Fulaa 10:3 - BII BILA

³ Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Fulaa 10:3 Referans Kwoze

1Piɛr 5:6

Lelan, la tuisin o ba kpaaya Hala-o bɛngu, haliko mo heelu niaa o telen bɛnda-o.

Nsaki 4:10

La tuisin tootoo Mɛlɛka o hɔl, mò heelu niaa.

1Masaa 21:29

«A ce mɛɛ Akab tuisin tootoo ya o hɔl-lɛ? Le tùú o tuisun tootoo ya o hɔl-lo, i tuisinin dɛnɛ palaa ho telen o co yoomu-o le, kɛ telen po ndɔɔ vanin masaa-o ya tuisinin yungu ndɔɔ dɛnɛ palaa kalaa coo ni.»

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Yeremi 13:18

Dimul masaa nda kalaa masaa aa: «La cal lɛŋ! Kani mɔsil lemasa kɛndɛ va nia o lebol-lo del lɛŋ.

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Esai 2:11

Siɛmbulan la toalnin vanaa heelannda, mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Talelan 1:24

Le tùú ya veelu kɛ mí la kasa le hunɔɔ-o, le tùú ya siɛndi ba nuu kɛ vana-vana saalan ya loo,

Talelan 1:22

‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

2Dɛnnda lemasalan 34:27

Le tùú sɔɛi ndu Mɛlɛka dimi a fondaa ho a á vanaa co lenin-nda o kɔɔ-e i pilan ndu masaa kɔllo, mó tuisin tootoo mɛlɛka o hɔl-lo, le tùú o tuisin tootoo mó sɛɛsian volɔɔlan lekɔɔ-o, le tùú o yaŋ vɛlɛ Mɛlɛka nilan-ndo, Mɛlɛka bɛɛ tuei ndu diom. Sɔɛi Mɛlɛka dimi-e co ken ni.

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

2Dɛnnda lemasalan 33:12

Manase lo o sanga bɛndu kon nin, mó kindin le Mɛlɛka Hala ndɔɔ kɔllo ɲulullo, mó sɔlɔlan hakila ndɔlan Hala fuɲaa ndɔa mamaa o hɔl,

1Masaa 18:21

Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.

Kundalan 14:27

«Mì mal vɛlɛ vanaa lanila kalua ha ya ciŋilanndo háá lɔ́ɔ́ kuɛɛ nɛ? Kani i tuei caŋnda Israɛlla co lɔ́ɔ́-lɔ́ɔ̀ a ya ciŋilanndo lan.

Fulaa 16:28

O kon mí Mɛlɛka ɲuna Moise aa: «Lɔ́ɔ́ kuɛɛ kpeekpei niaa bii yɛnin silala nilan a tɔŋnda nilan?

Fulaa 9:17

Kɛ háá hau, nɔm Faraɔnnɔɔ, a co vɔ cuavaa ndɔa kuunanndo coo, má kɛɛ le nda malɔɔ kɔlan.

2Dɛnnda lemasalan 7:14

te vanaa nia diola nilan la co piɔlnɔnndo coo-a tuisin pɛ tootoo, mà piɛi, mà nuwviaa ya, taa mangala pɛ kela nda vɔɔndo, ya Mɛlɛka, i lonin o halataala mì mulul nda piɛilen, mì mal nda haki le haki ndaa, mì singi lɛŋnde ndalen.

Fulaa 4:23

I dimul nɔm le ya ndu mello mò kɔ tosal-la baalaa, kɛ má kɛɛ le ndu malɔɔ. Lelan, i co tosa mì po nɔm tasoo sɔla piɔ́mndo.›»

Fulaa 10:4

Taa kɛɛ pɛ le nda malɔɔ, i co siɔdii sóónɔa tuisi o lɛŋnde nɔmnden kpow coo.

2Masaa 22:19

Le tùú sɔɔn mun pilan kɔl nɔmndo-o, le tùú n tuisin ya o hɔl lɔ́ɔ́ n tuei sɔɛi ya dimi a kobio ho a á vanaa co lenin-nda o kɔɔ-e-o, vanaa kan pɛɛn a dɛnɛ palaa a dangaa toalnin coo-a, le tùú n sɛɛsian volɔɔlan lekɔɔ, ma del a caŋndo ya o hɔl-lo, ya bɛɛ i tuei nɔm diom. Ya Mɛlɛka dimi lende ni.

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Daniɛl 5:22

Nɔm Baltasar, po ndɔ, a sina sɔɛi ken válán, kɛ a tuisin tootoo le.

Fulaa 5:1

O kon kɔɔli, mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka, o co Hala Israɛlla-o dimi aa nɔm mal cuavaa ndɔa mà kɔ tosa kafoo o lɛŋnde veselɛilen nin le ndu biiloo.»