Fulaa 10:1 - BII BILA

¹ Mí Mɛlɛka dimul Moise aa: «Kɔ o Faraɔnnɔɔ lo, kani ya Mɛlɛka kindi ndu nilan nda vanaa ndɔa baalaa ni, haliko mi tuisi nda kpundɛlan-ndan kpow coo.

Fulaa 10:1 Referans Kwoze

Fulaa 4:21

Mí Mɛlɛka dimul ndu aa: «Taa muungu pɛ Esipte, kaamaala ya yɔngu nɔm kpaayaa le tosaa lan kpow, a bɛnda ma tosa lan Faraɔnnɔɔ o hɔl. Kɛ i kindinin Faraɔnnɔ kalaa nilan háá mò kɛɛ le Israɛlla malɔɔ kɔlan.

Rɔmnda 9:17

Kani mí sɔɛi Hala-e dimulun masaa Esipte aa: «I siinguu nɔm masaa haliko mi cɔm kpaaya nuu o nɔm nin, mì diola nilan la kela tɔ́ɔ́ o lɛŋnden kpow coo.»

Fulaa 3:20

Le hee, ya pila i co dɛnɛ tosa mì cɔm kpaaya nuu o lɛŋnde ndɔlen nin a sɔɔn kaaman. O kon o malnin niaa mì la kɔɛ.

Condii lisai 7:11

Hala co kɔ̀ɔ̀ cɔw co ya kandaa-o ni, Hala co vanaa nɔ kɔlta sandaalan-nda ciindiaa-o pɛɛn.

1Samiɛl 4:8

A toɲa, n kɔndu dɛnɛ a vannda dɛ! Nɛ̀ɛ́-nɛ̀ soli yɛnin naa Hala kpaaya bɛndu tuisi kon Esiptea sangala súú-súù ka coo o lɛŋnde veselɛilen nin-ndo o ba?

Fulaa 9:27

Mí Faraɔnnɔɔ viam kilaa le kɔlan Moise nda Aarɔn veeloo, mó dimul nda aa: «O laan ndu, i cua hakio. O sandaa Mɛlɛka ndu co ni, kɛ naa n co vanaa yɔŋ vɔɔnda naa yungu nuu ni.

Fulaa 9:16

Kɛ o mɛi nɔm yoomu le nɔm kpaaya ndɔɔ cɔmndo a le tɔ́ɔ́ ndɔɔ sɛŋio o lɛŋnden coo kpow.

Fulaa 7:4

Kɛ o yeŋnin niaa lani le. O kon, i cɔmnin Esiptea kpaaya nuu a kpundɛla bɛndula ya vanin nda tuisio coo lan. I mulinnin o kon kɔɔli mì soli vanaa nia a kundalan o lɛŋnde Esipte len nin, Israɛlla pɛɛn.

Nsaŋ 12:40

«Hala suumiaa nda hɔltan, mó kindi nda nilan, haliko a ca le, a bii bila le, a mangalan o kon mì i singi nda le.»

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Fulaa 9:12

Kɛ maa mɛɛ Mɛlɛka ndóò dimul Moise yɛ, mí ndu Mɛlɛka kindi Faraɔnnɔɔ nilan, o cɛl le sɔɛi Moise nda Aarɔn-nde biyɔɔ le.

Yosue 11:20

Kani Mɛlɛka pila tosa ni má kindi nilan a Israɛlla, má ciŋilan nda a cɔw lambaa-lambaa. Lelan, Israɛlla tosa iɲíí a nda le, má diw nda kpede maa mɛɛ Mɛlɛka pila ndóò dimul Moise yɛ.

Fulaa 10:20

Kɛ mí Mɛlɛka kindi vɛlɛ Faraɔnnɔɔ nilan háá mó kɛɛ le Israɛlla malɔɔ kɔlan.