Fulaa 12:8 - BII BILA

⁸ A bɛnda mà tuɛi visin mun, mà de mun icɔl kon a bulu toosian a lɛvɛn too a á bil loloo.

Fulaa 12:8 Referans Kwoze

Fulaa 34:25

La sólùl-la sálàla n'cɔlulan a bulu toosian a lɛvɛnndo-o latulu le. La mándà visin cɔlu kafo-hiavaa-coo háá diimandɔɔ idiiyo le.

Tɔŋ miingua 16:7

La yaw pɛ visin mun, la de mun o fonda Mɛlɛka Hala niaa hɛlinin-ndo. Diimandɔɔ idiiyo, la muungu o laniaa lo.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Fulaa 23:18

La hun a bulu toosian a lɛvɛnndo-o telen niaa co va ya sálàla n'cɔlulan solullo-o le. La mándà cuɛima cɔlua nda co ya sálàlan solullo o kafola nilan coo-a-an háá diimandɔɔ idiiyo le.

Fulaa 13:7

Vana-vana bɛnda mò de bulu toosian a lɛvɛn too o palɛi ŋɔmmɛvii ken bɛngu. O lɛŋnde niaale len nin kpow, vana bɛnda mì vana saalun bulu toosian a lɛvɛnndo-o, te kon te lɛvɛnndo pila o laniaa lo le.

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 1:14

Má bɛpɛla nda bɛpɛlaa pila a valta kálà-kálàlan tosaa: puuloo lindaa, kpilikion lɔu a valta yondolan. Mbɔ̀ a bɛpɛla bɔɔ cuavaa Israɛlla o baalala lepɔtɔlta súú-súù ka nin.

1Tesalonikea 1:6

Niaa yɛ, a sanga bɛndu niaa sɔla-o kpede, mí la vial naa, mí la vial vɛlɛ Maalii o dɛnndan nin, mí la cɛl sɔɛi Hala-e a ɲaaloo, ɲaale Hala Kɔl-Diandaa yɔngu niaa-o pɛɛn.

Kalatea 5:9

Lɛvɛnndo ɲɛ-pɔmbɔ cobe mò heelu dɛɔ kpow.

Matie 26:26

Tuma nda va ɲɛdiaa dioo-o, mí Yeesu cua buloo, mó dɔaw ndu duaa, mó yimiyimi ndu, mó yɔngu kaandeŋaa ndɔa, mó dimul nda aa: «La bii mì la de, dialun nun co mun ni.»

Matie 16:12

O kon mí kaandennda bii bila maa o co sɔɛi lɛvɛn ndáà vow o buloo-o le o va dimio le, kɛ pɛɛkula Faliisia a Sadusea.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

Fulaa 12:9

A dia visin mun n'kiyɛiyon, te kon te n'yavan te. A bɛnda mà tuɛi mun kpow, kandɔɔ bolle cɔlu kon, bɛngula ndɔlan, kɔ bii a ɲɛm co ndu nin-ndon kpede.

2Dɛnnda lemasalan 35:13

Má tuɛi visin sálà kafo-hiavaa-coo o yin mɛɛ naamoo va yɛ, má yaw sálàla diandaala tɔ̀lan o kpɛɛnɔn, o kɔɔfɛɛlan nin a o ɲɛm-laandun celen nin. O kon, má piɔw vannda mun cɔ́-cɔ́.