Fulaa 12:3 - BII BILA

³ La kɔ dimul Israɛlla maa te paangei he tiiya pɛ palɛi tɔ́, yungu oo yungu bii saa téndóó, te kon te cuin téndóó o pilɛ, cɛi oo cɛi bii vɛlɛ saa téndóó, te kon te cuin téndóó o pilɛ.

Fulaa 12:3 Referans Kwoze

1Korɛntea 5:7

La faŋa lɛvɛn hakio, mì la siŋnun maa kpeyan lindan sɛnɛiyo, o kon lɛvɛn venin niaa nin te. Kani Krista siŋnun saa téndóó le naa, le kafo-hiavaa-coo, Krista nda baŋ o yɔm singafilaa coo-o pɛɛn.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Tɔŋ lasálàá 5:6

o kon, o hin a cɔlu laandoo le sálà bɛɛndiaa isɔɔ o ya Mɛlɛka lo le haki o tosa-o: saa laandoo, te kon te cuin laandoo. Mì vana-solia-lasálàá tosa ndu faleŋii baŋannde coo le haki ndɔɔ vɔɔsuuo mò malnun haki.»

Tɔŋ lasálàá 1:2

«Soo o Israɛlla lo, ma dimul nda aa ‹O niaa tɛɛn, te vanndo va pɛ Mɛlɛka sálàá solullo, o soli cɔlu ndɔ sálàá o cɔlua pɔmbɔa nin, te kon te o cɔlua bɛndua nin.

Nsaŋ 12:12

Diimandɔɔ, mɛɛ sɛ́lɛ́ bɛndu óò hin le kafo hiavaa coo-o tuei maa Yeesu co kɔlan Yerusalɛm,

Nsaŋ 1:36

mó ca Yeesu hiovɔɔ, mó dimi aa: «Má cè Saa téndé Hala-o!»

2Dɛnnda lemasalan 35:7

Mí Yosia soli saa téndéa a cuinaa téndéa vaalan beleyaa (30 000) o cɔlua ndɔa ndu pila-a tɛɛn, mó yɔngu Israɛlaa va lon-nda kpow le sálà kafo-hiavaa-coo tosaa, mó ke nda vɛlɛ nawva vàálan tan yáá (3 000).

Kundalan 15:11

Lende niaa bɛnda ni mi la soli nawvo, saa kóndóó, saa téndóó, te kon te cuin téndóó sálà.

Fulaa 12:6

A bɛnda mà manda ndu háá o paale tɔ́ a lehiɔɔlundɔle paangii ken. A paale delaalen ɲinkon, Israɛlla kpow, yungu oo yungu kelu cɔlu nda hɛli-o bololan.

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Fulaa 4:30

Mí Aarɔn downun nda kona, mó dimul nda sɔɔn Mɛlɛka dimul Moise-on kpow, mó tosa vɛlɛ kaamaala lan nda a Israɛlaa tɔ̀a kpow o hɔl.

O Kandɔɔ 22:8

Mí Abraham mulul ndu aa: «Po nuu, Hala pila nuwviaanin saa téndóó le sálà loamaa kon solio.» Má kɔa nɛɛ nda va kɔlan-nda nda ŋiɔn kpow.

O Kandɔɔ 4:4

Mí Abɛl ndu hun a cɔlua tasea cɔlua ndɔa kom-nda, mó solul Mɛlɛka sálàá a visin bɛɛŋun macuɛin kɛndɛ-kɛndɔn. Mí Mɛlɛka cɛl Abɛl a sálà ndɔɔ.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

1Samiɛl 7:9

Mí Samiɛl bii saa téndé va vɔ vɔɛiyo-o, mó solul Mɛlɛka ndu sálà loamaa. Mó piɛi Mɛlɛka le Israɛlla, mí Mɛlɛka mulul ndu.

Yosue 7:14

Siɔdii idiiyo, niaa kpede hin mɛɛ niaa co a polama yɛ́-yɛ́an yɛ. Polale ya Mɛlɛka hɛlinin-nden le sɔɔnguunin a yungula yɛ́-yɛ́la ndɔlan. Yungu ya Mɛlɛka hɛlinin-ndo sɔɔnguunin a cɛila pilɛn-pilɛnnda co lenin-ndan. Vanaa co o cɛi ya Mɛlɛka hɛlinin-ndo nin-nda sɔɔnguunin a pilɛ-pilɛnnda.

Fulaa 20:19

O kon má dimul Moise aa: «Nɔm pila soo nin o naa lo, mì n bii sɔɛi nɔmnde. Kɛ Hala soaa lɛ o naa lo sakpo le, yɔŋii naa n sɔla piɔ́mndo.»

Fulaa 14:15

Mí Mɛlɛka ɲuna Moise aa: «Le yɛɛ n co yɛ deŋio ho o ya lo? Dimul Israɛlla mà bii nɛiyo le kɔlan.

Nsaŋ 12:1

Ndóò lo palɛi ŋɔmpum le kafo-hiavaa-coo tiiyaa, mí Yeesu hun Betani, nɛɛ Lasar o mingi yoomu fulaa vanvílɛ́iya tɛɛn-ndo va-a.

Fulaa 12:2

«Paangii niaa co hee nin-nde vanin paangii tasei o vɔsio nin le niaa ni. Ndi bɛnda ni mì i kandu vɔsio.

Fulaa 12:4

Te yungulen lepum le dɔɔnan pɛ le saa téndóó, te kon te le cuin téndóó ciiyo sɔmndo, vanaa co lenin-nda mɔsɔŋan nda yungule co nda ikɛi len, a tofa mɛɛ vannda co lenin yɛ, a hɛli cɔloo mɛɛ vana-vana tiwba le dioo yɛ.

Fulaa 12:21

Mí Moise veelu kaasoŋaa kɔlkalua o Israɛlla tɛɛn, mó dimul nda aa: «La kɔ mì la kɔ bii saa téndéa, te kon te cuinaa téndéa le yungula niaalan, mì la kelu nda bololan le kafo-hiavaa-coo.

Esekiɛl 40:1

Mɛɛ nda bii naa má kɔa a naa, o vɔsi bidiin a o ŋuɛɛnundɔ naa n tosa o biyɔɔ kon nin-ndo nin, vɔsi kon va vɔsi tɔ́ a o hiɔɔlundɔɔ o biyɔɔ yaamɔɔa bii Yerusalɛm ma tɛɛmbuu ndu-o ni. O vɔsi kon kandɔɔ, paangii tasei va malɔ tɔ́, paale len, mí ba kpaaya Mɛlɛka-o toal-la coo, mó cua ya, mó kɔa a ya lon.