Fulaa 10:9 - BII BILA

⁹ Mí Moise muli aa: «Naa kpow n bɛnda le kɔlan ni, kandɔɔ a felengia, kaasoŋaa yuuvɛiya, vanpiaandua kɔ bii a vanlaandua. N co vɛlɛ lakɔ a cɔlua naa: saa, cuinnda a nawva. Kani n bɛnda mì n tosa kafoo le Mɛlɛka naa biiloo.»

Fulaa 10:9 Referans Kwoze

Fulaa 5:1

O kon kɔɔli, mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka, o co Hala Israɛlla-o dimi aa nɔm mal cuavaa ndɔa mà kɔ tosa kafoo o lɛŋnde veselɛilen nin le ndu biiloo.»

Fulaa 3:18

Taa dimul pɛ nda lende, a co sɔɛi nɔmnde cɛlɔɔ, o kon mì la kɔɛ niaa kaasoŋaa kɔlkalua o masaa Esipte lo, mì la dimul ndu aa: ‹Mɛlɛka cɔmnun naa, Hala Hebreea pɛɛn. Lelan, mal naa mì n kɔɛ kɔla palɛi yaa o lɛŋnde veselɛilen nin le Mɛlɛka sálàá solullo, Hala naa pɛɛn.›

Efɛsea 6:4

Niaa fuɲaa yɛ, la tɛ́ɛ́mbùù cuavaa niaa kɔltan te, kɛ la pɛɛku nda mì la sila nda o nɛila Maalii lan coo.

Vana Kɔlkaloo 12:1

«Tuma n co vɔ felengi-o, loonun a Vana cɔw nɔm-ndo. Loonun a ndu lɔ́ɔ́ pá palɛi vɔɔnde toal nɔm coo, ma dimi aa: ‹Yoomoo fula ya iyeema›,

Talelan 3:9

Biilu Mɛlɛka a ɲɛm nɔmndon, mà yɔngu ndu ɲɛm tasen n co sɔlaa o vali nɔmndo nin-ndon.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

Kundalan 29:12

«Te paangii ŋɔmmɛwndɔɛi tiiya pɛ palɛi tɔ́ a iŋuɛɛnu, la cuungian vɛlɛ le kaannden. Paale len, la bɛnda mì la tosa vali niaa tosà paandu-o le. O palɛi ndii ŋɔmmɛw bɛngu, la bɛnda mì la va kafoo tosaa le ya Mɛlɛka biiloo.

Fulaa 13:6

O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. O paale ŋɔmmɛwndɔlen coo, la tosa kafoo le Mɛlɛka biiloo.

Fulaa 5:3

Má dimul ndu aa: «Hala Hebreea cɔmnun naa ni. Lelan, mal naa mì n kɔɛ kɔla palɛi yaa o lɛŋnde veselɛilen nin, mì n kɔ solul Mɛlɛka naa sálàlan, yɔŋii o cii naa a nàà n'kɔnyaa, te kon te a cɔwvo.»

O Kandɔɔ 50:8

Mó kɔa a yungu ndɔɔ, a puapilɛa ndɔa a á yungu fuɲa ndɔ-o kpede. Fɔ cuaambɔa pɔmbɔa, saa, cuinnda a nawva nda mɛi nɛɛ nda va icali Kosɛn-nda ni.

Fulaa 10:10

Mí Faraɔnnɔɔ mulul nda a kpaavɛi aa: «Màá Mɛlɛka lo niaa ikɛi telen ya malnin niaa kɔlan a yungula niaalan-ndo! Kɛ dombio fúú niaa co ni.

Fulaa 10:26

A cɔlua naa naa n co lakɔ ni, hali cɔloo ndu pilɛ o co lo nanu le. Kani o nda tɛɛn naa n solinin cɔlua sálàá le Mɛlɛka Hala naa ni. Kɛ naa pila n sina vɔ a naa n bɛnda mì n hɛli le ndu sálàá solullo a nda-a le, fɔ mì n tiiya lon.»

Fulaa 12:32

La cua vɛlɛ cɔlua niaa kpede mɛɛ niaa dimi yɛ, mì la kɔɛ a nda. Ya bɛɛ la dɔw ya duaa.»

Fulaa 12:37

O kon, mí Israɛlla faŋan Ramsɛs ciee le kɔlan Sukɔt, a va vanpiaandua vaalan kɛmɛ leŋɔmpum, a cɔm cuaambɔa, vanlaandua a vanaa yuuvɛiya le.

Fulaa 12:38

Mí vanaa-mangalaa-isɔaa súúla celen a del nda kɔɔli telen nda va kɔnndan-ndo, má kɔa nda ndaa latulu. Má kɔa vɛlɛ a cɔlua ndaa, cɔlua kan va kunda taw: saa, cuinnda a nawva.