Fulaa 11:1 - BII BILA

¹ Mí Mɛlɛka dimul Moise aa: «I co vɛlɛ kpundɛ mɛɛlaa tuisi Faraɔnnɔɔ nda Esiptea coo. Te n malan pɛ naa ndu o laan vaŋ, o co niaa malɔɔ mì la kɔɛ. O co niaa bɛɛ tovɔɔ mì la faŋan o ndu lo le fɛɛn a fɛɛn.

Fulaa 11:1 Referans Kwoze

Tɔŋ lasálàá 26:21

Te la simul-la pɛ, mì la kɛɛ le sɔɛi nii biyɔɔ, i cɔɔlunin bɛpɛla niaa vangala bɛmbɛ leŋɔmmɛw mɛɛ hakila niaalen la co yɛ.

O Kandɔɔ 15:14

Kɛ i dɔawnin vanaa-mangalaa-isɔaa nda vanin o ba o cɛlen nin-nda yɛɛvɛ. O kon mì cuavaa nɔmaa imamaa faŋan o lɛŋnde len nin, mà hin a ɲɛ-sɔlaa taw.

Fulaa 9:14

Kani sisa nin, o cii kiolɔɔ le nɔm kpundɛla súú-súù ka tuisio coo niaa vanaa nɔmaa baalaa a Esiptea tɔ̀a kpow, haliko ma sina maa vana-vana siiman a ndu Mɛlɛka o ceendo coo le.

Fulaa 3:20

Le hee, ya pila i co dɛnɛ tosa mì cɔm kpaaya nuu o lɛŋnde ndɔlen nin a sɔɔn kaaman. O kon o malnin niaa mì la kɔɛ.

Tɔŋ miingua 4:34

Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.

Dɛnnda cɔɔmuanndan 16:9

Mí vanndacieea ŋɔa a hangul vɔɔn-vɔɔndo. Má dimi sɔɔn tanan a diola Hala nɔ baa o dɛnnda palaala lan coo-o, a cɛl le mangalanndo mà biilu ndu le.

SƐBƐ YƆB-O 10:17

A co ya ciŋilanndo tuŋ, a co hiovɔɔ laci a kɔllo tuuloo a ya tuŋ. A co vanaa nɔmaa cɔwva singafilaa le nda tuisio ya coo.

1Samiɛl 6:4

Mí Filistia ɲuna aa: «Sálà bɛɛndiaa isɔɔ súú yɛɛ naa n solul-lɛnin ndu?» Má muli aa: «La tuuliaa hindɔɔla ipawlan tan ŋuɛɛnu a sianion mì la tuuliaa vɛlɛ bɛlla nda ŋuɛɛnu a sianion mɛɛ simlacia Filistia co nda ŋuɛɛnu yɛ, mì la soli ɲɛm mun sálàá. Kani sanga pilɔɔ kpé niaa sɔla nia simlacia niaa latulu ni.

Fulaa 6:1

Mí Mɛlɛka dimul Moise aa: «A canin mɔnɛ ya co soli a Faraɔnnɔɔ-o sisa. I co ndu kindila a kpaaya nuu háá mò mal Israɛlla kɔlan. I co ndu tolɔɔ kɔɔli háá mò tow nda le nda solio few-few o lɛŋnde ndɔlen nin.»

Fulaa 12:29

Mɛɛ di-tɛɛndo tɛnda, mí Mɛlɛka lɔaa poaa tasea o lɛŋnde Esipte len nin kpow: kandɔɔ a po tase Faraɔnnɔ va masalen tosaa Esipte-o, kɔ bii a po tase vana kaaso va o kindaa-o, a cɔlua piaandua tasea.