Fulaa 10:2 - BII BILA

² O kon kɔɔli, mì nɔm Moise hun dimul fɛɛn cuavaa nɔmnda a cuavaa nɔmaa imamaa mɛɛ ya soli mɔnɛ a Esiptea yɛ, a mɛɛ ya tuisi nda kpundɛlan coo yɛ, haliko mi la sina o kon maa ya co Mɛlɛka ni.»

Fulaa 10:2 Referans Kwoze

Yɔɛl 1:3

La dimul poaa niaa sɔɛi ken, mì nda bɛɛ hun dimul poaa ndaa ndi, mì poaa ndaa bɛɛ a dimul a nda vialunin-nda.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Fulaa 13:14

Te cuavaa niaa ɲuna pɛ niaa aa: ‹Le kɔlɔ yɛɛ niaa co yɛ dɛnɔɔ ho tosaa?› La mulul nda aa: ‹A ba ndɔ kpaayaa Mɛlɛka soli naa o cɛlen nin o lɛŋnde Esipte len nin ni, cɛa naa n va lon ni.

Condii lisai 44:1

Condii poaa Kore-a, í fula o condun simlacinɔ vanaa n'condua nin-nde.

Fulaa 7:17

Lelan, Mɛlɛka dimi maa o laan ndu, a co sina válán maa ndu co Mɛlɛka ni. I co mɛmma co o pee bɛndoo Nil-lan lɔɔ a tinda co hoo ya o ba-o mì ma mangalan koovan.

Efɛsea 6:4

Niaa fuɲaa yɛ, la tɛ́ɛ́mbùù cuavaa niaa kɔltan te, kɛ la pɛɛku nda mì la sila nda o nɛila Maalii lan coo.

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Esekiɛl 20:26

Mí nɔɔliaa nda a ɲɛm kean ndan, telen nda va poaa ndaa tasea a cɔlua piaandua tasea kpow keiyo o yinnden nin-ndo. Lende yáà yeema le nda mɔnɛi lueiyo ni, haliko mi yáà cɔm nda maa ya co Mɛlɛka ni.

Condii lisai 71:18

Lelan, tuma ya yuuva nin hoo, mí yulunnde vul-la-o, mal-la le, Hala nuu! Haliko mi cɔm langbaa felengia ha sisa a cuaambɔa vialunnin nda kɔɔli-a kpaaya nɔm bɛndoo.

Condii lisai 58:11

Vana sandaa dɔawnunnin ɲaale, kani o canin Hala vanaa kɔlvesɛiya màá mingullo, o kon mò kela o kooma ndan nin.

Fulaa 7:5

Kon tosan pɛ, Esiptea sina dɔ́ɔ́ maa ya co Mɛlɛka ni. Kani i tuisinin nda sangaa coo, mì soli Israɛlla nda tɛɛn.»

2Samiɛl 7:22

A co o bɔɔ Maalii, Mɛlɛka! Vana co maa nɔm te. Maa mɛɛ naa n tuei kabi paandu yɛ, Hala celen co o nɔm kɔɔli le.

Fulaa 8:6

Mí masaa yam lɔ́ɔ́ aa: «Siɔdii.» O kon, mí Moise mulul ndu aa: «I sɔɔ laba. I tosannin siɔdii lende, haliko ma sina pɛngu maa vana-vana sulan a Mɛlɛka le, Hala naa pɛɛn.

Fulaa 14:4

I co ndu nilan kindi háá mò cɛn le niaa kuello. Kɛ i co kei a ndu pila a á vanaa ndɔa cɔwva mì cɔm biilu nuu, mì Esiptea kpow a sina maa ya co Mɛlɛka ni.» Mí Israɛlla tosa mɛɛ Mɛlɛka dimul nda yɛ.

Fulaa 14:18

Te i soli pɛ mɔnɛ lende a Faraɔnnɔɔ, a ɲɛla ɲaanannda ndɔla soa nan-ndan a á vanaa ɲaanun o soa coo-a, mì soli biilu nuu o nda nin, Esiptea kpow sinanin maa ya co Mɛlɛka ni.»

Condii lisai 44:2

Òó Hala! Naa pila n tuei, fuɲaa naa dimul naa dɛnnda n tosa o palɛi ndɛi lan.

Condii lisai 78:3

Dɛnnda naa n tuei, mí n sina lan, dɛnnda fuɲaa naa dimul naa a lan o kɔɔ lan.

Esai 38:19

Kɛ fɔ vana co yoomu-o, a toɲa, fɔ vana co yoomu-o lisa nɔm ni, maa mɛɛ ya co nɔm lisaa hau nuaa yɛ. Fuɲaa pɛɛkunin cuavaa ndɔa mɛɛ nɔm Maalii co vana lo o lediom coo-o yɛ.