Fulaa 10:12 - BII BILA

¹² Kon tosanndo, mí Mɛlɛka dimul Moise aa: «Siɛndi ba nɔmndo o lɛŋnde Esipte len coo, haliko mi sóónɔa coŋ lecoo vuyɛɛ, mà de tɔlɔɔla loeon mɛi lan kpow.»

Fulaa 10:12 Referans Kwoze

Fulaa 7:19

Mí Mɛlɛka dimul vɛlɛ Moise aa: «Dimul Aarɔn mò cua tinda ndɔɔ, mò yulu baa nɛɛ-nɛɛ mɛnndan ma co o lɛŋnde Esipte len nin. Kandɔɔ a peela bɛndulan, tɛyun mamɛnndon, dalalan, kɔ bii a peela pɔmbɔlan, haliko mi mɛnndan kpow ma siŋnun koovan o lɛŋnde Esipte len nin kpede. O kon, koovan ma luɛinin o ɲɛm-laandun cɔwnun a yɔmnde-on a o ɲɛm-laandun cɔwnun a powtan-ndon nin.»

Dɛnnda cɔɔmuanndan 9:3

Mí sóónɔa fula o kumii ken nin, má coŋ o lɛŋnden coo, mí kpaayaa kennun nda maa kpaaya ngeemaa co o lɛŋnden coo-a.

Fulaa 10:15

Má kumbu lɛŋnden háá mí le yɔŋnun yim-yim. Má dia bil kiyɛiyo a tɔlɔɔla koamaala loeon mɛi lan. O lɛŋnde Esipte len nin kpow hali peele kiyɛilen a mɛi o yɔmnde coo a o billo coo yondoo nin te.

Condii lisai 105:34

Mó soaa vɛlɛ, mí sóónɔa fula a paalennda, vanáà cii nda cɔm te.

Fulaa 9:32

Kɛ maalon a sɔkpɔn mun tembu le, kani mun yala cuulu le.