Fulaa 10:7 - BII BILA

⁷ Mí vanaa baalaa Faraɔnnɔɔ a dimul ndu Faraɔnnɔɔ aa: «Yee mà lo tofaa háá mì langbanɔɔ ho lo naa dɛnɛ palaa ho tuisio coo? Mal vannda ha mà kɔ biilu Mɛlɛka Hala ndaa. A sina vɔ maa tambei le Esipte tambu nuaa le?»

Fulaa 10:7 Referans Kwoze

1Samiɛl 18:21

Mí Saul dimi o kɔl ndɔɔ nin aa: «I co David Mikal cua ni yɔngu o nɔ̀u nin, haliko mi kon va yaŋɔɔlen le ndu malɔɔ Filistia o ba.» Mí Saul dimul David bɛmbɛ lediin maa o siŋnun lefu ndɔ paale len.

Vana Kɔlkaloo 7:26

Mí ca maa vanalanɔ mal vanpiaandua-o hiow lollo a piɔ́mndo. Kaola ndɔɔ co maa leyaŋɔɔ, bala ndɔlan la co maa n'yɔlɔ. Vana hɛnan Hala-o hialun ndu. Kɛ vana lahakio ndu, malnɔnndo o malnun ndu o ba ni mò bii ndu.

Yosue 23:13

mɛɛ la sina niko maa Mɛlɛka Hala niaa hiw lɛnin laci a vanaa kan tovɔɔ niaa laci le. Kɛ a siŋnunnin maa yala toandaa, maa yaŋɔɔle miinguaa le niaa, a siŋnunnin maa lesiondoo le niaa lungbon lɔɔ, te kon te maa n'yɔɔ le niaa hɔltan hovihovio, háá mì la cuu o lɛŋnde kɛndɛle Mɛlɛka Hala niaa yɔngu niaa len-nden coo.

Fulaa 23:33

La cɛl lɛ mà cal o lɛŋnde niaale len nin te, yɔŋii nda viom niaa hakio tosaa a ya Mɛlɛka, mì la sooluu halaa ndaa. Kani te la tosa pɛ lende, mɛɛ la haw o yaŋɔɔle ndalen nin.»

1Korɛntea 7:35

I co niaa hee dimullo, le niaa malaa, o co le niaa baŋɔɔ kangalan te, kɛ le mɛɛ niaa lo kelaa o nɛi toɲaa coo mì la yɔngun kpow o vali Mɛlɛka-o nin ndu pilɛ kpé yɛ.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Yeremi 51:8

Fɔ́ɔ́fɔ̀, mì Babilɔn del, mò piɔsi! La mɛli ndu yeelan coo. La sui ndu koovan o boolɔnndan, bɔɔle mò sengu.

Yeremi 48:4

Moab tambu, vanaa co lon-nda co koŋullo a labɛɛla.

Esai 51:9

Ba Mɛlɛka-o sei! Tiondu! Tiondu! Cuɛinun a yoomuan! Tiondu maa o palɛi sindɛ nin, maa o palɛi lambila hiow sindɛ lan nin! Vɛ̀ɛ̀ o co nɔm te tɛɛmbuu Ɲɛ yoomaa kɔndɔfili co o mɛmma ihɛllan nin-ndo le? O co nɔm te buli tambálakáà le?

Esai 14:20

Nɔm sɔlanin fonda o sɛiyo nin nda ikɛi le, kani nɔm pila cii lɛŋnde nɔmnden tɛɛmbuu, a cii vanaa nɔmnda diw. Vana tui lɛnin isɔɔ a polale vanaa kɔlvesɛiya o kɔɔ le few.

Talelan 29:6

Tɛɛmbuula vanaa tosaa dɛnnda vɔɔnda la co yaŋɔɔla ndalan ni. Kɛ vanaa sandaa nda co kponyoo viovɔɔ a kɔlkɛndɔɔ.

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

Fulaa 8:19

O co tosa mì kpundɛ co kon niaa tolɔɔ coo-o kpakpala cuavaa ndɔa. Nduyɛ siɔdii kpundɛ kalaa tosannin ni.»

Fulaa 7:5

Kon tosan pɛ, Esiptea sina dɔ́ɔ́ maa ya co Mɛlɛka ni. Kani i tuisinin nda sangaa coo, mì soli Israɛlla nda tɛɛn.»

Fulaa 12:33

Mí Esiptea tisa Israɛlla kɔɔli le faŋanndo o lɛŋnde ndalen nin, kani nuaa nda va dimio ni aa: «Naa kpow cuuo naa n co nuaa ni.»

1Samiɛl 5:11

Mí nda bɛɛ veelu simlacia Filistia, má dimul nda aa: «La mingi kesu Hala Israɛlla nɛɛ o va-a, yɔŋii naa n cuu vu kpow.» Mí siòòŋii piɔ́mnde bii vannda o kobi kon nin taw. Kani ba Hala-o va vannda sangala bɛndulan tuisio coo taw, má va muungoo yulan-yulan.