Fulaa 1:7 - BII BILA

⁷ O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

Fulaa 1:7 Referans Kwoze

O Kandɔɔ 46:3

Mí Hala dimul ndu aa: «Ya co Hala ni, Hala fuɲa nɔm-ndo pɛɛn. Lelan, siòòŋii bii nɔm le kɔlan Esipte le. I co tosa mì polale nɔmnden le kui lon taw-taw.

Tɔŋ miingua 26:5

O kon kɔɔli, vana kon cua niko sɔɛi, o dimi Mɛlɛka Hala ndɔɔ o hɔl aa: ‹Aramiinɔ va kelaa-o fuɲa ni mamaa va ni, mí ndóò tuusu sindɛ Esipte a vanndacieea kɔɔli ɲɛ-pɔmbɔ, mó kɔ cal o sumialle lon a nda. Mí vanaa kan kɔ kui lon taw, má sɔla kpaayaa.

O Kandɔɔ 1:28

Mó dɔaw nda duaa, mó dimul nda aa: «La náŋ ipúlú, la kuí, la pei lɛŋnden ca mì la va vanaa bɛndua lecoo. La tosá masalen suvaa co o mɛnndan nin-nda, yovaa co coocoo-a a visia pɔmbɔa kela lɛŋ-nda kpow coo.»

O Kandɔɔ 47:27

Mí Israɛl a cuavaa ndɔa cal o lɛŋnde Esipte len nin, o tàndàá Kosɛn nin. Má sɔla yondolan ndon, má vialu cuawva, má kui taw-taw.

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 9:1

Mí Hala dɔaw Noe nda poaa ndɔa duaa, mó dimul nda aa: «La naŋ ipúlú, la kuí mì la pei lɛŋnden ca.

Nehemi 9:23

Má ke nda cuawva sɛ́lɛ́ bɛndoo maa loeon o halataala. Má kɔa a nda o lɛŋnde Kanaan-nde nɔm óò vem fuɲaa ndaa mamaa le len hiɔlɔɔ len nin.

Tɔŋ miingua 10:22

Fuɲaa niaa mamaa kɔɛ lɔ́ɔ́ kon Esipte-a, à va n'van belaŋɔmmɛw daama, kɛ sisa Mɛlɛka Hala niaa vangala niaa mí la kui sɛ́lɛ́ bɛndoo maa loeon o halataala.»

O Kandɔɔ 48:4

Mó dimul-la aa: ‹I co nɔm cuawva yɔngu mì polale nɔmnden le kui taw. I solinin vanaa-mangalaa-isɔɔa taw nɔm o ipulu. Nduyɛ, i co hunɔɔ cuavaa nɔmaa imamaa lɛŋnden nden yɔngu le fɛɛn a fɛɛn.›

O Kandɔɔ 17:16

I co ndu duaa dɔvɔɔ mò vilul nɔm hɔ́ɔ́ piaandoo. I co ndu duaa dɔvɔɔ mo siŋnun kala-mama vanaa-mangalaa-isɔɔa súúlan taw. Masaa súúlan taw a fulanin ndu o ipulu.»

Condii lisai 105:24

Mí Mɛlɛka kui vanaa ndɔa, má hiaw yaamɔaa ndaa.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 1:20

Mí Hala dimi aa: «Ɲaa yoomaa fulá taw-taw o mɛnndan nin, yowva fulá coocoo taw mà va kelaa.»

Fulaa 12:37

O kon, mí Israɛlla faŋan Ramsɛs ciee le kɔlan Sukɔt, a va vanpiaandua vaalan kɛmɛ leŋɔmpum, a cɔm cuaambɔa, vanlaandua a vanaa yuuvɛiya le.

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

Dɛnnda kiilaa 13:17

Hala Israɛlla hɛli fuɲaa naa mamaa. Mó tosa má kui telen nda va Esipte-o. O kon kɔɔli, mó soli nda o lɛŋnde len nin a kpaaya ndɔɔ.

O Kandɔɔ 26:22

O kon kɔɔli, mó faŋan ndon, má tuw ndu soon kólaa celen. A nuwviaa lɛ ndu sɔngɔ o n'dial o kon coo le. Mó ke ndu diolan aa: Rehobɔt (kon co dimio ni aa «Fonda fɛkɛiyo»). Kani mó dimi aa: «Mɛlɛka yɔngu naa falle fɛkɛi, n co bolofaa sɔla o lɛŋnden nden nin kpeekpei.»

Fulaa 1:12

Kɛ nduyɛ, mɛɛ ndáà saangiaa nda faw, lende koni ndáà hiaw laci a kuiyo a á lɛŋnden hiɔlɔɔ. Mí siòònde bii Esiptea a sɔɛi he.

Fulaa 5:5

La sina maa vannda ha kui nin kuiyo pila o lɛŋnden nden nin. Le yɛɛ niaa hin yɛ le nda faŋaa o valta ndalan nin?»

Condii lisai 107:38

Mò dɔw nda ndua, mà kui taw-taw, cɔlua ndaa faŋan lecoo le.

Esekiɛl 16:7

Mí vangala nɔm taw-taw, má kui maa billo yondoo nin, má can o boondei coo, má hindu, má naŋ naŋɔɔ pila. Mí mɛɛma nɔmndan má kiilian nɔm o ibuŋ, mí yiiŋii nɔmnde del kɛpuu-kɛpuu. Kɛ tum fondo fúú n va ni, a vannun kɔɔle fondo fúú.