɔnɔɔ, le Mɛlɛka kon co ni.»

Kundalan 3:13

Kani poaa tasea kpow, le ya nda co ni. Paale ya diw poaa tasea a cɔlua piaandua tasea Esiptea len, mí siinguu ɲinkon poaa tasea a cɔlua piaandua tasea Israɛlla teengen le ya Mɛlɛka pila. Kandɔɔ a po tasoo, kɔ bii a cɔlu piaandu tasoo, le ya nda co nin ni. Ya co Mɛlɛka ni.»

Tɔŋ miingua 15:19

«La bɛnda mì la soli cɔlua piaandua tasea cɔlua niaa vanin komɔɔ-a kpow sálà o Mɛlɛka Hala niaa lo: o va naw, o va cuin, o va saa. La bɛnda mì la tosa vallo a navaa tovaa tasea navaa niaa vanin komɔɔ-a le, la kili vɛlɛ saa kóndóa tasea saa niaa vanin komɔɔ-a yiinde le.

Kundalan 18:15

Poaa tasea a cɔlua piaandua tasea Israɛlla yɔngu ya-a, kan vanin le nɔm fasɛi. Kɛ a bɛnda ma tosa mì poaa tasea baŋan, mì cɔlua piaandua tasea co a nɔɔlɛiya Mɛlɛka o hɔl-la bɛɛ a baŋan.

Tɔŋ lasálàá 27:26

‹Vana-vana nɔ dí mò soli cɔlu piaandu tase ndɔɔ sálà o Mɛlɛka lo le ndu pila le, kani cɔlu piaandu tasoo ndu co nin o mandaa le Mɛlɛka, o va naw tova, o va cuin toovi, o va saa kóndó.

Fulaa 4:22

O kon, a dimul ndu aa: ‹Mɛlɛka dimi aa: po ni tasoo, ndu co Israɛl ni.

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

Fulaa 23:19

La bɛnda mì la kɔɛ a ɲɛm tasen niaa koawnin o ciɛɔn niaan nin-ndon o Cɛi-Mɛlɛka Hala niaa nin. La yaw cuin cuaa o mɛɛma kala ndɔan nin te.»

Fulaa 13:1

Mí Mɛlɛka soaa o Moise lo, mó dimul ndu aa:

Kundalan 3:12

«Yaŋ-ndɔ nilan, i hɛli leviia o Israɛlla tɛɛn, haliko ma muungu o fonda poaa tasea vanlaandua Israɛl co violɔɔ-a. Lelan, a nia nda co nin ni.

Nehemi 10:36

Vɔsi oo vɔsi n hunnin vɛlɛ a kɔmnde tasele fula o ciɛɔn naan nin a tɔlɔɔla naalan nin-nden.

Esekiɛl 16:20

Má cua poaa a cuavaa landua nɔm óò vilul-la a, má solul piɔmaa kan sálàá haliko ma somi nda. Vɛ̀ɛ̀ suunda n suunda-o ndóò tiw vɔ nɔm te?

Esekiɛl 16:21

Má kili poaa nia bololan, má loam nda o yin le nda sálàá solio o piɔmaa nɔmaa kan ndo.

Fulaa 22:28

La tamala le ya Hala ɲɛm tasen niaa kow o ciɛɔn niaan nin-ndon a mɔima niaama tasean yɔngoo le. La bɛnda mì la yɔngu ya poaa niaa tasea.

Nehemi 10:37

Maa mɛɛ o co o sɛvaa o tɔŋndo nin yɛ, n hunnin a poaa naa tasea, navaa tovaa naa tasea, a saa kóndóa naa tasea, a cuinaa toovia naa tasea o Cɛi-Hala naa nin, mì n yɔngu nda vanaa-solia-lasálàá co baalaa tosaa o Cɛi-Hala-o nin-nda.