Fulaa 11:8 - BII BILA

⁸ Mí Moise cɔɔlu vɛlɛ dimi aa: «Paale len le tiiya pɛ, vanaa baalaa nɔmnda ha kpow a hunnin, mà del-la o labɛngunin, mà dimi aa: ‹Cua vanaa nɔmnda mì la kɔɛ›. O kon, i cuanin nda mì n kɔɛnnun.» Mí Moise fula o Faraɔnnɔɔ lo a kɔltuwvo taw.

Fulaa 11:8 Referans Kwoze

Daniɛl 3:19

O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.

Esekiɛl 3:14

Mí Kɔl Hala heelu ya-o kɔa a ya. I va kɔlan a kɔltuwvo a sɔɛi nɛyɛi, mí ba Mɛlɛka-o toal-la coo a kpaaya bɛndoo.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Marke 3:5

O kon mí Yeesu keela nda hɔlten coo a kɔl tambɛiyo a á mɔnɛi le nila kalula ndalan, mó dimul langbanɔɔ aa: «Siɛndi baa!» Mí langbanɔɔ siɛndi baa, mí ba ndɔɔ siangun.

Esai 49:26

I miaanin vanaa dɔw nɔm yɛɛvɛ-a visin ndan nda pilan ma de mun, a kolnin kooma ndan mi ma bii nda, mɛɛ mɔima yɛngian ma bii vana yɛ. O kon, vanndacieea yoomaa kpow sinanin maa ya co Mɛlɛka ni, vana nɔm ciindiaa, vana nɔm baŋaa, Vana Kpaaya Yakɔb-o pɛɛn.

Esai 49:23

Masaa vanin vanaa dɔavaa baloa nɔmnda ni, cuavaa ndaa laandua vanin vanaa mandaa n'cuavaa nɔmnda ni, a baŋnin vulan nɔm o labɛngunin mà deli a kuumbuan o kɔl coo nɔm o labɛngunin. A deembuunin cundu vanin nɔm o n'pelu-o. O kon nɔm pila sinanin maa ya co Mɛlɛka ni, maa siɛmbula biinin vanaa tiindan ya-a le.

Condii lisai 6:1

Condii David-e, í fula o condun simlacinɔ vanaa n'condua nin-nde. A banga yoei ŋɔmaa-o vana soli ndi ni.

2Masaa 3:9

O kon mí masaa Israɛl, masaa Yuda a hoo Edɔm a bii nɛiyo. Ndáà tosaa palɛi ndii ŋɔmmɛw o kɔlan nin, mí mɛnndan ma cuu nda o ba few le vanaa cɔwva a le cɔlua ndáà kɔɛ-a.

1Masaa 20:10

Mí Bɛn-Hadad vim Akab kiilaa o bɛmbɛ yàándɔɔ, mó dimi aa: «I co Samari pesipesi, mì mingi ndu bémbélan, ɲɛ lonin o bémbéla lan nin-ndo penin bɛɛ vanaa kɔanin ya kɔɔli-a baa ca le. Te i tosa kon te, mɛɛ halaa tuisí sanga hiow sangalan kpow-vo ya coo!»

Masaa kialaa n'yamaa 8:5

Ndáà tiiyaa Sukɔt, mí Sedeɔn dimul vanaa va lon-nda aa: «La ke ya bulu tiilanndo le vanaa ya hin haa kɔɔli-a, kani a sanga nihau taw, masaa Madiannda naa n co tovɔɔ ni, Seba nda Salmunna pɛɛn.»

Masaa kialaa n'yamaa 4:10

Mí Barak yoongu polale Sabulɔn-nden a polale Nɛftali len Kedɛs. Vannda vaalan tɔ́ fula le kɔlan ndu kɔɔli ni, má kɔa nda Debora.

Tɔŋ miingua 32:24

Yima fofolan ma co nda cii diw, dialun tuwvon a nàà halimaa vɔɔndo ciinin nda kpow. I tosanin mì visia biyaa a kɛvaa lólòla nɛyaa dɔw nda yɛɛvɛ.

Tɔŋ miingua 29:24

O kon, a mululnin nda aa: ‹Kani kpema Mɛlɛka, Hala fuɲa ndaa mamaa yii a nda, mó mɛnalan nda telen o soli nda Esipte-o-o nda mal ni.

Kundalan 12:3

Nduyɛ vana tuisian bɛndoo pila Moise va ni, ndóò hiow tuisinndo a vana-vana o lɛŋnden coo.

Hebreea 11:27

A laalanndo, mí Moise faŋan Esipte, siòòŋii bii ndu le kɔl tambɛi masaa le. Mó sim yili, vanáà ca ko aa Hala vana ci loo o va cɔu ni.

Fulaa 10:29

Mí Moise mulul ndu aa: «A cii dimi, a ci lɛnin ya mì sim nɔm o hɔl te few.»

Nehemi 5:6

Lɔ́ɔ́ ya tuei cɛɛŋɔnnda ndala lan-ndo, mí tambu kɔllo taw-taw.