Fulaa 13:16 - BII BILA

¹⁶ Maa mɛɛ ɲɛla co niaa o laba a o n'tendu lan la co tɔɔmasele loonanndo le Mɛlɛka yɛ, lende sálàlan ndan la co ɲɛ loonanndo le niaa le loonɔnndo a ba kpaaya Mɛlɛka soli niaa Esipte-o o kɔɔ ni.›»

Fulaa 13:16 Referans Kwoze

Fulaa 13:9

Maa mɛɛ ɲɛla co niaa layiyaa o laba a o n'tendu lan la co tɔɔmaseloo yɛ, lende duɲɛi he bɛnda ni mi i va tɔɔmasele loonanndo le niaa, haliko mi tɔŋ Mɛlɛka-o va niaa o lasondo. Kani ndu soli niaa Esipte a ba ndɔ kpaayaa ni.

Tɔŋ miingua 11:18

Lelan, silala ya co niaa lan yɔngoo lan, la mandan ndan o kɔl, mì la sɛvan ndan o yoomu niaa nin di-di. La bɛnda mì la yiinun ndan o laba maa tɔɔmasele, mì la holnun ndan o n'tendu maa leponda.

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Tɔŋ miingua 26:8

Le hee, mó soli naa Esipte a ba ndɔɔ kpaayaa, mó luei Esiptea siòònde taw a kɔndɔfiltan a á kaamaala o va tosaa lan.

Fulaa 12:13

Le niaa Israɛlla yɛ, kooma cɔlua niaa suunin o cɛilan-ndan ma vanin tɔɔmaseloo ni maa la co o cɛila lan nin. I ce pɛ kooma man, i hiow niaa coo. O kon, kpundɛ tɛɛmbua n'cuaw ya co kon tuisi Esiptea coo-o pilannin niaa le.

Dɛnnda kiilaa 13:17

Hala Israɛlla hɛli fuɲaa naa mamaa. Mó tosa má kui telen nda va Esipte-o. O kon kɔɔli, mó soli nda o lɛŋnde len nin a kpaaya ndɔɔ.

Fulaa 6:1

Mí Mɛlɛka dimul Moise aa: «A canin mɔnɛ ya co soli a Faraɔnnɔɔ-o sisa. I co ndu kindila a kpaaya nuu háá mò mal Israɛlla kɔlan. I co ndu tolɔɔ kɔɔli háá mò tow nda le nda solio few-few o lɛŋnde ndɔlen nin.»

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Fulaa 12:41

Mɛɛ vɔsila lan la ciŋa kɛmɛ lehiɔɔlu a beleyaa, mí vanaa Mɛlɛka-a fula o lɛŋnde Esipte len nin paale loonannde len kpeekpei.

Tɔŋ miingua 5:15

La loonun maa cɛa niaa yɔŋnun o lɛŋnde Esipte len nin ni, maa Mɛlɛka Hala niaa soli niaa lon a kpaaya bɛndoo ni. Lelan ndu Mɛlɛka Hala niaa ke niaa tɔŋndo le paale pɛngiaalen biyɔɔ ni.

Tɔŋ miingua 6:21

La mulul nda aa: ‹Cɛa Faraɔnnɔɔ naa n yɔŋnun o lɛŋnde Esipte len nin ni, kɛ mí Mɛlɛka soli naa lon a ba ndɔ kpaaya bɛndoo.

Masaa kialaa n'yamaa 2:12

Má mulul Mɛlɛka Hala fuɲaa ndaa kɔɔ, o soli nda Esipte-o pɛɛn. Má mulin o halaa celennda lo, a vanaa balu nda o lɛŋnde len nin-nda va sooloo-a, má va nda sooloo. Má tɛɛmbuu Mɛlɛka kɔllo.

Nehemi 1:10

Nduyɛ, vannda ha, vanaa nɔmaa baalaa, a yungu nɔmndo nda co ni, à n baŋa a yoomuma nɔmndan a á ba nɔm kpaayaa-a.

Condii lisai 136:11

O soli Israɛlla nda tɛɛn-ndo, kani kaola ndɔɔ nɔ lamɛɛlu le.

Talelan 6:21

Lueinun ndan o kɔl le lɔ́ɔ́-lɔ́ɔ̀, baanun ndan o labolo maa yɔɔva.

Daniɛl 9:15

Sisa, Maalii Hala naa, nɔm soli cuavaa nɔmnda o lɛŋnde Esipte len nin a kpaaya nɔm bɛndoo-o, nɔm sɔla paale len tɔ́ɔ́ bɛndoo háá paalen-nden hau-vo, n cua hakio a nɔm, n tosa dɛnɛ vɔɔndo.