Fulaa 12:2 - BII BILA

² «Paangii niaa co hee nin-nde vanin paangii tasei o vɔsio nin le niaa ni. Ndi bɛnda ni mì i kandu vɔsio.

Fulaa 12:2 Referans Kwoze

Fulaa 13:4

Hau niaa co fula o lɛŋnde Esipte len nin ni, o paangii Abib-e he nin.

Tɔŋ miingua 16:1

«La loonun a paangii Abib-e mì la tosa kafo-hiavaa-coo lenin le Mɛlɛka Hala niaa biiloo. Kani ɲumma pilɛ o paangii ken nin Mɛlɛka Hala niaa soli niaa Esipte ni.

Fulaa 34:18

La tosa kafo bulu toosian a lɛvɛn too. O palɛi ŋɔmmɛvii kelun o paangii Abib-e nin-nde bɛngu kpow, la va bulu toosian a lɛvɛn too dioo kínɛí maa mɛɛ ya dimul niaa le tosaa yɛ. Kani o paangii ken nin niaa faŋan Esipte ni.

Fulaa 23:15

La bɛnda mì la tosa kafo bulu toosian a lɛvɛn too. Mɛɛ ya dimul niaa le tosaa o telen kelun o paangii Abib-e nin-ndo yɛ, o palɛi ndii ŋɔmmɛw bɛngu, bulu toosian a lɛvɛn too niaa bɛnda ni mi la va dioo. Kani o paangii ken nin niaa faŋan o lɛŋnde Esipte len nin ni. Vana-vana bɛnda mò hun sim ya Mɛlɛka o hɔl bala fondo le.

Kundalan 28:16

«O paale tɔ́ a lehiɔɔlundɔlen coo o paangii tasei o vɔsio nin, kafo-hiavaa-coo bɛnda mò tosan le Mɛlɛka biiloo.

Tɔŋ lasálàá 23:5

Te paangii tasei tiiya pɛ palɛi tɔ́ a ihiɔɔlu, la tosa kafo-hiavaa-coo a paale delaalen le ya Mɛlɛka biiloo.

Ɛstɛr 3:7

O vɔsi tɔ́ a o diinndɔɔ nin o masale Sɛrsɛs len bɛngu, o paangii tasei nin, paangii Nisan pɛɛn, má vuu purim (kon co dimio ni aa «Siondei malɔɔ») Haman o hɔl le paalen a paangii ndíì bɛnda le sɔɔn ndóò tuu mún le tosaa-on-nde sinaa. Mí sionden le bii pangii tɔ́ a idiinndɔɛi, paangii Adar pɛɛn.

Fulaa 12:1

Tuma nda va vɔ kon o lɛŋnde Esipte len nin-ndo, mí Mɛlɛka dimul Moise nda Aarɔn aa:

Fulaa 12:3

La kɔ dimul Israɛlla maa te paangei he tiiya pɛ palɛi tɔ́, yungu oo yungu bii saa téndóó, te kon te cuin téndóó o pilɛ, cɛi oo cɛi bii vɛlɛ saa téndóó, te kon te cuin téndóó o pilɛ.

Fulaa 12:18

Te paangii tasei tiiya pɛ palɛi tɔ́ a ihiɔɔlu, kandɔɔ a paale yɔngannden ɲinkon, háá o paale bidiin a lepilɛndɔlen icɔllo, la bɛnda mì la va bulu toosian a lɛvɛn too dioo.

Esekiɛl 45:18

Nuaa Maalii Hala dimi ni aa: «O paale taselen coo o paangii tasei nin a bɛnda ma cua naw tova téndé nɔ lenamta loo, mà faŋa hakio a ndu o cɛi-kola-toandaa diandaa nin.

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 40:17

Mɛɛ paangii tasei vɔsi diinndɔɛi cɔm, paale tasele paangii ken, mó toandu Calta Mɛlɛka lan.

Esekiɛl 45:21

Paale tɔ́ a lehiɔɔlundɔlen o paangii tasei nin, len le vanin kafo-hiavaa-coo le niaa ni, kafo palɛi ŋɔmmɛw-vo pɛɛn. O palɛi ken kpow nin, la vanin bulu toosian a lɛvɛn too dioo.